آخـــر الــمــواضــيــع

صفحة 1 من 2 12 الأخيرةالأخيرة
النتائج 1 إلى 15 من 16

الموضوع: نظرتكــ اتجاه البنت الكرويه

  1. #1
    عضوية الماجستير الصورة الرمزية فركوشه
    تاريخ التسجيل
    Oct 2003
    المشاركات
    2,263
    قوة التمثيل
    363

    نظرتكــ اتجاه البنت الكرويه

    السلام عليكم

    شحالكم شو امسووين

    .

    المهم نخش فالموضوع على طووووول

    .

    في مباراة نهائي كاس رئيس الدوله اللي كانت مصخره
    مبروك للاهلاويه وحظ اوفر للوصلاويه



    المهم قبل المباراه الصبح كنت اقول حق بنات كلاسي شوفو النهائي اليوم
    يت وحده وسألتني سؤال..انتي ليش تشوفين كوره وهالسوالف



    قلتلها كششخه وتحسين انج فـ جو منافسه



    قالت لي لا يكون شذوذ..!!

    لانه الكوره بس للرياييل
    وانا لما شفت مباراه لاعت جبدي ليش تحبون تشوفون

    انا ويهي صار

    ماعرفت شو اقول ولا شو اسوي
    المهم قلتلها ممكن تضييع وقت


    .

    لا يكون الناس جي بعد
    اذا البنت تشوف مباراه يقولون عنها شاذه


  2. #2
    عضوية الماجستير الصورة الرمزية ملاك الروووح
    تاريخ التسجيل
    Oct 2003
    المشاركات
    2,578
    مزاجي
    Angelic
    قوة التمثيل
    378

    رد: نظرتكــ اتجاه البنت الكرويه

    عليكم السلام ورحمة الله وبركاته

    :

    اشحالج فركوشه ؟

    عساج طيبه ؟



    :

    مشكوره لأنج طرحتي ه الموضوع للمناقشه ..

    لأني من زمان كنت أبي أعرف راي الشباب ف هالموضوع !

    بالنسبه لي أنا ..

    ما أشوف انه الكلمه اللي قالتها ربيعتج منصفه !

    يعني مب لهالدرجه !!


    أنا أشجع نادي العين .. وأحب اتابع المباريات ..

    بس مب اني مدمنه ومتعصبه وأضارب الخلق

    وأسير أحضر مبارياااااااااات !!!!!!!

    لا بس أستمتع وأنا أشوف المباريات ..

    عندي اهتمامات وتوجهات كرويه ..

    وما أشوف انه هذا عيب أو شي ..

    بالعكس ..

    أحس انه نايس تشاركين ريلج باجر مثلا اهتماماته ..

    وما تيلسون تضاربون .. هو يبي يشوف مباراه وانتي تبين اتابعين مسلسل لووول


    بس مب اني أكون تو متش ..

    شرات التيم ليدر مالنا الله يستر عليها << أسميج فضحتي هالحرمه

    يعني هي من النوع اللي وايد متعصبه

    واتضارب الشباب في الدوام .. ويوم فريقهم يفوز تسبل ف عمرها ..

    وتلبس كل شي أصفرررررررررر .. واتي وتيلس تغني أصفر أصفر أصفر جدام الخلق

    ف أحس مول مب حلوه .. شكلها غلط يعني ..

    مب حلوه ف حقها ..

    أنا انحرج بصراحه !!


    في ناس يستنكرون متابعة البنت للمباريات ..

    على اساس انها مب من اهتماماتها .. تكون من اهتمامات الشباب ف اغلب الاحيان ..

    بس في ناس عادي كول ..



    ف أنا أتريه راي الشباب ف هالموضوع ..

    عادي عندهم هالشي .. ولا يحسون انه شي غلط !!


