مخاوير الفريج

[حلم الطفوله]

السلام عليكم ورحمة الله وبركاته


استعيبت من فلانه بنت فلان ....الله يستر عليها

يوم قالتلي ....ما عندي بالكبت ولا امخوره !!! شو هالمخاوير مال أول

بس حلاة بنت الناس والعرب يوم تلبس ذيج لمخوره وتستعرب شوي

الموهيييييييييييييييييييي ييييييييييم ....على قولة حبيبة قلبي تحوووووووفه

أبغي صور مخاويركم مع اسم لمخور ومكانه ....

عشان تكون عدنا موسوعه مخاوير نستفيد منها

وربي يوفج ويرزق كل بنت بتحطلنا صورة بكل إلي تتمناه بحياتها ( ذليتكم أدري):a070

:

[عايش وهم]

[صريح]

يا حلاتها بنت العرب و هيه لابسه لمخوره و عليها المرتعشه و المريه
بس ما فيه منهن هالايام ولا حان شفتوني معرس لول



نص بنات اليوم ما يعرفون شو هي المرتعشه و المريه للاسف
فضل عنهن .. جاان اعصب





العيووز حلم اكيد تعرفين اماكن لمخاوير في فريج المرر في دبي ولا فريج الشرق فالشارجه
اخطفي عليهم و شوفي اللي يعيبج





عايش

شو رايك بنفتح خياط نسائي
و بنقص عليهن اونه كل لمخاوير و الدزاينات اللي عدنا
ايين من ايطاليا سييده اممرره من قوم LV و Fendi و Gucci
صدقني بسرعه ينقص عليهن و بنطلع ذهب من وراهن هالحرّيم

[عايش وهم]

بن عمك صريح ناوي علينا لبدك ؟!

الحين بيدشن و بيشلوحوبنا تشلويح

بنيات أنا ما يخصني

هذا صريح امبونه شر

أمسات بيعقني في ثلاجة طرادهم

و اليوم ياي بمؤامره


انزين صريح الله يهديك

الحين نحن يوم بنسوي هالمؤامره آخرتها بيطيحون فيها الرياييل فقارى

ترى من جيبهم آخر شي و خبرك عارف أظني بأسعار المخاوير و خسرهن

ولا تبى الصدق هو مكسب

يباله بصراحه

[طير الحب]

حلم...هاي أنا ما احب المخاوير وايد بس بحط لج صور آخر تفنيناتي في المخاوير

[مايهزك ريح]

صريح وعايش وهم مب جنكم نسيتوني ^_^
ولا ما تبوني وياكم في المشروع >_<

انزين نرجع لموضوعنا ..
الوالده دايما اتخليني اوديها فريج المرر وما اطيع اتخور إلا عند واحد اسمه بوسالم ( جابر جاسم سابقا )
بصراحه ما اعرف ليش.. الظاهر انها تعودت عليه واحين ايخلصلها ابسرعه .. واسطه ^_^
وساعات اسمع اسامي ثانيه بس مب متأكد من مكانهن ..( جميم اعتقد في سوق الذهب )
و "عمر" في السوق الجديم ( الدويات سابقا )

طبعا كل الأماكن اللي فوق في ديره ..

وفيه مخاوير في العين بس ما اتذكر الأسامي .. ^_^

[قصايد غلا]

السلالالام علييييييكم




منو هااااااااااي اللي ما تلبس المخورة ؟!

أنا "الوحيدة" من يوم كنت ياهل ألبس الكندورة ولا أستغنى عنها "من بد البنات اللي في عايلتنا"
أمس أخويه يقول لي : تحيدين عمرج يوم تربعين في عزبة قوم فلان بن فلان و اميه مسوية لج عقصين

حلاة البنت بالكندورة


طبعـًــا كناديرنا نفصلهن في فريج المرر + فريج الشرق هو نفسه اللي فيه مسيد بن درويش ؟ "المهم إنه هذا هو المكان :p" + قبل كنّـا نفصل في العين و بوظبي بس ما نسير لأن الخياط ايينا


يوم بتفيّج إن شا الله بحط لكم الصور


==================================

صريح : منو قال إننا ما نعرف المرتعشة و المرية ؟
منو قص عليك ؟

نعرف المرية و المرتعشة و نعرف حيل بو الشوج و المنثورة و الفتخ و الطاسة

[المزوحي]

هيه صح مايد بوسالم مشهووووووور في فريج المرر، وعمر اللي تطريه انتقل من هناك،، وسار عند بوسالم فريج

المرر، أحس له واحسن للحرمات ...

