~ [ هنــا يســدل الستـــار عـن " الهيثــم " ] ~

[الهيثــم]

والله يوفقـني ~


الموت تالـي العمـر والدنيـا مقيـل
والآخرة هـي منتهانـا لا مـحـال


وأعمال كل إنسان لـه منهـا حصيـل
توضع على الميزان وإن ما مال .. مال


وديني وحب النـاس والخلـق النبيـل
ثلاث هي دربي إلـى حسـن المئـال


ما هي بلحية شـوق للطـرف الكحيـل
لا ذكّـر العقـل الجـوارح بـالـزوال


الله يقـدرنـي عـلـى رد الجمـيـل
والله يجمّلنـي ليا جالـي مـجـال


والله يحـط الستـر لـي ظـلٍ ظليـل
والله يقوّينـي علـى وصـل الحبـال


والله ينوّرنـي لا صـار الصبـح ليـل
والله يقدّينـي ليا غـاب الـهـلال


والله يروّيني السميـن مـن الهزيـل
لا ضيّعوا ويش السمان مـن الهـزال


والله يكثّـر كـل ما هـو لـي قلـيـل
إلا العيوب .. وكـل ما نقصـه كمـال


والله لا يحوجنـي لمـدّات البخـيـل
ويعيضنـي فـي كـل ما حـرّم حـلال


والله لا يذللنـي لسـلطـان الذلـيـل
والله لا يسقيني المذّلـة فـي الـزلال


والله يوفّقنـي ليا اختـرت الخلـيـل
والله يجنبنـي مجالـس قيـل .. قـال


والله يساعدني علـى القـول الدليـل
وستر من المنقـود وألسنـة الرجـال


والله يقوّمنـي ليا شلـت الثقـيـل
ولا ينوخنـي لديـن عـبـاد مــال


والله يرحمنـا عقـب عمـرٍ طويـل
وندخل مع السبعة تحـت ذاك الظـلال

اللهـم آمين

~

Haitham