  3. #3
    مـراقــب الصورة الرمزية مزن هتان
    تاريخ التسجيل
    Apr 2004
    المشاركات
    5,776
    مزاجي
    Buzzed
    قوة التمثيل
    531

    رد: نظرتكــ اتجاه البنت الكرويه

    عليكم السلام و رحمة الله وبركاته
    منوّره فركوشه

    أنا بعد يوم اتحجى عن سوالف المبارايات جدام رفيجاتي
    اونه شو صبيّك <<< موووول ما يخصه

    أنا و خواتي نتابع المبارايات و صج نتحمس من الخاطر
    يعني مثلا عادي اذا دخلوا علينا قول نصيح و ندعي عليهم
    و نغربلهم، و احيان يصادف نشوف مباره بيت يدتي
    أنا و خواتي و خوالي تلقون باقي الحريم كلهم فوق، يقولون
    حق أمي أون متأكده انج يايبه بنات. !

    أخواني وايد يعيبهم يقعدون معنا عشانا نندمج بسوالفهم
    حتى خوالي و عمومتي.
    أَيُها الراحِلُ عُذراً في
    شُكاتي، فـ إلى طَيْفُكَ أنْاتُ عِتَاب ...
    T

  4. #4
    بروفيسور متميز الصورة الرمزية كـلـكـلـووش
    تاريخ التسجيل
    Mar 2003
    المشاركات
    3,803
    مزاجي
    Amused
    قوة التمثيل
    446

    رد: نظرتكــ اتجاه البنت الكرويه

    ممممم .. أعتقد يحق للمرأه متابعة الكرة و تشجيع فريقها المفضل .. بس ما اظن ان لها الحق انها تمارس هالرياضه .. لإنها رجالية و فيها خشونه و فيها جهد .. و هالاشيا تنطبق على اطباع الرجال و ليس النساء ..

    اما بالنسبه للتشجيع .. اشوف انه عادي .. بس اذا هي في بيتها و ساتره على عمرها .. بس تسير النوادي و تيلس تناقز جدام الخلق !

    هذا رأيي

  5. #5
    بروفيسور متميز الصورة الرمزية بنت الدلع
    تاريخ التسجيل
    Oct 2004
    المشاركات
    5,485
    مزاجي
    Angelic
    قوة التمثيل
    511

    رد: نظرتكــ اتجاه البنت الكرويه

    هاهاها
    she's
    tomboyish =p

  6. #6
    بروفيسور متميز الصورة الرمزية أنامل قلب
    تاريخ التسجيل
    Oct 2006
    المشاركات
    4,759
    قوة التمثيل
    449

    رد: نظرتكــ اتجاه البنت الكرويه

    :
    .

    السلام عليكم ..

    امبلا صح البنت اللي تحب سوالف كرة القدم شاذه .. !

    ههه اسولف :)
    بالعكس مع اني ما اميل لكرة القدم ابدا .. ولا بميل له الا بحالة وحده فقط ..
    لكن كون البنات ممكن يميلون لهذي اللعبه فهي بالنهاية ميول ويعتمد عالمحيط كذلك ..

    يعني خاصه عدنا بالامارات .. وكأنها صارت موضة العصر ..
    لكرة القدم وزن ثقيل ويعمل له حساب كبير من قبل الاعمار كافه بكلا الجنسين .. !

    مابتكلم عن الشغلات اللي احسبها تجذب بعض البنات لهاللعبه ..
    لكن اكيد مثل ما ذكر اخونا كلكلوش .. لهذا الانجذاب حدود ..

    واعتراض البعض حول حب الفتاة لهذي اللعبة ممكن يكون لنسبة الخشونة اللي ابها ..
    وهذا الأمر مرتبط بكل أنواع الرياضه التي تحوي نوع من الحدة بشكل أو بآخر ..

    مع العلم بإن سبب انجذاب الفتاة مختلف عن سبب انجذاب الشاب .. !

    :

    لا هان الرحمن قدرج اختي ..
    وابقي بتواصلك هنا قريبه ..

    احترامي ~
    اختج أنامل قلب ..

    :.
    [ وما تقدموا لأنفسكم من خير تجدوه عند الله } ..






