السلام عليكم
اش حالكم .... ؟؟
مرحبا المفتاح خلاص انا خذت موعد اتصلت بكذا مستشفى المواعيد فل عندهم لين عقب اسبوع من رمضان
وآخر شي حصلت ( اجرب موعد ) بالخميس العصر ...
مايهزك ريح امس يوم كنت في المول بغيت ادخل ستار بكس دبنهامز اللي تحت صوب ميلانو ...
ما احب الزحمه ... بس كشخه واحد من ربعنا بيتهم جريب كل يوم في المول، يقطعونه الربع ...
مسا الخير
شو امسيتوا ؟؟
عني انا اليوم مارقدت العصر، ع الساعه 6 سرت امشي،، اليوم غير حسيت بنشاط،، يادوب اتسبحت وصليت ودخلت
الحين احس بيوع لأني ماتغديت .. مب ريجيم لاااا .. او لأني امشي، بس ماكان لي خاطر ..
المهم في خاطري امشي اول الصبح .. بس تخيلوا دوام ما يواحي ...
اهلين المزوحي ..
اذا بيتهم جريب المول .. لازم بيسير كل يوم .. لأنه باقي الأماكن لو تفكر فيها .. الشوارع اتكون زحمة
فأفضل الأقرب وخصوصا اني امشي عكس الزحمة ^_^
جان زين اقدر امشي الصبح ... انا يالله يالله انش لصلاة الفجر ... وين اسير امشي !
هيه بيتهم جريب ومثلك يقول إنه خمس دقايق (البرشا) هممم والله غير لو الواحد يمشي عقب الصلاة
صدق بركة ...
توني ياي من الخياط ... شوووو زحمه
هاي فايدة انه الواحد .. يسوي كل شي قبل السفر ويرد مرتاح ..
يخيط ثياب ولا يشتري اغراض العيد ..
ويكون جاهز ومفتك من الصدعه والزحمة ^_^
صح كلامك لأنه مايمدي واحسن يخلص قبل ...
ماتعرف نعله عدله حق بو 6 سنوات غير المندوس وبن كمال ... وطبعا انطونيو لاااا لأنه غالي مايسوى حق اليهال
لا والله .. ما اعرف غير هالمكانين .. !
مادري ليش مب مسوين سالفة حق اليهال ..
عادي اذا ما حصلت ..لبسهم جواتي مثل السعوديين ^_^!!
تخيل بس خخخخخ ، احيد فارس كان يبيع مادري به الحين ... هممم تدري في محل في الغرير كان يبيع نعله بولسان
مايعولن، مادري ليش سكر المحل ... احسن عن اي نعال .. وجيمته مايتعدى 300 درهم
ويييييييييييييييه الغرير .. الله يرحم ايامه .. من سنيييييييييييين ما دخلته ^_^
الحينه عاد مايسر الغرير يعني مافي داعي تسير له، عندك الامارات مول منوووو قدك
شفت عاد ..
الدرب بعيد استوى .. وزحمة No Way اسير اصلا ..
الله يرحم ايام زمان .. كنا انسير ناخذ في الدرب لين ديره ربع ساعه .. الحين تحلم بها الربع ساعه !
التعديل الأخير تم بواسطة مايهزك ريح ; 25-08-08 || الساعة 10:24 PM
كل شي ينرفز، بدق درب لين ديره،،،، الله يعينك
الحينه عاد بيفتحون دبي مول اكثر من 1200 محل مادري عاد كم ستار بكس بيكون فيه خخخخخخخخ
عيل بنطيح فيه... وبيطيح سوقه مول الإمارات ^_^
يقولون إنه جريب بيفتتح، لكن امس يوم كنت في سوق البحر اشوفهم بعدهم العمال، مادري يمكن يفتتحونه
وديكورات المحلات بعدها ...
رد: ميلسنا وسوالفكمـ ـ //
بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته
اهلا بكل الشباب من واحات بن دبي
والزوار الكرام ايضا ما انساهم
المزوحي وما يهزك ريح
شو الاخبار مرتاحين ان شاءالله
ما شاءالله خبرتكم فى المولات كبيرة
لو كنت انا مدير المولات خلتكم منسقين فى المول.
المهم
بالنسبة للزحمة طبعا شي فظيع جدا
بس انا دائما اخلص اشغالى فى ديرة بعد الدوام
وارجع مرتاح البيت لا زحمة ولا شي.
والحين بعد الشوارع كلهه هالك اقصد سالك
ما ادري بتخف الزحمة ام لا؟
الله يعطيكم العافية ويوفقكم يارب العالمين
والله الموفق
المفتاح
إذا أردنا أن نخاطب رب العالمين، علينا أن نسلك هذا السلوك، وهو: التحميد، والتعظيم ، ثم الصلاة على النبي وآله ، وعندئذ لا ترد لك دعوة إما :معجلة وإما مؤجلة أو مدخرة للقيامة .. فهل تقصر في الدعاء بعد اليوم ؟!.
الذين يشاهدون الموضوع الآن: 16 (0 من الأعضاء و 16 زائر)
ضوابط المشاركة
مواقع النشر (المفضلة)