السلام عليكم ورحمة الله وبركاتـه،
قبـل شهـر أو شهـريـن.. ماتذكـرسرت الهند لمدة 24 ساعه
كـان شي خيـااااالـي.. صح انه كيرالااا ومب بمبييي ولا عـ قولتهم موومباي.. بس بعد وايد استـانسـنا
كانت سفرتنا يوم الخمـيس.. كان يومين عقب الانفجار في القوز.. وآخر يوم لـ كرنفال ZU
في السيـره.. انا كنت ويا ابويه.. وخواتي روحهم يوو المطار سيده من ZU .. اونه بنطير الساعه 4.. بس نحن وايد تأخرنا ف طرنا خمس ونص
سفـير الهـند ودّعنا في المطار و4 اشخاص يو ويانااا..
وانا خواتي سايرين (مثل ويوههنا) على قولة ربيعتي.. مـانعرف شي.. بس الى نعرفه انه بنسير الهند وبنرد اليوم الثاني
وصـلنا الهند بالسلامه، وايد طولّنا فـ سألت الحرمه شو السالفه؟!.. قالتلي عندنا مشكله بسيطه بس الحين بنفتحلكم الباب.. وانا اقول شو هالمشكله.. فوق الميـة شخص واقفيـن برع الطياره ووياهم الشرطه.. وانا اول وحده من خواتي نزلت.. حسيت اني بنجلط.. ماكنا نعرف شو السالفه..
في نص المطار وقفونا بيفتشون الشنط.. وقم ابويه جدّمونا.. الحمدالله وقفونا.. كله مصوريين وحشـره. ونحن لين الحين مانعرف شو السالفه
عقب يا دورنا.. يابولنا ثلاث حريم وعطونا باقات ورد xp سوري يعني بس وايد يضحك.. عبالي مغلطين في الناس
حشره حشره حشره.. حتى يوم دخلونا السياره.. كانو مرتبيلنا انه كل بنت وحرمه هنديه في سياره.. مستحيل.. اداعسنا في سياره
يحليلنا.. ماكنا نعرف ابويه وين.. وروحنا.. واول مره ني الهندجنه في فلم جيمس بوند!! والمصوّرين ماخلونا في حالنا
يوم سألنا واحد من الريايل وين حجرتنا رد علينا (حجرتكم مررره مررره هنـه).. وايد كشخه شقايل يقوله لول
اليوم الثاني شفنا ابويه ع الصبح اشويه.. بعدينا افترقنا.. انا وخواتي وهالثلاث حريم ومادري كم من ريال وسرنا السووووووووق.. (ترا اقولكم سوقهم نفس دكاكين.. جي نفس السطوه)
لاحظت شي في الهنود
ماعندهم شي اسمه personal distance.. يلصقون فيكم لصقه.. هذا كان اخس شي
تاتااا!!
الريال في محل العطور نرفزبييييي!! لاني انا المسؤوله عن البيزات
غبي من الخاطر
يوم يقول 40 يقصد 400 ويوم يقول 400 يقصد 40.. ف من الصبح يوم يقول بـ اربعين دولار.. انا ماصدقت قلت ويييه صدق دهن العود في الهند وايد رخــيص!! ف طلبت وايد.. آخر شي اجوف اني وصلت 4000 دولار O_o وانا ولا حتى عندي هالبيزات!!
هذا مخبزززز D:
مناظر من فندقنا
عقب سرنا المطار بروحنا ويا هالثلاث حريـم.. يلّسونا في ميـلس.. عاد انا في هالوقت طفرررت كنت ابا افتك من هالحريم.. ماداني يوم حد لصقه
اتصلت في ابويه وخذت منه اذن انه نسير الطياره< شرده لول
ف ودونا في باص.. ويوم انا اصور هالصوره هالهندي الى واقف عدالي قالي لاتصورين!!! لو شرطة المطار شافوج بيشلون كيمرتج عنجنحن في الهند السكيورتي مالناا نمرر وننننن
في الطياره نتريا قم ابويه.. كنا وايد مستانسين لانه افتكينا من الحريم
وفي الرده يوم ابويه سمع سوالفنا عقب شرحالنا كل شييييي بس خذ منا اسبوع عشان نستوعب كل شي
ككل.. الهند حلوه.. بس بمبي احلى طبعا..
من ناحية الضيافه.. ف هم احسن شي.. يعني ماشاءالله بيسون اي شي عشان يرضونا.. وكانو وايد طيبين.. كل شوي يسألونا اذا نحن مرتاحيــن
وآخر شي اكتشفت انه اكلهم وحلوياتهم شكليا مب لين هناك بس طعمهم يمييي < كله افكر في الاكل لول
وبس
مجرد رحله خفيفه وسريعه لـ كيرالااا
رد مع اقتباس
مواقع النشر (المفضلة)