انسانه انانية تحب نفسها وبس , احسها فاهمه مفهوم " انك تكون مسؤل" بشكل غبي
تظهر هي دايم بالصوره ولا تعطي فرصه للاخرين بالظهور حتي لو كان ظهورها
علي حساب عمل الاخرين
تاخذ الدورات الممتازه والمفيده وتترك الفتافيت الي ما تغني عن
جوع للموظفين الي تحتها عشان يتذابحون عليها
لو حد فينا يوم غاب وهي عارفه انه مريض ما ترفع السماعه تسال عليه
لو حد احتاجها في يوم , لازم يعرف انه ماراح ياخذ منها غير الكلام والكلام
والكلام وحاولنا وسوينا وهي جذابه ما سوت حتي مكالمة بسيطه للمدير
ذبحت روح العمل والطموح عند موظفينها لانهم عارفين انهم مهما سوا هم خارج الصوره
لانه مركز الصداره لها
عينها دايم علي الي عند غيرها ولو حد حصل فينا ترقيه دايم تقول اشمعنه
هو عطوه وانا لا مع انه راتبها
اضعاف مضاعفه عن راتب الشخص الي ترقي
وياريت بس علي صعيد العمل حتي علي الصعيد الشخصي, فمثلا لو وحده منا احنا البنات
حملت تقول اشمعنه انا ما حملت مع انها ام عيال
اذا عرفت حد منا بدء يدرس دراسات عليا زادت عليه الشغل وكأن الفعل الي
سواه جريمة تعاقبه عليها
والطمة الكبيره انها مسؤلتي , ما اعرف كيف اتصرف معها ,,ما اعرف اتعامل مع الناس
الخبيثة الي مثلها
لو طلبوا حل مشكلة ولقيت الحل تقول لي كيف انتي عرفتي الحل وانا لا؟؟؟؟؟؟
طيب ايش ذنبي باني فكرت بالحل
بس احس نفسي بترك الشغل الي احبه بسببها والله, مع انه وظيفتي
تحت وظيفتها بالهيكل الوظيفي , والمفروض اني احضر الاجتماعات الي تحضرها
لكن عمرها ما قالت اليوم في اجتماع احضري معنا
والله تعبت منها انا طبيعتي انسانه خجوله ما احب اميل للصراخ ولا الهواش, مع انه احس المفروض الواحد ما يتعامل معها بالطيب ويعطيها العين الحمره
للاسف واخر شئ اكتشفته فيها انها تنقل الكلام وهذا الي سبب اجواء من الكراهية
بين موظفيها,,,,بين فلانه وفلانه وبين المدير والموظفين,,,,,,وما خفي كان اعظم
انسانه قبيحه من الداخل علي الصعيد الاخلاقي والاجتماعي والوظيفي
عطوني حل لاني فعلا ما احبها وصرت اكرهها ,,,,,وصرت اكره العمل بسسبها
رد مع اقتباس
مواقع النشر (المفضلة)