شو رايكم بالQ7?

[خيال الحب]

السلام عليكم

بغيت اسال عن هالسياره

سعرهاا

اعطالها

سامانها بالوكاله رخيص ولا غالي

نصيحتكم نشتري السياره ولالا؟؟


لما نخلص من هالسياره بسالكم عقب عن سيارة ثانيه ..

[شرجاوي]

سعرها يطيح بسررررررررررررررررررررررر رعه .. قطع غيارها نار ... و اتوقع خرابات الاودي ف اي وقت .. اذا ما تهتم لهالنقاط .. خذها

[مايهزك ريح]

اللي احيده انها كانت ب 220 ألف .. يوم سرت الوكاله اسأل عن S5 متى بتنزل !
بس ما اعرف حد ماخذنها عشان اقولك اذا اوكيه أو لأ !

[صريح]

مثل ما قال شرجااوي بالضبط

خرباتها تطلعلك من كل مكان و انته ما تعرف ليش
وكاله النابوده تعيسه و قطع الغياار غاااليه
و لو اخترب شي عندك اتريا كمن شهر لين ما توصلك القطعه
و لا تستبعد الموتر يتم فوق الشهر واقف عندهم

كل تجييك بتدفع 15 الف اذا مب اكثر ....

بصراحه موتر ما يستاهل تدفع عليها هالمبلغ


خذلك رنج ابرك لك و و كاله الطاير ما فيه احسن عنها فالخدمه
و السييرفس Contract .. بنسبه لي احسن عن اي مكان ثاني
صدق تحس انهم يهتمون فالعميل لابعد الحدود

[المزوحي]

مرحبا اخويه، بشكل عام الأودي فخمة والصيانة غالية في حال صار بها شي ...

يعني أحيد واحد عنده أودي A8 واختربت قطعة كلفته 25 ألف

وهالشي من كذا سنة، يمكن تغيرت وطوروا فيها مثل البي اللي فيها تحسن عن أول ماعرف ..

ربيعي في الدوام عنده أودي Q7 عنده من 5 شهور الحين، بس ماذكر لنا أي شي عنها للحين ..

[شرجاوي]

الرنج مشكلته وحده .. استوى تكسي .. كل من هب و دب قام و خذاه ... ب جيمة الرنج تقدر تاخذ كاديلاك اسكاليد .. 285 الف اعتقد

[خيال الحب]

ياهلا والله بالغاليين

شاكر لكم ردودكم من القلب للقلب

امس كنت قاعد اقرى عن هالسيارة فلفت انتباهي هالشي

و لا يفوتنا إنجازات أودي في سباقات الـ 24 ساعة , و هي سباقات تستغرق مدة 24 ساعة كاملة و تعتمد على تحمل المحرك و الديمومة , فتخيل سياراتك تقودها بسرعة عالية جدا و لمدة طويلة جدا بدون إراحتها فقط لتعبئة الوقود , و طبعا أودي أر 8 , كانت تحصد المراكز الأولى , و بفضل نظام
للمحركFSI

يمكن تقولوا ليش كل هذا الحش , ما خذينا لا حق و لا باطل , بقولكم ليش , الانه الأودي الجديدة المبتكرة من بتسبرغ , تحتوي على هذا النظامين
FSI + Quattro = Q7

عشان جي قلت بسالكم.. وشكلها زعيم الصراحه


عن الرنج مافكر اشتريه.. يمكن لاني كرهته,, وصار ما يعيبني شكله,, ومثل ما قال اخوي الشرجاوي صار نفس التكسي..


وكالة البورش قالو السياره بتوصل بعد 11 شهر شو اباها انا بعد 11 شهرر


يبالنا نخطف جدا البنتلي>>بس ماعرف سعره كم.. بخاطري الكوبي(بس اتغمض امشي فيه بشوارع راك)



انزين اخوي المزوحي ممكن تسال ربيعك هذا لو مافي احراج يعني شو رايه بالسياره

[شرجاوي]

البنتلي المستعمل بتحصله ف حدود 500 الف .. اليديد اتوقع 900 الف اقل شوي او اكثر شوي

[المزوحي]

خيال قبل الرنج اللي يمتلكه يلفت نظرك، الواحد مب قصده يفرق بين الناس، أكيد انته اتدور من وجهة نظر

مياكنيكية .. حلوة هذي ..

المهم ماتنظر من يملك الموتر من الناس !

بس انا مادري ليش اقول لو عندي باخذ بنتلي ... جي تي

همم حتى ميزراتي واستون مارتن على لساني هاليومين ..

بسأل ربيعي عن الكيو 7

يعني ماتبغي اكس فايف ؟؟؟؟ ( صح موضوعك عن الكيو 7 ) بس قلت يمكن تغير رايك

[خيال الحب]

الشرجاوي

لوول لالا ماباه خلاص لوول

اخوي المزوحي

بتسوي فيني خير والله

وعلى طاري الاكس فايف كانت داخله بمخي بس مادري ليش غيرت رايي عنها

طبعا الاكس6 شكله عبيييييييييييييييييط @_@ من اول مره شفته فيهاا قلت شوهالسياره العبيطه واخر شي طلع بي ام لوول

[المزوحي]

خيال الاكس فايف عايبتني شخصيا، ولو إني كنت اقول فيها عيوب أول

يمكن الحينه تغيرت، بس فعلا الاكس 6 ما اقتنعت منها .. ماتعرفها فورييل وإلا صالوون

فكر بالاكس فايف مره ثانيه وشوف هي وإلا أودي

[الدلووووعة]

مافي احلى عن ال سي أل لس ^_^

كشششششخة ^^

[خيال الحب]

اخوي المزوحي

ترا انا محتار بين كذا سياره والله ومن بينهم الاكس فايف

نصبر لين بداية السنه ونشوف شو اليديد الي بينزل

والبورش بيتغير شكله 2011

والحوت قالو بيتغير شكله فننتظررر


الدلوعه

@_@ سي ال اس مووووووووووو شييييييي صغييييييررررررررر

وبيني وبينج مرسيدس خلاص ماتدخل راسي لو شوو يسوون فيها

[المزوحي]

خيال الاكس فايف فنانه .. بس ربيعي يوم خذ الاودي .. قارن بينها وبين الاكس فايف .. إنه الاوبشن اللي في

الاودي

اكثر عن الاكس فايف من حيث سعر الموتر ... لكن الواحد يفكر عقب .. مثل ما قلت الصيانه وغيره ...

الحوت هي موظف الوكالة قال لي بيتغير ..

[خيال الحب]

المزوحي

ياهلا والله

يلا نحنااا نترقب اليديد في عالم السيارات وان شاء الله خير

ومشكور عزيزي ^_^