[ M!X مع ملاكوه ]

[ملاك الروووح]

:




السلام عليكم يالربع ..


اشحالكم ؟

عساكم بخير وعافيه ؟



:

يبت لكم صور يديده ..

أتمنى تنال استحسانكم .. واعجابكم ..!



:

آرائكم .. وانتقاداتكم احتفظوا بها لنفسكم

لووووووووووووووول

أسولف والله

:

أكيد آرائكم تهمني وايد ..

لأنه شرات ما تشوفون .. العزبه قامت تتطور مع ملاحظاتكم ..

اللي اكيد انحطها ف عين الاعتبار ..

ونسعى للتميز .. والابداع .. تحت ظلكم << وايد اتحمست الحبيبه أشوف

تعرفوني يعني ما بكون ملاكوه اذا ما رمست وايد ..

وهالمقدمه بس جيه غياظ ف بعض الناس هع هع

:

يالله استلموا الصور ..

:

(1)

تصدق يا بحر ..

انك تشابـــه بالعطا [ قلبي ] !

وتصدق يا بحر ..

انك تشابه ..

بالغدر [ حـــبي ] !!






<< عيزت وأنا أدور على قصيده عن البحر .. وعبق الماضي وما حصلت

و وايد أحب هالبيت عسب جيه حطيته ف السموحه منكم !

:

(2)

أحرقني القــــيد .. ياسيدي ..

ياسيدي ارفق على [سيدك ]!!




:

(3)


NeW [LOVE] STorY Has BeeN BoRN !!




:

(4)

ما تعودت أحني هامتـــي .. إلا ف صلاتي !

<< شو يخصه



::

(5)

حبـــي لك

لم يكن من أول نظره !!

ولكني أعترف بأن خفقات قلـــبي الأولى

كانت لك وحدك !






:

وبس

رقمتهم هالمره عسب ما أتلعوز


وترى شي جايزه حق أول رد هع هع

[رمــش الغـــلا]

ملاكوه

واخيرا تكرمتي ونزلتيلنا موضوووع

تراج بالقطااره مستوية

احم ...

طبعا عطيتج التعليق على الصورة الثانية والاخيرة عالمسن

بس برد أقولج

ببدا من اخر صورة

(5)
حبيت الفوكس وااايد في الالوان والقلب
وااايد حلوة الالوان فيها
والبلر عالقلامة حبيتهـ .. لانه مظهر الفوكس عالقلب ..

وطالعة الصورة كتييير حلوة

(4)
حلوة الصورة واااااااااااايد حبيتها

ذكرتني بصورة اختي مصورتنها يوم كنا فالبر

انشالله بحطها ... بس عقب ما ادورها فالسيديات لول

(3)
كيووووت الصورة

والفوكس عريول البيبي طااالع وااايد حلو

فديتهـ والله ... الله يحفظهـ...

(2)

حبيت فكرة الصورة

واللي حلاها الكلمات اللي مختارتنها

وااايد نايس ... عليج افكار ملاكوه هااا

(1)

حبيت الصورة الأولى

اعتقد اني شايفتنها ... اذا ماخاب ظني

مال حفلة التطوع اللي كنتي مشاركة فيها !!

اختيارج للزاوية اللي التقطتي فيها الصورة .. موفق




بس حبيت كل الصور للأبد

[شمعة أمل]

وليش خاشه هالابداع يعني.. مشكله الى يعرفون يصورون ومايرااوونا صورهم
حبيت الصور اسبشلي الأولى

[ا ل غ ل ا]

(1)

حبيت الصورة
بس تمنيت الإطار كامل !!
بدال ماهو ثلاث أطراف وداخله صورة المراكب


(2)

حبيت الألوان فالصورة والفكرة


(3)

ياربييييييييييييييي تخبل هالصورة
تخببببببببببببببببل
فديت هالصبوووووووووع

الفوكس على ريل البيبي قيرل يجنن والكلام يعبر صدق عن الصورة
الفكرة واصلة بدون كلام حتى فديت اليهااااااااال
أحباب الله هاييل


(4)

الصورة Classic
هادية ورومانس
بس عندي تعليق واحد عليها

أنتي شكلج مستخدمة لير وردي على الصورة صح ؟
رايي الصحرا يبالها لون أصفر شرات أرضها ورملها



(5) << وأخيرا تعبتيني خخخ

سو كيوووووت
الفكرة والألوان والفوكس على القلب ،،

حبيتها وايد



Keep Up The Good Work

[رمــش الغـــلا]

ملاكووووه

توني اقرا ان شي جايزه حق اول رد

يلا يلا

اتريا تراني هااا

خلج عند كلمتج لولز

[ملاك الروووح]

:

حي هالشووووف والله

حيها الغاليه .. اخت الغالين

فديت رمشتي ..

منوره الموضوع

<< ولا جني ذليتج ع المسن عسب تردين عليه .. !

:

احم احم

السموحه منكم والله ..

بس اوعدكم انه جريب .. بذلكم بصوري ..

لأني صج صج متولهة على كنونتي ..

وأحس اني بعوض عن غيابها ف هالكمن يوم ..