  7. #7
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: نظرتكــ اتجاه البنت الكرويه

    ممممم موضوع حلو..
    عن نفسي ماحب أتابع رياضه على التلفزيون.. أفضل أمارسهـا
    in general محد في بيتنا يتابع كوره.. ف يمكن عشان جي انا بعد ماحب اتابع.. ماروم اشوف تلفزيوون واتابع كوره.. مادري احس ملل

    بس طبعا كلحد غيـر.. وانا متعوده اشوف بنات يتابعون كوره.. اسبشلي بنات المدرسه.. ياربي شوو يسون حشره في المدرسه وينافسون بعض.. لدرجه انه يوزعون ماي نادي الوصل.. وكنت أتحمس وياهم واشجع الوصل.. مع اني من هناك لا اتابع ولا اعرف شي.. بس تغيير جوو ووناسه الصراحه


    فـ رايي
    أحس انه عادي البنت تشجع & تلعب كوره.. بس مب جدام الخلق.. يعني صدمه يوم تشوفون بنات عـالتلفزيون يشجعون كوره ويصارخون والمكان كله شباب
    بس اذا بتشجع في بيتها عادي شو فيها؟؟ واذا بتلعب في بيتها ولا في المدرسه عادي شو فيها؟؟ عادي.. اصلن لعب الكوره ويا البنات صدق مصخره ووناسه.. احيد ايام المدرسه ماكنا نضحك في رياضه كثر الكوره .. لانه نركض وعبالنا شتنا الكوره آخر شي نكتشف انه الكوره في محلها وماتحركت فـ يعني يغيّر جو وكلحد يستانس

    وأهم شي الضحك والوناسه في هالـ زمن
    .She can only make it, if she dreams

  8. #8
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: نظرتكــ اتجاه البنت الكرويه

    شمعه أمل .....صدق إنج صديقتي !!!! أنا ما يخصني بالكره موووووووووووووووول

    بس يوم يستولون على التلفزيون أنجبر أتابع إشوي ... صدق صدق شد أعصاب !!

    مع إنه عادي البنت اتابع المباريات بالبيت وترتبش ويا إخوانها وعايلتها ....بس توصل لدرجة الصريخ يوم يدخلون الأجوال مثل وحده الله يستر عليها .....يا بوج بلعومج اختفى !!! ( عدنا وحده فاضحتنا بالفريج )

    لا والحلو بسوالف الحريم ...إنه تشوفين حرمه أم عيال تلغي كل ارتباطاتها والعزايم العائلية يوم امباريات المنتخب

    يالله .... إن شاء الله يفوز المنتخب
    لو كثرت عيوبي بعينك تباهيت .... أبقى الوحيد إلي عفس لك مزاجك

  9. #9
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: نظرتكــ اتجاه البنت الكرويه

    صديقتييييييييييي

    تدرين نحن الى مانتابع مانروم نفهم شعوور الى يتابعون
    يعني اذا الريايل تحصلينهم يصيحون شو تتوقعين من البنات؟ نحن حسّاسات اكثر
    .She can only make it, if she dreams

  10. #10
    عضوية الماجستير الصورة الرمزية ملاك الروووح
    تاريخ التسجيل
    Oct 2003
    المشاركات
    2,578
    مزاجي
    Angelic
    قوة التمثيل
    378

    رد: نظرتكــ اتجاه البنت الكرويه

    ^

    ^

    تدرون ذكرتوني بأيام الخليجي !!!

    يااااااااااااه صج كانت أيام حلوه

    والفرحه كانت غيييييييييييييير !!



    :

    صحنا صياح هاك اليوم .. في النهائي ..

    شلق وصريخ وصياح في البيت .. الشغالات زاغوا لووول


    حتى اختي حليلها كانت مربيه في المستشفى وما سرنا لها ..

    قلنا لها اسمحي لنا مباراة المنتخب والفاينل ... وسرنا لها ثاني يوم

    صج ما نستحي على ويهنا صح !!


    فدييييييييييييييت المنتخب والله ..

    ان شاءالله يفرحونا ونتأهل حق كاس العالم هالمره بعد !!



  11. #11
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: نظرتكــ اتجاه البنت الكرويه

    إن شاء الله ملووووكه
    لو كثرت عيوبي بعينك تباهيت .... أبقى الوحيد إلي عفس لك مزاجك

  12. #12
    عضوية الماجستير الصورة الرمزية ملاك الروووح
    تاريخ التسجيل
    Oct 2003
    المشاركات
    2,578
    مزاجي
    Angelic
    قوة التمثيل
    378

    رد: نظرتكــ اتجاه البنت الكرويه

    ^^^

    ياااااااااااااااااااااااا ااااااااه هالاسم !!

