وعليكم السلام ورحمة الله وبركاته ..

توني أعرف انه معنى برصيص هو بخيل

معلومه يديده .. يزاك الله خير ..



::

بالنسبه لي .. أكره صفه عندي هي البخل ..

ما أدانيها خير شر ..

وقايله لهم أول شي تسألونه عن الريال من عقب أخلاقه .. اذا يا وتقدم

اذا كان بخيل ولالا !!

بالنسبه لأسئلتك ..

الحمدلله أعطي الوالده مبلغ من راتبي .. وشارين موتر حق أبويه ..

وأدفع نصيبي من القسط حقه ..


ودوم نسير الجمعيه نشتري أغراض حق البيت وجيه .. وما أخليهم يدفعون

يعني اذا كنت وياهم .. أنا اللي ادفع !


بالنسبه لكفالة اليتيم والصدقه .. الواحد ما يعلن .. عسب ما يضيع أجره ..

والله أنا ما أسوق سياره ..

بس يوم اكون مع اخواني وخواتي مثلا .. ويوقفون يعبون بترول ..

أدفع عنهم أحيانا ..


وعن العزايم .. حدث ولا حرج

دوم اعزم خواتي واخواني ع العشا ولا الغدا برع ..

وادفع عن الريوق في الدوام كل يوم .. وايد مدلعتنهم


ودوم أشتري حق اختي واخواني اللي اصغر عني أغراض وجيه ..

اتلوم فيهم يوم اسوي شوبنغ .. لازم آخذ لهم شي .. أحس بالذنب لوووول


:

ف الحمدلله ما أحس عمري مول بخيله ..

بس أحياناً أحس عمري مبذره ..



يعني أشتري أشيا مالها داعي ..

ما أستخدمها ولا ألبسها ..

واتطيح ف جبدي ..

وأفتقر لين آخر الشهر

بس بحاول ان شاءالله اني أسوي كنترول على عمري ..

خلاص حالتي الماديه زفته لوووووول