ف ابشروا بعزكم .. !

:


ترى هاللي أنا كنت أباه .. انه الفوكس يكون ع القلب ..

والالوان جيه تكون بلر .. والحمدلله انها ضبطت وياي وعيبتج !


بتريه صورة اختج ما يخصني هاه ..

خاطري أسير البر وياكم .. أحس ونااااااااسه ..

خلاص هالشتا ان شاء الله لازم نروح رباعه ..

نحن كل يوم مطيحين ف البر !

:

تسلمين ياقلبي

انتي الكيوت ..



تراها بيبي غيرل

هنوووووده ..



:

بالنسبه للكلمات .. تصدقين وأنا أصور الصوره كانت ف بالي أصلاً ..

يعني مصوره الصوره عقب ما كانت ف بالي الاغنيه

بس غبار صح ؟!

:

ماشاءالله علييييييييييييييج تذكرين !!

من متى أنا مراوتنج اياها ..

ما توقعت بتذكرينها ..!

هيه هاي هي .. مصورتنها ف مطعم البوم .. يوم سرنا هييج المره ..

بس هني لعبت فيها بالفوتوشوب شوي

:

مشكوووووووووووووره حبيبتي على تعقيبج العسل شراتج

وايد تحمسيني والله

يو كيب مي اون فاير أولويز .. فديت روحج أنا ..

:

يارب يعيبكم يديدي ..



وألف شكر مره ثانيه ع الحضور يا حلوه ..

[ملاك الروووح]

:

حبيبتي ..

شمعتي ..



:

ياقلبي علييييييييييييييج !

وايد استانست على ردج والله !

:

دخيلج أي يعرفون يصورون ..

ولا يخصهم توهم مبتدئين وف بداية المشوار ..

وان شاءالله بتشجيعكم وتواصلكم نرقى ونتميز !

:

واصله من صوبج الصوره حبيبتي << ما يخصه هاه


سعيده انها عيبتج حبيبتي ..

يشرفني والله ..



:

من القلب شكراً على حضورج يا بعدهم ..

[مــهــابه]

آخـر وحده وايد وايد وايد حبيتها . .

والصـورة 3 بـعد . .

بأنـتظار الأحلى والأحلى منج [ مـــلاك ] . .

[قرموشة]

يااااعيينييي ياااعيييينيييييي !!
شو هـ الحركــااات الفنتك ملااكووه P= يا سلام عليج !
وايـد عيبتني أول صووره ! حبيتها من أعمــااق خـاطري .. وصور الالـواان والقلوووب وايـد كيووت > مثلج (L)
تسـلم ايدج على هيك لقطــات .. ولا تطولين علينا بالكلكشن الياااي .. نرقب ونطممعع بالمزييد ياعمري D=

.
.

[خيال الحب]

ياسلام على الصور الحلوه

وايد كشخه الصراحه :)

بانتظار المزيد

[الا انا]

..^^

يا حركات انتي ..

طلعتي خطيره .. وانا مادري ..

حلوين الصور .. والتعليقات احلى ..

. موفقه الغاليه ..**

[مايهزك ريح]

افكار حلوه وتصوير روووعه .. إلى الأمام ^_^

[أنامل قلب]

:
.

السلام عليكم ..

من الآخر .. مابعلق على كل صوره لأني بتعب ..
ولأني عارفه بإني بحب الاصور حتى قبل لاشوفهم ما شاء الله عليج ..
+ كلهم عـ صوب وثبوع الزغنطوطه على صوب ..

صدق ما شاء الله عليج اختي ..
عندج نوع من الابداع وحب الابتكار والتفرد باسلوب انتقاءج للاصور ..

حبيتهم كلهم بلا استثناء ..
ونتمنالج دوام الرقي والتفوق بحياتج العلمية والعملية لول .. >> ايام والله ههه

مع انها عباره طيبة الفحوى واتمناها فعلا لشخصج حبابه ^____^ ..

موفقه دائما ومثل ما سبق وقلت ..
تملكين موهبه طيبه ادام الرحمن الطيبه لدربج ..

احترامي ..

:.

[بنت ناس و عرب]

i liked the first pic :)

[ملاك الروووح]

:

هلا وغلا ومرحبا ملايين

بغلوووووي ..



:

للأسف الصوره الأولى .. الفتحه طويله وايد ..

يعني مافي مجال اني أبين الاطار من فوق بعد عرفتي كيف !

الا اذا صورت من بعيد وايد !

:

فدييييييتج انتي الخبال ..

هيه والله ماشي أحلى عن اليهااااال فديتهم ..

الا اذا كانوا حشره ويكرهونج ف عيشتج لوول

ثانكس ياقلبي

:

هيه استخدمت ليير وردي ..

بس أحس كلامج منطقي والله ..

بيرب اعدلها وأحط لير أصفر بشوف كيف بيطلع

:

مشكووووووووره حبيبتي

والسموحه عاد تعبناج ..

بس وايد استانست على ردج والله

وشهادتج أعتز فيها وايد ..

لا خلاني الرب منج حبيبتي ومن تواصلج الحلووووو