ميلسنا وسوالفكمـ ـ //

[الا انا]

..^
هههههههههههههه
اسولف زين ..
انا بروحي ابغي احد يقودني .. لوول

.........

[الاسطوري]

وين المفتاح صار لنا كم يوم
مانشوفه هني؟

[الا انا]

..^

شفته لاين ..
بس ماشارك ..
يمكن مشغول ..

[مــهــابه]

مســـا الـــورد . .

|شحــــالكم ؟

يـاناس يـاعالم ذبحـنا الحر :(

[الاسطوري]

^
الحمدلله تمام ربي يعافيج، يمدحون المكيفات في هالجو واللي
يبي يستانس في البلاد لازم يدفع الثمن
ويتحمل الحر شويه

[مــهــابه]

^
هــلا الأسطـوري

يـابوك حـَر عـن حـَر يـفرق . .

والله أنه دوَخنـا من زود الحر ، وجان على المكيف
زيـن لو يـخترعون مكيف متنقل ..

عسـب نروح من مـبنى لـ مبنى ونحن مكيـَفين . .

[صريح]

39.3 C
و في ارتفااع مستمر

جربنا كل شي بس ماشي فايده انزل هالحراره




احس لو حد يحط غوري ع راسي بيسخن الماي لول

[شوق القلوب]

مـــا اتشـــوف شــــر يا صـــريـــح..

الله يهون عليك و اتخف الحمى..

حاول اتريح عمرك.. و ارقد كثر ما تقدر..

الحمى تحتاج راحه..

..

وسلامتك و الله

[شوق القلوب]

اتعرف شو اتسوي..عشان تنزل الحراره..

هد عنك كل الحبوب و خصه البندول.. و ابدى كورس مع التاينالون

و ان شاء الله اليوم الثاني بتكون بخير

[صريح]

الشر ما اييج يا شوق

هيه تراني اخذ تايانول كل اربع ساعات
تخف الحما ساعتين و ترد ترتفع


المشكله ما اقدر اخذ ابر حق الحما بسبت الربو اللي فيه .. لو عطوني ابره عن الحما
الشعب الهوايه تبدا تسكر عندي

ولا كنت من اول ما حسيت بتعب سرت عن دكتور رياض في حلوان
يعطيني ابره و اكون زيي الحصان

[شوق القلوب]

لالا.. انا ما اشجع سوالف هالابره..

انت خلك مرتاح.. و ان شاء الله بتخف عنك..

عساها اتكون طهور لك ان شاء الله ..

[حلم الطفوله]

غمضني صريح وااااااااايد

الله يعافيك وما تشوف شر إن شاء الله

[أنامل قلب]

:
.

السلام عليكم ..

محتاجه مساعده ..

اممم .. كيف اروم احظر وحده ابـ ايميلي ..
بحيث ما يوصلني شي من ايميلاتها وحسب ..
يعني المسن نفسه ماحظرها به .. !

فهمتوا علي .. ؟

:

البنت طيبه بس وايد منفتحه وايميلاتها من الخاطر ><" ..
+ أبي أعرف اذا سويتلها حظر بالايميل ..

بيوصلها خبر ولا ما بيبين .. ؟!؟!؟!؟

:

...

[مزن هتان]

عليكم السلام و رحمة الله وبركاته

و مسا الصداره الخضراويه

أنامل قلب اذا تقصدي حظر من ناحية
استقبال الايميلات اسمحيلي ما قدر افيدج !!

[أنامل قلب]

^

يزاج الله خير اختي مزن ..
ما قصرتي .. ويكفيني اجابتج ..

:.