دلـــع سيــــــارتــك مع بـن دبي

[ماوحشتك]

الســـلام عليـــــــــكم ورحمة الله وبــركاته ...





الموضـــــوع مبيــن من عنوانــه مثــل انتوا ما شايفين ..



" دلــــــع سيـــــــــــــــارتك مع بــن دبي "




اليوم بينما كنت اتجول على النت كنت ادور على زوايد للرنج سبورت .. وما حصلت الي اانا ابغيه يعني مثلا صور ديزاينات, اسعار, شو الاحسن, انواع الخ...............

ويه فبالي انه انزل موضوع في واحة السيارات باسم دلع سيارتك مع بن دبي عشان الكل يستفيد

يعني اي حد عنده استفسار عن اي شي يخص زينة السيارات مثلا وين :
احسن الاماكن
احسن الاسعار
و كوالتي, الخ..... يطرحه في هالموضوع
و" نصايح "

وله اي حد شايف اي صيحه يديده فتزين السيارات

وانا متاكده انه ان شاء الله الشباب ما بيقصرون وخاصه فينا نحن البنات لووووول (اقصد انا لول) الي ما يخصني بشي.. لول يعني ما كل شي خخ اشياء بدائيه بس


ببدا


اولا: بسال كنت ادور مثل هيل الي فصوره الي مادري شو يزقروهن حتى > الي جدام الباب مثل الشبك ( سالت كزن قالي يسمونه خياشيم) شي جي

- بغيت اسال عن كرووم ؟
يعني ابغي اشوف ديزاينات اذا ما عليكم امر ....

وبغيت اعـرف اسعارهن ؟ تقريبا
و النوعيــات ؟

واذا اقدر احصل الون الذهبي بعد ؟

---------

ثانيا عن الرنقات ^ نفس المطالب



ممم واذا عندكم اي شي زياده ممكن يفيد لا تبخلون بطرحه


يالله شبــــــــاب شدوو الهمه
ومنكم نسـتفيد

[المزوحي]

الموضوع عيبني الصراحة، ومع إني ما أحب الرنج ( السموحه ) بس من فترة يايني هوس على المواتر

قول شو بيستوي يعني لو خذت رنج، حتى لو تكسي وإلا خربه .. وإلا ...........

عقب أقول تراني أحب الأكس فايف،،، شو اباها الرنج .... المهم ظهرت برع الموضوع شكلي ...

ماوحشتك انا بحط صوره بالرنقات هذي



الصور الثانية تزويد هامان



انا شفت صيحات في السيارات لكن مادخلت بالي الصراحة مثل تنجيد كراسي الموتر بــ الماركات مثل بربري

ولوفيتون ........... بسسسسسس لاعت جبدي ... غصب يدخلون الماركة في كل شي

[ماوحشتك]

اولا واخيــرا حد رد عالموضوع بعد مادري كم زياره

لا و المزوحي داش و بقوه
^ هدي هدي شو السالفه .. !

تسلم ع المشاركه و ع الصـور
الرنقات الي فصوره الاولى بالاخص احس وايد اوفر بالنسبه لي يعني ( بنيه )
احسها تركب عالشباب اكثر :icon_rr .....

انزين ما عندك اي فكره عن الاسعار او اي شي من مطالبي ^ الي فالموضوع

----

وانا وياك في هالشي فـ تنجيد الكراسي بـ ماركات ...

انا يمكن قبـل 3 سنين او اكثر .. ما احيد بالظبط يعني قبل لا يتنشر عدنا هني فالبلاد
شفت سيارة ما احيد منو بالظبط كانت باريس هلتون ولا برتني سبيرس ملبسه سيارتها جلد لويس فيتون وكاااان الصراحه روعه ... وتحسه صج قو .....

بس الي هني فالبلاد عدنا مب شي الصراحه احسه يخرب السياره .. و الخامه ابد مب شي
جي جنها فوده (فوطه) لحاف موووووووول مووووول مب شي ...
وكل لخلق ظرابه .......... ع شوه مادري ..! وياريت البرنت يبن انه اصلي فلعات !

[المزوحي]

هلا أختي ،، صح يمكن اتدورين شي يليق بج ... سمعي احتني معتزل سوق السيارات صار لي فترة ، فما عندي

فكرة وإلا ودي اساعدتج والله .. واتمنى الاخوان مايقصرون وياج ..

اذكر في محل في الشارجة اسمه الكابري عنده رنجات ... بس ماعندي فكرة عن الاسعار .. بس اظن اسعاره

غاليه ..

[ماوحشتك]

لك جزيل الشكر يا المزوحي ..... ما تقصــــــــر ......
بانتظارك اذا قررت العوده بعد الاعتزال :P

[أنامل قلب]

:
.

السلام عليكم باللي توحشنا ^_^ ..

اممم خاطري أساعدج بس صدقيني أخير لج أظل بعيده ..

حالتي أردى عنج ابـ زوووود .. حتى استحي أدخل واحة السيارات .. احم ..
إذا ما وصفت موقفي بالخوف لول .. مووول ما يخصني ..

أحس كاني أدخل مكان كله شباب ..
بس عيبني عنوان الموضوع وحبيت اطمش ..

:

اتمنى فعلا تلقين الافاده ممن يملكها ..
واسمحيلي اختي عالقصور ..