[شوق القلوب]

السلام عليكم..

والله ما اتوقعت انه بوســالــم هالكثـــر مشهــور... ماشاءالله الكل عنده..

حتى احنا .. المخوره ما تطلع عدله الا اذا سويناها عند بوســالم..

[طفلة من هذا الزمان]

احم احم .. كح كح ،،

جنها إلا العيوز حلوووم قطعتنا اهنه !! ..

يااميه هالسوالف الحينه حق المناسبات و الإجازات الرسمية في الدولــة .. اصبري شوي و بتحصلينهن في متحف راك ..


ماشاء الله الشباب وفــوا و كفــوا في الأمــاكن ، استغرب ليش كل شي يعرفون (محاولـة احراج بس )

انا بدليج مكــان جريب و مايضيع مولية .. اهنه في راس الخيمة ام الدنيــا .. في الكويتــي أهم معــالم التراث الإمــاراتي بتزّعـــــم من القـلادة و عبدالصبــور وباختـــر وطبعا المفضل عند حريم الفــريج شمس الضحى مادري الصباح ..

بس صور صبري نهاية الأسبوع بسير اسوي لفـه عليهم و بصورلج آخر مستجدات السوق و التقليعـات التراثيــة الموجودة في الساحــة الإماراتيـــة ،،

لاحظتي ان صار كل شي تراث .. ربي المستعــان ..

مراسلتكم في بغداد .. أقصد راك
طفلــة ،،

[تنينه]

السلام عليكم والرحمـه

اتذكرت الوالده الله يطول بعمرها من فتره لـفتره أجوفها مسوتلي مخوره ؛ اتسير تاخذ القطعه واتخورها وكل شي وتاخذ مقاس من مقاساتي وآخر شي اتييب لي المخوره وعاد ما تنلبس الا ف المناسبات الوطنيه وعزايم الحريم؛ وطبعاً في العيد شي رسمي وساعات اذا في الجامعه الكل ييلس يقطع واوووه مخوووره اليوم والـخ ؛ شي تراثي استوى وشرات ما قالت طفله بنحصله ف المتحف عقب ؛

الوالده دوم اتفصل في خيااييط الشرق والماركتينك عند الخيااطيين ممتاز كل واحد يقول الزين عندي والشين حوالي اتدش المحل واتجوف المخاوير *تصقل لمعان*اً ؛

حلمي الجميل ان شاء الله اذا حصلت وقت بنرفق الصوور

[الا انا]

.^^

تدرين حلم .. انا ماعندي ولا مخوره ..
ولا مره لبست ..

مادري ليش احس مب حلوه علي ..

مع انه خواتي كلهم يلبسون ...
إلا انا ..

لا بالعيد ولا غيره ..
احس شكلي يطلع غلط ..

بس احب المخاوير الي تييج ع شكل جلابيه ..
يعني شغلها يكون غير
مب شرات العاديه ..^^

...

بسالهم وين يخيطون وبحط صور لو صورت ..^_^

[طير الحب]

هاي نك





اليد بعد فيها حركة

[مجموعة إنسان]

خيااااييييييط

هيييه
اعرفهم هذيل

في واحد اسمه ام سلطانه في بوظبي
هذا دووووووووم اهلي عنده
بس غااالي يخرب بيته

[الا انا]

..^^

طير ..

وايد حلوين ..

الثنيه عيبتني ..
جي احب البس ..

مع اني ولا مره جربت تدرين ..
كله حاطه فبالي مب حلو علي ..

بس بسالج ..
يد منو هالصغيرونه .. **