آخـــر الــمــواضــيــع

صفحة 1 من 8 12345 ... الأخيرةالأخيرة
النتائج 1 إلى 15 من 115

الموضوع: فنادق*فنادق

  1. #1
    مـراقــب
    مـراقــبـة الواحة الـمـفـتــوحـة
    الصورة الرمزية طير الحب
    تاريخ التسجيل
    Dec 2001
    المشاركات
    2,109
    مزاجي
    Buzzed
    قوة التمثيل
    376

    فنادق*فنادق

    السلام عليكم


    أنا من النوع الي احب الفنادق وايد تستهويني...واذا ما رمت احجز في فندق ما لازم اسير يالكوفي شوب او اي مطعم فيه بس احب أشوف الأفكار اليديدة فشو رأيكم نكتب خبراتنا عن الفنادق هنيه يعني بصراحه ساعات تشوف ماشيء فرق بين فندق خمس نجوم وأربع بالعكس ساعات تحس أنه الاربع نجوم أرقى يعني سكنت في الميريديان في في كذا مكان بس حسيت بفرق يعني الي بميونيخ الانترتيمنت اوكيه بس العقه كطبيعه احلى بوظبي يعني ...في العين افضل الشاليهات اولا عسب اليهال وثانيا نحن نحب نطلع وايد فما ينفع لنا الي في جبل حفيت والي جربه يخبرنا...في دول الخليج عطونا فنادق جربتوها...وبعد متى تنزل عروض الفنادق واي عرض تسمعون عنه خبرونا....لانه ساعات فجأة ادور فنادق في مكان ما ما القى كله فل...واتغصص...دبي والشارجه ماسحتنهن من مخططاتي لاني احتمال اييني انهيار من الزحمه مع اني مب انا الي اسوق بس اتنرفز



    اتريا صوركم ...اقتراحاتكم...وخبروني عن الفنادق الي عندها افكار حلوة لو كانت بأي دولة...وأفكار غريبة.
    الحمدلله ربي

  2. #2
    بروفيسور متميز الصورة الرمزية مجموعة إنسان
    تاريخ التسجيل
    Aug 2005
    المشاركات
    7,184
    مزاجي
    Angelic
    قوة التمثيل
    586

    رد: فنادق*فنادق

    شانغريلا بوظبي وايد حلو .,,.,

    يا رب أنت المرتجي سيدي
    أنر لخطوتي سواء السبيل

    غازي القصيبي

  3. #3
    عضوية البكالوريا الصورة الرمزية المحاق المشتعل
    تاريخ التسجيل
    Dec 2003
    المشاركات
    2,179
    قوة التمثيل
    356

    رد: فنادق*فنادق

    بغيت اسير شانقريلا اليديد بس ما حالفني الحظ

    وسرت قصر الامارات عدة مرات حلو هو بس سمعت انه شانقريلا احلى

    الشي الثاني اكل قصر الامارات ( استغفر الله ) مب حلو صح عندهم كم مطعم

    وحق الرووم سيرفس لكن ولا مطعم اوكيه

    ....

    فندق روتانا إلي فيه ابوظبي مول حلو بعد بس مب احلى عن القصر

    بس اكلهم رهيب والحلو في الفندق انه في السنتر


    ....

    الملينيوم

    سرته وما عيبني ذاك الزود

    وانا من النوع ما احب اسير فنادق إلا برع دبي واكثر شي ابوظبي

  4. #4
    بروفيسور متميز الصورة الرمزية مجموعة إنسان
    تاريخ التسجيل
    Aug 2005
    المشاركات
    7,184
    مزاجي
    Angelic
    قوة التمثيل
    586

    رد: فنادق*فنادق

    المحاق في مطعم هندي عجيييب

    لو تبي اسمه خبرني ...
    بخبرك عالخاص

    يا رب أنت المرتجي سيدي
    أنر لخطوتي سواء السبيل

    غازي القصيبي

  5. #5
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: فنادق*فنادق

    تقصدين اي فنادق ولا بس فنادق في الامارات؟
    .She can only make it, if she dreams

  6. #6
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: فنادق*فنادق

    في خاطري اسكن فنادق دبي، بس عن يقولون شو بلاه هالانسان ...

