ميلسنا وسوالفكمـ ـ //

[دموع قلم]

المزوحي ..


أنت تبا تعرف كيف تكون طيب ..؟!!

ها ..؟!





,

[المزوحي]

شوووووووووووو دموع قلم

[أنامل قلب]

أخوي صريح + شوق البدو O.o !

ما شـــــــــــــــاااء الله عليكم ،، خاصه اختي شوق البدو !!!!!!
صكت الرقم القياسي بواااااااااايد =#

بس صــــــدق يباله اعصاب !
وعني أنا بعدني ما وصلت ="(

+ حاليا مجابله الـ rubiks وأحاول أحله من الفيديو المعقد =$




,

[أنامل قلب]

أخوي المزوحي ،، همممم !

[أنامل قلب]

:

بخصوص الطيبه ،، فهي بالنهايه صفـــه // صح !
وابـ رايي حتى لو كانت عفويه بالبعض ،، فـ هي كذلك ممكن انها تُكتسب كـ باقي الصفات ..

يعني مثلا لو الواحد يملك صفه مو زينه ومو حلوه ،، فالنفرض التكبر ..
هل بنكتفي بقول إن هذا طبع فيه ،، ويظهر الفعل منه عفويا // وخلاص !

ولا بنقول الواحد دامه عارف عيبه المفروض يحاول يصلحه =)

نفس الشغله مع المحاسن ،، يعني الصفات الطيبه ..
مثلا أنا إنسانه مب طيبه وحابه أكون طيبه // شوللي لازم اسويه !

باختصار أفهم معنى الطيبه (( بنظري )) وأحبب نفسي بهذا المفهوم ،،
وتالي لا إراديا بلاقي إني بالنيه والمحاوله بوصل لمبتغاي ،، وبنسى إني كنت بيوم مب طيبه !

/

كلامي معقد صح !
مادري أحاول أشرح وجهة نظري يعني ^^"

:

وكلامك كلنا نمر فيه ،، يعني عـ كثر ما إن ننحط ابـ مواقف
نحس فيها بإن نحتاج نكون كبار بفكرنا وعقولنا فنتصرف على هذا الأساس ..

نرد بمواقف ثانيه نكتشف فيها إن نحن أصغر مما ظننا ،،
أو بالأصح نحتاج أن نكون أصغر إن صح التعبير ،،

وهو كذلك // رد فعل عفوي جدا .. . !

:

بالعكس اللي تقوله صحيح ،،
نحن فعلا محتاجين نخلي نفوسنا صافيه كالـ أطفال ..

+ لو فكرنا فيها بالنهايه ..

أي سوء نحمله لأي كان ما بيرد إلا علينا ،،
والعكس كذلك صحيح =)

,

[الهيثــم]

سكوون تذكرني بـ واحد .. بس نعطيه عنوان الموضوع . . وما شاء الله عليه ما يقصر ..
يعطيك المقدمة والموضوع والخاتمة والأسباب والمشاكل إللي ممكن تواجهك والحلول ..

[أنامل قلب]

^ هي هي هي // ..

انزيـن المهم !
لا بس فيني مرض المحاتاه بزياده >> ادري مب فاهمين ^^"

/

أقـــــــــوووول ،، محتـــــــاجه مساعده ><

أحد يعرف بطرق علاج التهاب العيـــن ="(
صدق صدق صدق تعقدت =$

مابي أسير المستشفى ..

,

[عهد الوداع]

مساء الخير ,,,

شو اخباركم ,,,

اختي سكون ما تشوفين شر ,,,,

انا الي اعرفه انج وايد لازم تغسلين عيونج وتستخدمين القطره او المرهم الخاص بعيونج ,,,,


^_______^

[المزوحي]

خطاب خلها بالعكس سكون تعيبني بردودها ...

بارك الله فيج


يحطون جاهي على العين

او زوري طبيب عيون

[مزن هتان]

سكون عزيزتي
سلامات و ما تشوفي شر

بخصوص التهاب العين، مادري اذا له علاج لجل تتشافي منه
بس خالتي زيك ما تقهر اي شي يجي بعينها

طلب منها دكتور منها ما تطلع بالشمس الا ابـ نظاره شمسيه
حتى و اهي طالعه للمطبخ
و كمان تبعد عن الغبار و الرمل، بس ما اشوفها تاخذ علاجات

[المزوحي]

مساء الخير
اش حالكم ؟؟؟

محد في الميلس، دق في بالي اشرب شاي حليب، وهمممم وفي خاطري شوارما .....

زين

[قصايد غلا]

أنا في خاطري عصير أنانااااااااس أو عصير فراولة

و أبا فطاير سبانخ

[أنامل قلب]

انتو الاثنين غصب تيوعون الواحد لول ^^"

:

اختي عهد الوداع ،، إي صح مثل ما تقولين ..
وأحيد دكتور بنت عموه قالها غسليه بشامبو جونسن مال الصغاريه ،،
وصدق أحسبه زين وينفع ^_^ ..

:

اخوي المزوحي ،، قبل كان الجاهي ينفع صدق ،،
بس أذكر آخر مره زاد علي الالتهاب بسبته ومن عقبه حرمت =$
هو يمكن أنا الفالحه بدل لا أنطر يبرد الجاهي شوي استعيل عليه =#

وووان شاء الله برد أشوف ^^
+ عن أخوي خطاب فـ عادي عادي قاعد يمدحني لول ^^"
سبحان الله يمكن أكون أنا هذا الواحد P=

:

اختي مزن ،، ربي يشافي خالتج ،، ويسلمج لنا دنيا وآخره =)
إي هم آنا عيوني تحمر بسرعه وتدمع لمن أظهر بالشمس وايد ،،
أو يعني مادري ،، حتى لمن احط كحل ولا غيره بسررررعه تدمع وحاله ><

هو الحمدلله الحمدلله الحمدلله أظل أهون عن غيري بوايد ،،
بس مشكلتي أصلا لمن أطنش الالتهاب ابـ بدايته يزيد علي تالي وأحيانا تظهرلي نفخه بالجفن ..
وفيما عدا ذلك الحمدلله كل شي تمام ^______^ ..

+ تعقدت من آخر مره رحت فيها الطبيب ،،
بس شكلي بضطر اسيرله ،، اشوف شو من الادويه بحتاج ...!

:

وووووو تسلمـــــــووون جميعا ،،
+ يزاكم ربي كل خير ^_______^ ..

,

[مزن هتان]

^^ لا تهملي عينك بارك الله فيكِ
وايد حساسه، و ربي يشفيكِ.
===
مسا الخير<< بدري

عدنا اللي بالبيت يمشون عـ الساعه، ما جات
الـ 10 الا كلٍ دخل غرفته (وقت النوم). انا قاعده
انتظر عمي لـ شغله، توه جاي يقول لي وينهم !!
اقوله رقود الخلق

تيبست من البرد، صرت أخاف اطق بيبان الغرف
عن ينكسرون صبوعي

تصبحون عـ الطاعة

[عهد الوداع]

السلام عليكم والرحمه ,,,,,