عيال برج الاسد .....................

[مجموعة إنسان]

اول شئ مواليد هالبرج هم الناس الي تاريخ ميلادهم يكون
بين 21 يوليو و 20 اغسطس
ولم نقول برج الاسد يعني نقصد هالصفتين الاساسيتين التفاؤل و السيطره

اكثر شئ ممكن تلاحظه في اصحاب هالبرج انهم اصحاب شخصية
قوية مستقلة بنفسها
محد يقدر يسيطر عليه او علي ارائه وحتي لو حاولت انك تسوي هالشئ راح يشكرك بلباقه
لكن في النهاية الي يبيه هو راح يمشي , لا وبعد يمكن هو يقنعك انك تغير ارائك
لانه يعرف شلون يتكلم وكلامه مرتب

عيال هالبرج يحبون ينصحون الي حولينهم لكن ما يحبون حد ينصحهم لانه سالفه الانا عندهم زياده شويه فيشوفون الي يسونه دايم صح ومثالي , فيحسون
انهم ما يحتاجون النصيحه
ولو غلط برج الاسد ما يعترف بغلطته لانه يحس هالشئ ينقص منه
فبالتالي عشان تتعامل مع برج الاسد لازم تتعامل معاه بمنطق و موضوعيه عشان
ياخذ كلامك علي محمل الجد وفعلا ينفذه


الواحد يحس ولد برج الاسد وايد يحب يسيطر و مستبد برايه بس
هالشئ لانه يبي الامور تمشي عدل حق الناس الي يحبهم,
وايد واثقين من نفسهم ومن قدراتهم وفعلا هم قد الثقه لانهم يسون الشئ بابداع
لكن مشكلتهم انه ثقتهم بقدرات الي حولينهم قليله وهالشئ يخليهم متمسكين برايهم
و يخلي بعض الناس يتضايقون منهم و يبتعدون

عيال هالبرج من الناس الي وايد يبدون ملاحظات
وهالشئ احيان يخليك تتضايق منهم , بس بعد عيال برج الاسد هم سند للناس الي
يحبونهم ويمكن هالشئ يخلي الاطراف الثانية تمشي لهم بعض التصرفات


التفاؤل التفاؤل التفاؤل هي صفه مرتبطه بعيال هالبرج بشكل مو طبيعي ,
هم يشوفون كل مشكله بالدنيا لها حل , وبين وبينكم هم يشوفون ما انخلقت للحين
المشكله الي توقف بويهم ههههههه فهم دايم يساعدون الناس بحل مشكلاتهم

ما يحبون يجذبون لانهم ما يحبون الطرق الملتوية يحبون الشئ الواضح
والصريح , وعادة هم يسون كل شئ بالعلانيه فيحسون ما في داعي للجذب حتي لو الشئ
الي يسونه غلط

اذا حبوا يحبون بكل جوارحهم وما يقصرون علي الي يحبونهم عاطفيا وماديا
بس اياكم تخنونهم لانه برج الاسد ما عنده واحد اثنين راح يقول لك باي باي
والقلب داعي لك لانه ما راح يسامحك في هالشئ ابدا ابدا لانه
ما عنده انصاف الحلول


العتب الوحيد من وجهة نظري علي عيال هالبرج هي انه
الشعره الي تفصل الثقه عن الغرور تنقطع عندهم في بعض احيان ,
فبالتالي تشوفهم يميلون الي الغرور والاهتمام بالقشور


الفلوس عندهم وسيله ومو غاية
وفي النهاية شخصية قويه صلبه يمكن مو الكل يقدر يتقبل شخصية برج الاسد
لكن محد يقدر يقلل من احترامه او يستخف فيه[/SIZE][/CENTER]

التفاؤل يمكن بس السيطرة مب وايد !!


زين في اول شي قلتي ان يكون مستقل في ارائه وما يغير افكاره !!
انا متفق معاج 95% في هذا الشي
لان بال5% الباقية اني بسرع اغير قراراتي ,, او اني من النوع اللي يقتنع بسرعه !




عيال هالبرج يحبون ينصحون الي حولينهم لكن ما يحبون حد ينصحهم لانه سالفه الانا عندهم زياده شويه فيشوفون الي يسونه دايم صح ومثالي , فيحسون
انهم ما يحتاجون النصيحه
ولو غلط برج الاسد ما يعترف بغلطته لانه يحس هالشئ ينقص منه
فبالتالي عشان تتعامل مع برج الاسد لازم تتعامل معاه بمنطق و موضوعيه عشان
ياخذ كلامك علي محمل الجد وفعلا ينفذه


اتفق 100 % معااااج ..





ان التفائل ,,
لا مب دايما ,,
وعن المشاكل اللي تصادفهم ,, انا عكس
انا دايما اتوهق بالمشاكل
بس مشاكل الناس احلها !!
فييد نفسك أول



زين وفي نقطة الكذب ,,
يمكن اتفق معاج ,, مع اني من النوع المجامل !!
وعن الحب ,, يصير خييير ,,

وعن الغروور ,,
وايد يقولون جذي ,, بس ما عليييكم ,,
لا مغرور ولا شي
بس الناس اليداد اللي اتعرف عليهم اول شي ما احتك معاهم وايد
بس عقب ما اخذ عليهم اطيح الميانه !!


والفلوووس
!!!!!!





زين ,,
بس انا احس ان فيهم نوع من المزاجيه في الأطباع






تشكرااات يا ست وعد