إنــقِــذ عايش من السهج

**مزن هتان** · 30-04-08 ||, 10:17 PM

عانك ربي أخوي عايش

أنا عكسك السمج عادي بس المأكولات البحريه
الثانيه مستحيل أقعد عـ السفره ما أقهر
ريحة الربيان و الشنيوب P: و أتحسس منه
و الجشيده ما اكلها أحس فيها سهجه
الوالده تسوي السمج أحيان زي الطريقه
اللي قال عنها مايد الطحين و لا اللومي الخضر.
السمجه المشوايه بالتنور كلش ما تشم الاسهجه فيها و الا المالح.

**تحفه** · 01-05-08 ||, 01:00 AM

اطلب هامور فيليه من هارديز صدقني احلى بوايد من اللحم والدياي

ماتحس انه سمج
جي تحسه فرشش مافيه لاريحة سمج ولاطعم سمج

..

انا ماعندي خبره في الطبخ فسمحلي على نصيحتي المتواضعه

بس حالتك ذكرتني مره يوم شردو بشاكيرنا يتنا فتره نيلس فالمطعم انبحلق في "المـيـنيو" ونحلم باكل البيت لول

الواحد مايقدر شي الا يوم يفتقده

المشاركة الأصلية كتبت بواسطة عايش وهم

هاي "تجر" يعني "تيّر" بلهجتنا بالتشديد على الياء و فقيره هالياء متسلطين عليها من الشد مادري شو سوّت المسكينه .. و شوفوا الواو في "سوّت" بعد شدينا عليها وحليلها ... الموووهيييم .. على قولة إختنا تحفه .

تدري اهلي الي في بوظبي معقدتنهم الياء في كلامي لدرجة اني يوم اتكلم ويسمعوني اقول كلمه ملفظها غريب عليهم يعيدون يقولونها وراي هاها

الكلمه الي دوم نتضارب عليها منو الصح ومنو الغلط هي كلمه تيـلـيفون! هم يلفظونها تلفون

ولين اليوم مب متفقين

**مجموعة إنسان** · 01-05-08 ||, 06:01 AM

تبي الحل عايش وهم !!

رش عطر على ايدك اليمين وكل سمج
وقبل ما تحط اللقمه خذ شهيييييييييييييق
ولا تمضغ الأكل
على طول أبلع
واذا شوكه علقت في مسرطك ابلع موزه

واذا صارلك شي ترا انا ماعرفك ولا تعرفني !!
ههه

**الا انا** · 01-05-08 ||, 09:34 AM

..
الله كشخه ...
استانس يوم اجوف احد متعذب من اكله ..خخخ

.. السمج وما ادراك ماالسمج ....

تدري .. انا ماحب السمج .. بس اوقات يعيبني وآكله عادي .. خاصه اذا كان مشوي . .. وشي اوقات ماحبه ابد .. وتلوع جبدي يوم اشم الريحه .. **

يعني حاسه فيك .. لوعه وتكره حياتك كلهااا ..

بس ماعليك هذي فتره وبتعدي .
يصير فيني جذي .. بس ع الدياي اكثر ..
ويتني فتره صرت نباتيه .. وبعدين عادي ..
يعني فتره وبتعدي ..

وخلهم يتبلونه زين لك ..
ثوم و بهارات وربعهااا خخخ
وليمون وكل شي ..

اكلها مشوايه وجرب ..
يعني بالتتبيله بتفتك من الريحه ..

... جرب صدقني وبتاكل .. وبتدعيلي ..< اخاف تدعي علي ..هع
..

يعني لازم تاكل سمج ... مب لازم .. اكل مهياوه بداله .. خخخخخ

لوول عصير سمج .. هع ..

**شوق القلوب** · 04-05-08 ||, 08:45 AM

الســـلام عليــكم... و صبحكم الله بالخيــــر..

..

الله يهديــــــك يا عايــــش.. وصفك فضيع لدرجه بدت جبدي اتلوع من السمج على هالصبح..! و المصيبه انه غدانا اليوم بياح مشواي ..!!! "و صالونه قرع جان في خاطرك

"

..

ماشاء الله .. الجماعه عطوك معلومات قيمه.. ومثل ما قالت حلووووم.. على الاقل جرب القشيـــد.. هذا أبسط شي..

