ميلسنا وسوالفكمـ ـ //

[المزوحي]

مساء الخير

ماشوف سيارات عن المسايد، خلاص خلص رمضان !!!

الله يهدي الجميع ...

المفتاح مشكور على الاهداء اللي فوق، ماننسى الصلاة على النبي صلى الله عليه وسلم ..

باجر الجمعه نبغي ناخذ الاهل رحله ....

[رمــش الغـــلا]

^

هي والله جنها المسايد بس فـ رمضان ..!!

اللهـ يهديهم الناس ..~

.
.

نحن باجر ورانا عرس [ لووول ] ، وإنشا الله بتلاقى ويا ملاكوه هنااكـ ..~

[عهد الوداع]

تتلاقون ع الخير ان شاء الله

سلمي عليها واااااااااااااايد

[المزوحي]

السلام عليكم

وينكم ؟؟؟؟

انا يبالي تغير جو الصراحه

[مــهــابه]

عــليكم الســـلام والرحمــه ..

حـنا موجوديـن !


شـو تقول عـنا خويه المزوحي ، نـاس ويك آنـد ، ونحن بـآجر مداومين ..


يـوم مب قـد الإجازات لايعـطونا ، ماصارت اجازه وتعويض ..

[المزوحي]

هيه والله .. زين لاتفكرين الحين في الدوام، ويوم بتسيرين كوني coool

[مــهــابه]

هو عــادي بس ماحسينا بالويك آنــد ، بيكون اسبوع طــويل ..


يالله شو بنسوي بعـــد ..


شو الاخبار الحين؟ ان شاء الله صرتوا احسن؟

[المزوحي]

مهابه يوم نحس براحه إنه خلاااص، يومين ونشوف شي غير ... الله كريم وبيفرجها علينا ...

الواحد يبغي له 4 سيارات ^_^

[مــهــابه]

هيـه والله ..


الله كــريم :)

[المزوحي]

السلام عليكم

كيف الحال .؟؟؟ شو راقدين ؟؟؟


تراني اليوم سرت الوكالة شفت هوندا أكورد رقم (1) بــ 116 ألف وبالمره مريت على وكالة تويوتا زحمممممممممممه

تقولون يجسمون سيارات بــبلاش .... خذت لي لفه على السريع ماكملت 5 دقايق وظهرت ...

قلت ارد البيت واتغدى ابرك لي ... والحينه اتريا الغدا يزهب ويالله

[مزن هتان]

و عليكم السلام المزوحي

واعيين، ضحكتني اون ببلاش
بنت خالي كانت ماخذه تاهو العام كاش و الحين تدور لها
على شراي، حجزت لها استيشن و ميني كوبر .
اليوم راح تستلم الاستيشن
هوندا ابـ 116 وايد مصخوها بالاسعار

[عهد الوداع]

مساء الخير ,,,

حد هنه ,,,^_^

[مزن هتان]

مسا النور

من شوي بغيت ادعم واحد في باركات بن سوقات الخدامه معطتني خرده عشان اسوي لها ترانسفر
الريال كان يمشي يعني مش بالسياره ضرب عـ بونيت السياره بايده و صرخ شفته ياي صوبي قلت
اكيد بيشوفني حرمه بيقفط تخيلوا فتح الباب تم يصرخ في ويهي
محشومين الرياييل، فضل عنه

[المزوحي]

مزن الاسعار ارتفعت بشكل عام و116 على اكورد 6 سلندر مش 4 ، اظن الاربعه في حدود 80 ألف

[مزن هتان]

داريه انها ارتفعت بس مش للدرجه ذي
انا بعد افكر اغير موتري بعد جم شهر بس شكلي
آخر شي برسى على سيكل دام هاي الاسعار