ميلسنا وسوالفكمـ ـ //

**المزوحي** · 08-09-08 ||, 12:03 AM

ذنيني ترانا يوم كنا هناك في الصيف وااااااااااااايدين من الخليج هناك، ووايد منهم اللي يسير أوربا ويخلي لبنان آخر

شي عسب يرتاح فيها .. وحد ينزل لبنان ويسير أوربا ويرد لبنان مره ثانيه ...

بس تدري ذنيني في ناس مايحبون الدول العربية ... لو تمدحها لهم ونحن مانعرف أخونا مايهزك ريح من أي نوع !!

اللي مب حلو في الدول العربية يوم يعرفون إنك من الخليج يرفعون السعر عليك، بس أوربا السعر ثابت عندهم

**الهيثــم** · 08-09-08 ||, 01:43 AM

ويـــه حســن !! ...

انزين بطالع حسون ف الفريج ،، لازم اسير لبنان عسب أشوف ويه حسن !!! لوووول

**المزوحي** · 08-09-08 ||, 12:53 PM

السلام عليكم

كيف الحال ؟؟؟ عساكم مرتاحين ؟؟

اليوم سرت الدوام وبعد ماخلصت الشغل، سرت أراجع المستشفى، عسب الألم اللي في آخر ظهري والله يعافيكم

بعد ما سوا الاشعة وشرح لي الدكتور إنه أعاني من انحراف خفيف فوق، بس تحت وصف لي جل وحبوب مسكنه

مؤقته لمدة يومين وإجازة يومين، بس المشكلة العودة إنه قال أرد اسوي اشعة الرنين المغناطيسي

MRI والله عقب مابدلت إنه قلبي انقبض وماقدرت ادخل هالجهاز، مع إنه يشخص بالتفصيل ... وانا صايم ريجي

نشف الصراحه ، الله يسامحكم محد قال بسير ويايه يونسني، يمكن حد كان بيقنعني إني أتم ..

شلت الاشعه العادية والدواء وشليت بعمري ورديت البيت وتوني داخل ... دعواتكم لي بالشفاء

**مزن هتان** · 08-09-08 ||, 12:57 PM

عليكم السلام و رحمة الله وبركاته المزوحي
سلامات ما تشوف شر أخوي، و خير ان شاء الله

**المزوحي** · 08-09-08 ||, 01:01 PM

الله يسلمج اختي، الشر ما إييج ... الله يبعد عنكم كل مرض وكل مكروه يارب ...

**مايهزك ريح** · 08-09-08 ||, 01:10 PM

مرحبا اخواني ..
انا للأسف ما احب اسير الدول العربيه موووووووووووول لو شو يسوون لي اغراءات !
انا اسير يا اوروبا امريكا او شرق اسيا اما دول عربيه لا والف لااااااا .. الوالده تباني اوديها مصر .. وانا اقولها دوري غيري ..
مع انه عندي ربع مصاروه وبيمشوني هناك بس بعد مول ما افكر اسير ..
العام اخويه وداها لبنان واستانست .. وقالتلي لو سرت ويانا جان عيبتك .. بس انا مول ما اغير رايي ^_^

واتصدق انه الرحلات الأوربيه ( لندن - باريس - فيينا ) والآسيويه( سنغافورة - ماليزيا) كلها فلللللللللل ..
لين الحين ما حصلت الحجز اللي اباه ..>_<
الله كرييييييييم
آخرتها برد سويسرا
على الأقل الحين عندهم الخريف .. بيكون التصوير فيها غيييييييير

**مايهزك ريح** · 08-09-08 ||, 01:12 PM

ما اتشوف شر المزوحي .. الله يعينك .. !

**المزوحي** · 08-09-08 ||, 01:21 PM

مايهزك ريح ،،،، كان عندي احساس ماتحب الدول العربية، بس قلت بنتأكد منك !!

انا ولد عمي يمدح مصر، ما احبها مع إني مازرتها ... ماتحمل غلاستهم ..

وكنت بقول لك سير سنغافورا، خاصة إنك مابتطول أكثر عن اسبوع وهي مايبالها أكثر بعد ..

انا الحين يوم امشي بس خلال نص ساعه اشوف 4 طيارات سنغافورا وطبعا من غير باجي الطيران !

مايهزك ريح الشر ما إييك تسلم ^_^