و خل حد ياخذلك فيليه سمج.. و خل يودنونه بليمون و ملح فتره طويله و يبهرونه عدل.. و عقب يقلوللك اياه شوي.. و يسوونه برياني.. و يحطون وياه شويه ربيان من الصغار..

..

تعاااااال..

في شي ثاني سهل و مافيه ريحه... عليـــك ببرياني التـــونه.. اممممم يكون يمي يمي.. بصراحه انا ما اقاومه لو شو ما غرفتلي ما اشبع منه..!!

..

وشو رايك لو اتجرب السلمون..؟؟ اتوقع انه ريحته وااايد خفيفه.. جيه بتحصله مثل الفيليه يبيعونه في الجمعيه.. بعد خل يتبلونه و يشوونه..بيكون طعمه حلووو..

..

الله يشفيك و يعافيــــك.. و عقبال ما انشوفك متمرغ في طراد السمج

**مجموعة إنسان** · 04-05-08 ||, 10:30 AM

نصيحة

حط في بالك ان السمج ديااي ..
يعني قول في مخك ان هذا دياي
واقنع نفسك بهالشي
وكل
صدقني ما بتفكر
هع

**طير الحب** · 04-05-08 ||, 02:35 PM

هلا والله

يحليلك حالتك حالة انا عكسك طول عمري وانا احب أكل دياي وفجأة تحولت للسمج وفعلا انا تحولت نباتية بنسبة 80%

بالنسبة للسمج عندي وايد وصفات اهم شيء عقب ما ينغسل يتم دعكه بالثوم واليمون والكزبرة...

برب

**شوق القلوب** · 04-05-08 ||, 02:55 PM

الحمــــــــد الله ..

تونا امخلصين غدا..!

و يا سلام ع البياحه المبوزه.. مسكينه.. اطلعت حااامل.. وكان الحبل عجييييييب

و اشحلات فنـــخ اليـــح الباااااااااارد..

يبرد على القلب..

..

بس بغيت انقلك راي الوالده.. اتعرف تحلا السوالف على يلسه الغدا.. و جان اتوافق وبشده على سالفه العنفووووز..

**ذنـيـنـي** · 08-05-08 ||, 12:08 AM

انا بشكل عام مب ربيع السمج
بس احب السلمون لأنه مووووووووووول مافيه سهج

**تحفه** · 08-05-08 ||, 09:05 PM

^انا احب شي اسمه زبيدي 3333>

يوم مايسوون لي زبيدي آكل سوشي < لاتسالني عن العلاقه p;

**الدلووووعة** · 29-05-08 ||, 06:30 PM

اخويه عايش وهم
انت عالاقل تحب شي من البحر
انا ابداااااااا يوم يحطون عدال السمج ولا ربيان ولا قبقوب
او اي شي ماروم اتم عالسفره انش
خلاص انا من يوم كنت صغييره يمكن كي جي عظمة سمجة علقت في رقبتي
ومن يومها خلاص كرهت السي فوود بجمييع انوااعه

يعني فالبيت يوم يبون يسون سمج لازم يسون اكله ثانيه مافيها سمج

طبعا ابويه واخوانيه حاوولوو وياي انهم يخلوني اكل سمج بس مستحييل

مرات كانو يحطون فصحن العيش مالي قطعت سمجة من دون ما احس
بس سبحان الله والله ما اكلها واحس فيها

طبعا المشكله انه اوكييه اللي فالبيت يعرفوون انا ماحب السمج
بس يوم نسير عزايم هني المشكله يعني اوكييه اذا بيت عمي
خلاص يعرفوون اني ماحب السمج

طبعا معاناتي انه دوم يقولون عني خقاقه يوم ما اكل سمج
انا هب سالفت اني خقاقه او شي بس خلاص ماحب اكل سمج
ولا احب ريحت السمج هب بيدي ^_^

ابويه احييد مره وداني وياه يوم كنت فالابتدائيه خخخ البحر تخيلوو السمج فطارد عدال كانت معاناه

ولين يومكم ها احاول الكل يقولي اكلي سمج لأنه يعالج وايد امراض
بس ماشي فايده

يعني ربي يعيينك ويعيني على السمج ^_^