احترامي وودي ..

:.

[شمعة أمل]

مبروك عليج السياره اليديده
اختي عندها سبوورت بس سوبرجارج HST .. السايد ميروورزز كروووم ومادري شو بعد كرووم وكراسيها من داخل غير عن السياير الثانيه صدق نااايس
وحده نعرفها.. عندها نفس سيارة اختي.. بس ذهبيـه.. وحاطة رنقات ذهبيه.. كلحد قالها مابيطلع حلو.. بس العكس.. يقولون يجنن

عندي اقتراح
ليش ماتسيرين عند west coast customs عندنا هني.. هاييل نفس الناس الى سوو سيارة باريس هلتوون وفكتوريا بيكام.. خلييهم هم يسوولج كل شي بدال ماتعورين راسج

[المزوحي]

شمعة أمل الله الله ... مانروووم على المحل، بس تعالي يمكن السعر ما يناسبها ^_^

هيه صح خلها تسير وتشوف ...

شمعة HST



بس تعالي وايد بنات مايضربوون مخفي على الموتر .. يعني اكيد موتر بــ هالجيمه ...

[شمعة أمل]

ليش يعني مايحطون مخفي؟ =s
أصلن كيف يتحملون .. وايد حررررر


وعن المحل ترا على حسب شو بتسوي في سيارتهااااا انا من كم من شهر واخبر ابويه انه يوم بيعطوني سياره يديده بعدلهاااااا وبقلد فكتوريا بيكام بحط حرف اسمي على راس الكرسي p: وشفت على سويت سكستيين وحده ودت سيارتها ويحطون قليترررررر في الصبغغغغ احس كشخه.. بس طبعا لين الحين محد مسولي سالفهxD

[شمعة أمل]

وترا الصوره الى حطيتها مب نفس سيارة اختي
سيارة اختي احلى p: ها السياره الى في الصوره مافيها كروم

[المزوحي]

أمس شفت كذا رنج بدون مخفي ( بنااااااات )

شمعة أمل إن شاء الله يوم يتظهرين موتر شوفي شو التعديل اللي تبينه ...

ما وحشتك بكم وصلت جيمة الرنج سبورت العادية ؟؟؟

[إسهر معي ليله]

اللي انتي حاطه صورتها.. كت KAHN.. الوكيل ماله Quarter Mile

للأسف ما عندي عنوانهم.. بس موجودين في دبي وتقدرين تسئلين عنهم

وهذا موقع شركة KAHN

http://www.kahndesign.com/
:
:
تبين نصيحتي.. اذا السياره لج ما انصحج بهالكت،، لأنه ملفت وما ينفع لـ بنت

واذا انتي حابه انج تغيرين في السياره.. عندج كت الـ HST وهذا موجود في الوكاله، شرات هاي/



مرتّب وبسيط وفي نفس الوقت ينفع لـ بنت
:
:
وبيني وبينج سوالف الكتّات والتزويد.. مجرد هوس لـ فتره وعقب يستوون ملل

حلات السياره تكون على حالة الوكاله،، او تزويدها يكون مرتّب

اما السياره سبورت عاديه.. رنقاتها KAHN.. والشبك كروم.. ومن داخل ماعرف شو.. احسها تطلع مب شي

مجرد راي

[عيون الليل]

مرحبـــا . . .

كان ردي مشابه لاخويه اسهر معي ليله . . لكن هو سبقني

التزويد حلو . . وايد حلو بعد . . وذوقج أحلى عزيزتي . . بس احلى السياره اليوم اتكون بحالة الوكاله مثل ما قال اخونا . . وتراها وايد اتكون ملفته وماشالله بعض الشباب ما ايصدقون وانتي ادرى باللي اقصده ;)

ع العموم عزيزتي . . اختيار موفق . . وبالتوفيج

[مجموعة إنسان]

هههههههه
طاعوا هذي !!

والله ماني بالسيايير والتعديل وهالسوالف
ههههه
بس اسوق واتهور

[ملاك الروووح]

:

صديييييييييقتي الصدوووقه


دبووووووووه

ما أحبج ..

اشلون تركبين كزنتي موترج قبلييييييييييي !!!



:

ألف ألف مبروك حبيبتي

تتهنين فيها يارب ..



مسيفتنج عندي الحين راعية الرنج هع هع ..


مااااااااااا يخصني هالويك اند أنا يايه عندج ..

تركبيني الموتر .. وبنخمس فيه .. وبنصيع شوي ..

شارية لج سيديات أناشيد هع هع اتعرفيني مستويه ججيه هالأيام

ما أسمع أغاني الحمدلله ..


حلوووووووووووووووه الصوره اللي طرشتيها حقي ..

عجيبه الزاويه طالعه ..


وبعدين ما يحتاي تعدلين وتسوين في الموتر ..

أصلا انتي روحج اتحلينه << وحده تبي تقردن عسب تسوق السياره

:

يالله عقبااااااااالي ان شاءالله

بس خل آخذ الليسن عاد اول شي

:

حبيت صورة الرنغات اللي حاطتنها ..

وايد نايس !!


أعتقد المحل اللي تطريه شمعوه هو نفسه مال اكزبت صح ؟

صح جيه اسمه ؟!

: