اهلييييييين .. حيالله بو محمد ..
الأهل يوم ايسيرون المول ويكونون مستعيلين يبون شي بسرعه على طول تليفون حقي .. ويسئلوني وين المكان ..
وانا اعطيهم عشان يوصلون بسرعه وشو اقرب بارك عليه .. شفت كيف ..
حتى في الشوراع مخليني GPS من ايضيعون بالتليفون اقولهم كيف يوصلون ^_^
صبحكم الله بالخير و النور و السرور
البارحه كشخه,, لأول مره يسرقونا لول
ادري انه هالشي ما يضحك بس من البارحه و نحن نضحك على اعمارنا لأنها كانت سالفة نصب لول
حسينا انه نحن مغفلين
ترقبوا سالفة النصب في موضوع خاص من ألوان p=
READY !!?
ناصر متى بترد البلاد !
صباحكم ورد...
وانا لليوووووووم.. اذكر سالفه النصب اللي استوتلنا..
اسميني منقهررررررررررررررررررررر ره... لاني لاحظت انه في شي غلط في السالفه.. و سكت.. جان زين نطقت عشان يحصله
..
ربي.. لك الحمد..
انا انقهر يوم حد يسرقني .. !
ميموري كارد كانت في الجي بي اس مالي وديته ايعدلونه .. ويوم استلمته ما جيكت انها موجوده .. او لأ
وصلت البيت اكتشفت انهم صارقينها .. !
اهلين المفتاح .. كيف الحال، عندنا خبره والحمدلله،،، بس الحينه مادري شو صار بي مب مثل اول
مايهزك ريح تدري حتى انا الربع والاهل يتصلون بي يقولون وين اسير المكان الفلاني سواء في الشارع وإلا المول
خخخخخخخ يضحكووون
مشكله يوم اختي العودة اتضيع وتتصل عشان ادليها .. اسميها اتينني .. >_<
رد: ميلسنا وسوالفكمـ ـ //
بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته
صباح الخيرات والانوار ودهن العود والورد المحمدي
شو اخباركم ياشباب الواحات اتمنى ان تكون بخير وعافية
الاخ الكريم المزوحي : هلا بك شحالك انت بخير ان شاءالله انا بخير والحمدالله
رب العالمين ----- بالتنظيم والتخطيط يمكن ان يكون عندك وقت واكثر .
الاخ الكريم ما يهزك ريح : هلا اخى الكريم شو الاخبار مرتاح ان شاءالله
تصدق امس تذكرتك فى الامارات مول سرت تعشيت مع العيال فى نفس
القاعة الى تحت ومثل ما يقولون العودة الى صداع الراس اقصد العودة للمدارس
من محل الى محل علشان الشنط ..... ماشاءالله دليل دبي السياحي شي جيد
ان تكون لديك معرفة فى بعض الاماكن-----الشباب يتصلون بي من اجل المطاعم
وخاصة المتزوجين حديثا .
الاخ الكريم ذنـيـنـي : هلا بك شو الاخبار نورت الواحات .... المشي شي جميل جدا
ماشاءالله انت خارج الدولة --- الله يرجع بالسلامة على راس الحمامة سالما وغانما
امين يارب العالمين .
الاخت الكريمة طير الغرام : شكرا لك يااختى الكريمة على الذكير الخاص بالشهر الفضيل
الله يوفقنا لصيامة وقيامة امين يارب العالمين .
والله الموفق
اخوكم المفتاح
إذا أردنا أن نخاطب رب العالمين، علينا أن نسلك هذا السلوك، وهو: التحميد، والتعظيم ، ثم الصلاة على النبي وآله ، وعندئذ لا ترد لك دعوة إما :معجلة وإما مؤجلة أو مدخرة للقيامة .. فهل تقصر في الدعاء بعد اليوم ؟!.
عادي انا اخويه واختي وخالي ووايدين يدقون لي،،،
مساء الخير ... ابغي استمر في المشي والحينه رمضان ياي ولازم نستمر مب عارف كيف بنظم وقتي
او اي وقت اجرب هل عقب التراويح ..
ما يهزك ريح
اليوم وصلنا فرانكفورت يايين من محطتنا الاخيره في السفرة "بروكسل" و ان شاء الله باجر الصبح بنسير المطار
READY !!?
المزوحي
امش قبل الفطور
جسمك بيكون استهلك الطاقه و بيكون مصدر الطاقة الوحيد عندك هو دهون الجسم
بتحرقها حراااااااق لول
READY !!?
مرحبا اخويه بومحمد .. الله يعينكم .. العودة للمدارس ورمضان وعقبه عيد .. طار الراتب على المشاري .. !
على فكره انا كنت في مول الإمارات البارحه على وقت المغرب .. ويا الأهل !
مرحبا ناصر .. توصل بالسلامه اخويه .. !
المزوحي .. عندك وقتين ياقبل الفطور .. يعني على الساعه 6 او 5:30 العصر .. او بعد صلاة التراويح !
هلا ذنيني .. قبل الفطور .. يعني الدورية مابتقول شي لوووووووول
المفتاح من كثر ما نتكلم عن الامارات مول سرت له خخخخ
مايهزك ريح ... اول يوم الواحد يصدع لانه مب متعود على الصيام، وانا عاد متعود على شاي حليب كل يوم
رد: ميلسنا وسوالفكمـ ـ //
بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته
ما يهزك ريح : هلا مايد شو الاخبار ---- البارحه فى الامارات مول رجعت الشنطة كانت خربانة
يعنى صدق العودة للمدارس.
المرزحى : هلا بك شو اسوي عشقت الامارات مول احسة شرح وايد يعنى الواحد يقضى اشغالة
تحت سقف واحد .
البارحو سرت بعد على اللولو هايبرماركت كنت ساير خصيصا اشترح خبز الصويا لانه ما فى سعرات حرارية يعنى للرجيم زين .
والله الموفق
المتفاح
إذا أردنا أن نخاطب رب العالمين، علينا أن نسلك هذا السلوك، وهو: التحميد، والتعظيم ، ثم الصلاة على النبي وآله ، وعندئذ لا ترد لك دعوة إما :معجلة وإما مؤجلة أو مدخرة للقيامة .. فهل تقصر في الدعاء بعد اليوم ؟!.
عليكم السلام و رحمة الله و بركاته
صباحووو
راسي مفتر عليه، و أحس انيه متلخبطه
اليوم الخميس و الا أنا غلطانه !
واعده عمري اريح نفسي اليوم، ماكو طلعات
راسي يعورني.
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
الذين يشاهدون الموضوع الآن: 42 (0 من الأعضاء و 42 زائر)
ضوابط المشاركة
مواقع النشر (المفضلة)