حلو يوم أهل البنت يساعدون الريّال دامهم يقدرون على هالشي
وااااااااايد أبّهات يساعدون رياييل بناتهم
مثلا : يبنون لهم بيوت أو يسكنونهم عندهم
أو إنهم ما يتشرّطون وااااااايد دامهم ما يرومون يساعدونه و هو ما يروم يلبي كل طلباتهم
و لازم يعتبرونه ولدهم
و هالشي أنا أباه "ما بظهر من بيتنا إن شا الله"
بس الأهم إن الريال يكون مقدّر الأشيا اللي ينعطى اياها
يعني لو أهل البنت ساعدوه مب معناته إنه هم يوّزوه و يبون الفكاك من بنتهم
و يستسهل كل شي و يستوي إتّكالي
لازم يحط في باله إنهم ساعدوه لأجل يرتاح و ما يتديّن
+
بالنسبة للمهر
أحلى مهر سمعت عنه هو مهر أم ربيعتي :)
مرة كنت أسولف ويا ربيعتي جان تقول لي : تعرفين شو كان مهر أمي ؟
قلت لها : شو ؟
قالت : مصحف
---> صدق إنه أغلى مهر
يوم رديت البيت قلت لأميه : اللي بياخذني خل اييب لي مصحف =)
مب اني مابا شي بالمرة ، بس الأهم هو المصحف
الفلوس ما تدوم و تيب الهموم لو كانت يايه بالدين
و الرسول عليه الصلاة و السلام وصّانا إنه ما نبالغ بالمهور
ما أذكر الحديث بالضبط
لكن معناه إنه
" أقلّهن مهراً أكثرهن بركة" ...
مواقع النشر (المفضلة)