يا من ضيعت عمرك في الحرام بالله هل وجدت السعادة ؟
جملتك هذه و موضوعك
ذكرني بقصيدة لشاعر الانسانيه

"المبادئ .. بدء ذي بادئ .. هذا تعريف المبادئ ..
كل وقت .. وله أذان .. الزمان .. غير الزمان ..
يا كلام الليل .. يمحيك النهار ..
باختصار .. المبادئ .. شئ تحكمه الظروف ..
مثل طفل .. ترتبك في الحروف .. ما اجمل أغلاطه ..
المبادئ .. للأسف ..
كلمة مطاطة ..

بدء ذي بادئ ..
يا بايع إحساسك .. وش إحساسك ..
وأفكارك لغيرك ..
يا شاري إحساسك .. وش إحساسك ..
وإحساسك لغيرك ..
ليتك توصف متعتك .. لاخذت من غيرك مشاعر ..
تدري لو تقدر ترى .. ما هو بعيد تصير شاعر ..
كيف الخلاص .. من ناس تغتال الشعر ..
و حد القصاص في كل سرقة..البتر ..
إلا الفكر ..

بدئ ذي بادئ ..
هذا تعريف المبادئ ..
يا بايع أموالك .. لفقرك ..
وللعذاب اللي في بيتك .. ودمعة عيالك ..
ليت توصف متعتك .. ليت أوصف ضيقتك ..
لو جرى لك .. في القمار ..اللي جرا لك ..
ليت نعرف .. متعتك أو ضيقتك ..
أيهم اللي بقالك؟ ..

يا بايع أعصابك .. لخمرك ..
يا كثر ما حرت بأمرك ..
يا بايع الصحة .. لخمرك ..أو سمومك ..
وش يفيد أني ألومك .. !كيف تلقى متعتك .. لا ضاع عقلك ..
وبان بين الناس ذلك .. وكيف تسعد في شعورك ..
وأنت خارج عن شعورك .. يا بايع أعصابك و وعيك ..
.ياللي تهرب في عذابك .. من عذابك ..
لو بغيت في يوم .. تهرب من هروبك ..
وش هو إحساسك؟ ..

بدء ذي بادئ ..
هذا تعريف المبادئ ..
!يا بايع بلادك .. بكم كان الثمن؟ ..
يا بايع بلادك .. انسى المباني .. والبيوت .. والحب الأول ..
انسى غبار المدرسة .. و وجوه أصحابك ..
انسى فؤادك .. وميلادك .. وارمي ورا ظهرك ..
كل العبارات الكبيرة .. عن الوفا .. والتضحية ..
وعن حب الوطن ..
يا بايع بلادك ..
لو كبروا أولادك .. وكان السؤال في عيونهم ..
!سجنك وجلادك ..
!"إحنا بابوي من وين؟ ..
!وش هو إحساسك؟ ..

يا بايع آخرتك .. يالعاصي القاسي ..
"..اسمع نصايح صاحبك " إبليس ..
"لا تترك التدليس .. اظلم ولا تفكر في باكر ..
هيم في العصيان جاهر .. واختار من بين الذنوب ..
ما يسعدك .. ولاسار عمرك للغروب .. لا تتوب ..
لا تحسب للعمر .. ولا تفكر بالقبر .. ولا العذاب ..
توك شباب ..
هذى نصايح صاحبك إبليس ..

يا بايع آخرتك بدنياك ..
لا عدمناك ..
لو عدمناك .. وش هو إحساسك ؟! .. "

.
.

الحمدلله على سلامتك اخوي ناصر
و منور الواحات بتواجدك ..
ربي لا هانك

.
.