كم سعر هاللابتوب

[شرجاوي]

بس ابا اعرف كم سعر هاللابتوب ASUS-LAMBORGHINI VX2S

و بعد ابا آخذ لابتوب للأهل .. بس ابا شكله يكون مرغوب للبنات و مواصفاته قويه و السعر مب مهم


تقبلوا تحياتو

[عهد الوداع]

سويت بحث في النت ومن خلال بحثي ...يقولون انه ب11 الف ...والله أعلم ...توووو متش الصراحه ....

[عهد الوداع]

السعر باليورو : 2335
السعر بالدولار : 3217
السعر بالريال القطري \ السعودي \ الدرهم الاماراتي : 11717

[عذبة الروح]

عن الـ ASUS ما عندي فكره عن سعره
لكن شفته في بةظبي عند المفنود للكمبيوتر ..



واما عن الاب توب يكون مرغوب حق البنات
أنا من أسبوعين تقريباً خذت لي سوني فايو VGN-CR35G/P
ولونه بنكش ... وايد هادي .. شرى حليب الفراوله :)








لو تبي أي استفسار عن الفايو .. نحن حاظرين :)

[شرجاوي]

لابتوب asus حصلته ب 7800 ( يديد )

اختي عذبة الروح .. ب كم خذتي اللابتوب ؟؟ و ضمانه كم سنه ؟ و بشوف مواصفاته فالنت .. شكراً اختي على المرور

[عذبة الروح]

خذته بـ 4995 من بلق-إنز
في المارينا فـ بوظبي


وضمانه لـ سنه
ولو تبى ضمان سنتين يزيدون عليك السعر


العفو .. حياك

[طعون القلب]

خذ لك ال LAMBORGHINI وهو من أحسن المواصفات والشكل جدا جذاب لو ماعندي Acer Ferrariجان علطول خذته بس اتريه يستوي شي بكمبيوتري عسب أخذ لي هذا :)

وشركته ASUS ما عليها كلام.. :)

شي مرغوب للبنات وغاوي Acer Ferrari شرات مالي والصرااحه انا واايد مرتاحة في استخدامه

[الثعلب الرمادي]

أشوف الفايو مع بلو راي أحسن بوايد شكل و مواصفات و سعر مناسب جدا، في المرتبة الثانية لابتوب مع نظام تشغيل ماكنتوش مثل ماك بوك برو و في المرتبة الثالثة لابتوبات توشيبا، لابتوب فيراري او لامبورغيني او هوندا هو لابتوب عادي بس شكله غير و اضني كمية الانتاج محدودة فلازم تدفع زيادة على الشكل و الكمية المحدودة و اعتقد حتى اللي عندهم فيراري او لامبورغيني ما بيشترونه حتى لو ببلاش لانه لابتوب شكل مب مواصفات و البتوفيق.