ميلسنا وسوالفكمـ ـ //

[رمــش الغـــلا]

السلام عليكم ...~


شحالكم ؟؟

شو مسوين ...!*

[المزوحي]

هلا رمش

بخير ربي يعافيج ...

[أنامل قلب]

السلام عليكم .. . !

/

هممم ،، سؤال ؟
أحد منكم مر ابـ هالموقف ..

إن ينحط بين رغبته الـ خاصه حول موضوع معين ،،
وبين رغبة اهله حول نفس الموضوع .. . !

انتو تبون شي مقتنعين به ،،
وأهلكم يبغون اللي يعاكس رغبتك الخاصه واللي مب مقتنع به .. . !

هممم ،، تبدأ تمشي بالدرب اللي حابينه لك ،، بس عشان لا تزعلهم ..

لكن تلاقي نفسك بالكفه الثانيه مب قادر تفلح ،،
+ تبدي كل اللي تقدر عليه عشان تبين إنك ما تبي هالشغله ،، لا إراديا .. . !

ليــش ؟ // لانك باختصار مب مستوعب الدرب ولا قادر تحبــه =(

/

ماحب الجامعه يا ناس ..

هالكثــر ( ................... .....................) ،،

.. .

[أنامل قلب]

أحس آنا مو مال سوالف الجامعه ،،
ماحب اسلوب الجامعه ولا أحب فكرة الناس ابـ مفهوم الشهاده .. .

وأبد أبد أبد ماني مرتاحه !

/

مادري هل أنا اللي غلط ولا الناس ..

ولا حتى إن كان العيب بـ شخصي
لكوني ما أقدر أستوعب هذي الحياة الجامعيه
بـ تفاصيلها // بالساهل !

مابـــي ،، ومليت ..

.. .

[دموع قلم]

,



أفــــااا ..

تمليـن منها .. وأنا فيهــا ..؟!!!








,

[وحي القلم]

سكون

كل الناس اللى صادفتهم و كانوا مب امكملين الجامعه متندمين أحينه و يقولون يا ليتنا كملنا

خصوصا أنه اللى فجيلهم أغلبهم دارسين

انتي لا تفكرين في وضعج أحينه

فكري فيه عقب كمن سنه شقايل بيكون

ما تعرفين ظروفج كيف بتكون.. يمكن تضطرين انج تشتغلين

و عاده حزتها بتتندمين لانه معاشات اللى بس عندهم ثانويه عامه >> .........

و بعدين شقايل تملين منها و دموع قلم فيها ها؟؟

.
.

اممم عندي سؤال للى يدفعون فواتير التيلفون من المكينه

شقايل تشغلونها إذا كانت امبنده؟؟

هاذيج المره يوم سرت كانت الشاشه زرقا و هوست عليها عشان تشتغل بس ما اشتغلت

لكني و أنا ظاهره عقب 10 دقايق تقريبا شفت واحد واقف يدفع

[المزوحي]

اختي شي عادي اللي تحسين به، لأنه تفكرين في حاضرج وبس، فتحسين ماتبين !!

يعني الرضيعه سارت الجامعه، وردت تصيح تقول حق الوالده مابغي الجامعه، فالوالده قالت لا .. لازم تدخلين الجامعه

والحين تخرجت من سنين طويلة، ودوم تقول حق الوالده احمد ربي إنج خليتيني اكمل ...

يعني الواحد ملبيخلي عياله دوم ع كيفهم ..

وعندج أخويه يوم كان في الثانوية قال: مابدخل التقنيه انا ابغي اشتغل أكد على نفسي، انا ابغي راتب ومن هالخرابيط

الوالدة قالت له على الاقل لو تدرس سنتين في التقنيه المهم تكمل ...

خلص التقنيه أكثر من 6 سنوات بس من ايام كان يكلمني يحس شهادته مب شي ويغي يكمل دراسه بس ماعنده وقت ..

شو رايج سكون تصلين استخاره وتودرين هذا كله ... وشوفي شو اللي بيصير ..


جمعه مباركه

[مــهــابه]

أنـامل :

انـا كل سنه عـ هالمنـوال
كل بدايه كورس اقول لهم خلاص بظهر من الجامعه ومايحتاي اكمل ..

بس اهليه يقولون لا ..

بس الحين يوم وصلت فـ نص الدرب ، انا من نفسي حابه اكمل ..



وحي :


للأسف ماعنديه عـلم فهالسوالف

[أنامل قلب]

ماعرف شو أقول .. . !

شكرا ،،وصدق يزاكم الله خير عالاهتمام ..

بس بعد ،، مـــــــــــــااااحبكم XP

/
\

/

.. !

[مــهــابه]

وجـآن يفوز [ العـين ] اليوم

قـويه عـين ، فـايز عـ الشـآرجه ومستانسه بعد ماشي وطنيه

[حلم الطفوله]

اونه !!! عاشت العين وعاشت أهلها

وهارد لك للشارجه وأهلها الغاطين :)


مهابه .... موووووووووول ما يخصني بالتشجيع

ليش شيء مباريات برمضان !!!

[مــهــابه]

^
اليوم بـدأ دوري المحـترفين

فـازت العين عـ الشارجه
والأهلــي فـاز عـلى مادري منوه ( اتوقع النصر )
وعـيمان غـَلب الوصل . .


هاللي أعـرفه

[رمــش الغـــلا]

^ متااابعه ماشالله ...~

[ لوووول ] ..!



أبا أتسحر ... وفخاطري كشري [ لووول ] ..~

بس من ايد حرمه مصريه هع هع..!!

[المزوحي]

السلام عليكم

كيف الحال ؟؟؟

اليوم راقد الصبح الوالد مب صاحي ووديناه المستشفى، وبعده هناك ...

شو اخباركم ؟؟

[مايهزك ريح]

المزوحي ..
البارحه سويت لفه على دبي ..
عشان اتذكر الشوارع كلها اللي ناسنها ..
وخصوصا انه في شوارع يديده..
وشوراع مكسره .. كسرن موتري
آخر مره ظيعت وصلت الشارجه .. ما اعرف شو استوابي


وسلامات للوالد ما اشوف شر .. !