:

للأسف

هذا هو واقعنا المر .. واللي مضطرين نعيشه .. يومياً ..

غصـــه ..

انك تشوف الوافد والأجنبي .. يحصلون رواتب خياليه .. وامتيازات وزرا ..

وانت قاعد تكرف .. وتشتغل .. و( مضطر ) تخلي الحرمه تشتغل

عشان تساعدك وتشيل عنك مصاريف الحياه اليوميه ..

و لو تذبح عمرك .. يمكن .. وهذا يمكن .. توصل لربع راتبه اللي يستلمه !!

:

غصه ..

انك تمشي في الأسواق ..

والشوارع ..

وتدور على مواطن .. او مواطنه ..

وما تحصل إلا كمن شخص ..

ينعدون ع الأصابع !!

:

غصه ..

انك تشوف ياهل ..ف مكان عام ..

يزقر الشغاله : ( ماما ) !


:

غصه

انك تدرس برع .. وتتخرج بامتياز .. وترفع راس اهلك ..

وترجع وتشتغل ف وظيفه محترمه ..و براتب مناسب ..

وزميلك .. دارس وياك ف نفس الجامعه .. ونفس التخصص ..

ومتخرج بنسبه أقبل عن نسبتك .. لكنه يستلم 3 أضعاف راتبك

لأنه يحمل جنسيه ( كنديه ) !!!!!


:

غصه

انه يزيدون رواتب الموظفين في الدواير الحكوميه والمحليه ..

وما نلحق نتهنى بالراتب .. لأنه التجار وأصحاب المحلات يضربون بأسعارهم ..

قبل لا تنزل الزياده !!!

وكونا شعب مستهلك .. ف هذا الشي ما بيشكل أي مشكله !!!

:

خلها على الله ياخوي ..

الواحد اشكثر بيتكلم واشكثر بيقول ..

بس بعد نحن الحمدلله عايشين ف خير ونعمه ..

وبلادنا أحسن عن بلاد ثانيه ب وايد ..

يعني سالفة صندوق الزواج والاعراس الجماعيه

.. والمنح والقروض اللي يعطونا اياها الحكومه

الناس برع مو محصلينها وحاسدينا عليها ..


الواحد يشوف اللي حالهم أردى عن حالنا ..

عشان ما نتحسر .. ونحمدربنا ونشكره على النعم اللي عاطنا اياها ..


:

الحمدلله ..

:

تسلم على هذي المساحه يا مايد ..

واعذروني انجرف حرفي ..