    ( ملوووكه )

    ذكريااااااااااااااااااااا ااااااااااااااااااااااااا ااااااااااااااات



    :


  13. #13
    بروفيسور متميز الصورة الرمزية قرموشة
    تاريخ التسجيل
    Feb 2006
    المشاركات
    5,503
    مزاجي
    Angelic
    قوة التمثيل
    497

    رد: نظرتكــ اتجاه البنت الكرويه

    انا اذا تابعت مباراه كره قدم تستوي مصييبه لول !
    >.< وايد أتحمممس خخخ مع العلم اني ما أشجع أي ناادي .. ! كل مره ويا حـد P= وعلى حسب المباراه نفسها

    وبصراحـه هـ السمستر .. كنت كل أثنين وأربعا أسير نادي الجامعه وألعب كره قدم في المرتبه الأولى ! بس لعب بنات يعني ! >.< مال طفاسه شوي لول
    على قوله ربيعتي .. يوم كره القدم موجوده ما أعترف بـ باقي الالعاب خخخ !
    فـ أشوف انه عادي البنت تشجع .. أو حتى تلعب كره قدم ما دام المحيط بها أهلها أو مجرد بنات حالها من حالهم =)

  14. #14
    عضو جديد الصورة الرمزية فرح ناز
    تاريخ التسجيل
    Mar 2008
    المشاركات
    49
    قوة التمثيل
    198

    رد: نظرتكــ اتجاه البنت الكرويه

    فركوشه هذة البنت اكيد ما تحبج شلون تقول كلام مثل هذا

    ماله علاقه ..

    انا صح مااشوف مباريات حتى المباراة مالت هذة كاس خليج الي الناس مسوين عليها حشرة ما شفتها لول

    بس اذا وحدة ربيعتي قالت انها شافت مباراة ما بقول عنها جذي (لانه موضوع عادي)


    الا اذا البنت راحت تشجع .. حتى في هذة الحالة مابتكون مسترجله او الي خبري خبرج .. هذة بنت ما تستحي لول

    البنت الشاذة تبين من تصرفاتها والبنت المسترجله بعد

    بس تشوفين مباراة كرة قدم على التلفزيون عادي مافيها شي

  15. #15
    عضوية الماجستير الصورة الرمزية وحي القلم
    تاريخ التسجيل
    May 2004
    المشاركات
    2,316
    قوة التمثيل
    359

    رد: نظرتكــ اتجاه البنت الكرويه

    صح أنه ما يخصني فالسالفه و لا أحب الكووره

    بس حبيت أقول لج.. ما عليج منها.. طنشي اللى قالته دام انج عارفه أنج مب غلطانه

    و بعدين شو هالتفكير .. هاي شكلها امخرفه
    No matter what they tell us
    No matter what they do
    No matter what they teach us
    what we believe is
    [TRUE]


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. سلطان بيعتدل !
    بواسطة حلم الطفوله في المنتدى الواحة المفتوحة
    مشاركات: 46
    آخر مشاركة: 30-08-06 ||, 08:28 PM
  2. فارسة ما تهاب خيول الغدر
    بواسطة الشوق في المنتدى واحة القصص و الحكايات
    مشاركات: 26
    آخر مشاركة: 23-08-06 ||, 11:21 PM
  3. نظـــرة حــــب
    بواسطة الشوق في المنتدى واحة القصص و الحكايات
    مشاركات: 34
    آخر مشاركة: 19-08-06 ||, 09:28 PM
  4. قصه بنت سعوديه
    بواسطة تضحك الدنيا في المنتدى واحة القصص و الحكايات
    مشاركات: 16
    آخر مشاركة: 26-06-05 ||, 03:07 AM
  5. آآآآآة يالدنيا عيال عم ولايتعارفون>>قصة ولا أروع<<
    بواسطة ملاك الدوحة في المنتدى واحة القصص و الحكايات
    مشاركات: 190
    آخر مشاركة: 30-09-04 ||, 07:26 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •