ملاحظه صغيرونه
انا هنا لا ازعم انه كل ما اذكره بكل برج ينطبق 100% علي الشخصيه لانه
رب العالمين خلق كل انسان متفرد بذاته وشخصيته , قد ينطبق كلامي علي
الشخصية بنسبة 2% ولكن تبقي نسبه كبيره بعيني ...........................................



صباح الخير علي عيونكم الحلوه يا عضاء منتدي واحات بن دبي
اليوم بنتكلم عن برج يتنمي لمجموعة الابراج المائية والي اهو برج السرطان
الي عرفته انه "ما يهزك ريح" و " أتمني" من عيال هالبرج
وبنشوف بعد مين من الاعضاء ينتمون لهذا البرج من خلال الردود
يلا بسم الله نبتدئ

مثل كل مره خلنا نعرف تاريخ ميلاد برج السرطان, اذا كان تاريخ ميلادك يونيو22 – يوليو22
اذن انتي وانته من عيال برج السرطان

مولود هالبرج عاطفي بشكل مو طبيعي يعني يعتمد علي مشاعره واحاسيسة
و نقدر انقول انه المنطق والعقلانيه ابد ما تدور عنده ولا يعترف فيها


طبيعتهم ما يشتكون وايد وما يخبرون الناس بمشاكلهم
فمثلا لو وحد من عيال هالبرج عنده مشكلة معينه راح يقول لك مثلا انا ما ابغي هالشغله
او مثلا انا مو مخطط لها او من هالسوالف بس ماراح يقول لك انه اصلا فيه مشكله



هم عيال هالبرج من الناس الي يتاثرون بسرعه بالي حولينهم
يعني وايد يتاثرون بمشاكل الي حولينهم ويتفاعلون معاك من قلبهم وكأن المشكلة مشكلتهم
وفعلا يحاولون بكل الي عندهم انهم يساعدونك
ومع هالشئ لم تصير مشكلة لهم وايد يتعبون واحيانا يضعفون جدامها ولا يعرفون يتصرفون

هم بطبيعة الحال يحبون الناس الي يحتاجونهم ويبتعدون عن الناس الي مو محتاجين لهم
علي فكره اذا تبي تكسب هالبرج دايم سو روحك محتاج له وسو روحك ضعيف هههههه
وراح يعطيك كل الي عنده , مو غباء منهم بالعكس بس لانهم حساسين زياده



هم بطبيعة الحال عندهم العطاء بلا حساب وفي المقابل ما يطلبون منك الا العرفان
وفيهم حنان ما يخلص فمثلا لو عندج او عندك صديق من هالبرج
ساعات تحسه ام او او اب من حنيتهم الزايده :)
بس علي فكره لو انك ما قدرت برج السرطان وما حسسته بحاجتك له
راح تشوفه يتجاهلك وتشوفه بعيد كل البعد عن شخصيته الي تعرفها

ومثل ما قلنا لانهم عاطفيين وايد تحسهم يحللون الامور بطريقة مختلفة
بعيده عن المنطق والعقل ويمكن هالشئ الي يساعدهم علي فهم مشاعر الاخرين
والي احيانا كثير لوحسبناها احنا ما نلقي لها تفسير بس عيال هالبرج يلقون لها تفسير


تاثير الحزن فيهم وايد شديد يعني مو بسرعة ينسون فمثلا لو توفي لهم حد عزيز ممكن يتم الحزن فيهم العمر كله واقصد الحزن الفعلي مو الذكريات
والمشكله معظم افعالهم تكون عكس الي يحسونه فعلا فبالتالي اذا ما تعرفه
عدل اقصد مولود برج السرطان ماراح تقدر تعرف ايش الشعور الحقيقي
الي يمر فيه مولود هالبرج


يمكن من مساؤهم طبيعة التملك وهذي الصفه ممكن تضايق الاشخاص الي يحبون الاستغلالية والتفرد بذاتهم
فنادر مثلا ما نشوف عيال برج السرطان يمشون مع عيال برج الميزان او عيال برج الدلو
ويمكن بعد انك صعب تتناقش معاهم لانهم ما يعترفون بشئ اسمه منطق وهالشئ
يخلينا ساعات نتعب من المناقشه وياهم

في النهاية هو برج الحنان المفرط و اللا منطقيه