    إذا عندي شي بخبرج

  7. #7
    مـراقــب
    مـراقــبـة الواحة الـمـفـتــوحـة
    الصورة الرمزية طير الحب
    تاريخ التسجيل
    Dec 2001
    المشاركات
    2,109
    مزاجي
    Buzzed
    قوة التمثيل
    376

    رد: فنادق*فنادق

    شمعه أي فنادق ويكون احسن خارج الدولة ناخذ فكرة من انسان مجرب المكان
    الحمدلله ربي

  8. #8
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: فنادق*فنادق

    في الامارات
    بوظبي
    فندق روتانا.. سكنا فييه مره .. وايد عادي بس ماحبه لانه بنايه.. لكن عندهم مطعم ايطالي (بريغو) أكله لذيذ


    دبي
    سكنت في فندق المرديان جميرا.. نااااايس.. هالفندق وايد يعيبني مادري ليش

    باب الشمس< ماسكنت فييه بس ابويه لازم يسير هناك مره في السنه وجفت الغرفه وكل شي.. ماحبييييييته مادري ليش.. احس جنه ساكنين في كهف.. بس عندهم مطعم عربي برع حلوو لانه يسون عرض خيوول

    رويال ميراج نايس نايس هالفندق وايد حلو لانه وايد هااااااديييييي.. قم ام سكنو في غرفه في الرسدنس اند سبا.. كانت حلوه.. وانا وخواتي رزينا بويوهنا وسرنا تريقنا هناك وياهم وكان نااايس.. وعندهم مطعم اولفز يميي ومطعم تانجين مغربيي ومطعم نينا هندي.. قريبا كل مطاعم الرويال ميراج فنانه

    الفجيـره
    العقه.. احب هالفندق.. وايد كيووت.. مره جربت غرفه عاديه وكان اوكيه بس ضيج.. ومره كنت في سويت.. كان وايدي حلو لانه البلكون وايد وايد عوده!!


    العيـن
    فندق ميركوور .. مادري اذا غيرو اسمه لكنه هو هذاك الى فوق الجبل.. الفندق عنقاااااااااااااش من الخاطر

    فندق الانتركونتنتال.. هالفندق وايد احبه.. ذكريات لول


    صلاله
    فندق كراون بلازا.. كنا في سوييت.. الغرفه اوكيـه بس مادري جي كل الغرف فيهم ريحة عفن؟! بعدين تجوفون مناظر تخوف يعني حرمه بعباه وشيله ونقاب تتسبح في الحوض؟! والاكل مول مب حلوو.. كنا دوم نسيـر فندق الهيلتون وناكل هناك

    مكه
    فندق دار التوحيـد.. كنا في سويت ووياه غرفه زياده.. كانت غرفتنا الظاهر فوق المطبخ ف ريحة الغرفه 24\7 برياني.. والانتريور عنقاش.. بس السويت اكبر سويت سكنت فيه في حياتي.. ماشاء الله وايد عود.. والاكل بعد مب حلو



    ها في الخليج.. لي عوده لـ اسياء بعدين اوروبا
    .She can only make it, if she dreams

  9. #9
    مـراقــب
    مـراقــبـة الواحة الـمـفـتــوحـة
    الصورة الرمزية طير الحب
    تاريخ التسجيل
    Dec 2001
    المشاركات
    2,109
    مزاجي
    Buzzed
    قوة التمثيل
    376

    رد: فنادق*فنادق

    هههههههههه

    تعرفين شمعه بالنسبة للأكل في مكه والمدينه ما ادري ليش مب وايد حبيته عموما بمكه كنا ناكل بالهلتون عندي فوبيا من الصغر اني امشي في شوراع مكه بس مواقف شفتها وانا صغيره يعني كله كنا في الهلتون واحلى شيء الامان هههه والسينابون..بالنسبة لمكة نسكن ابراج مكه وايد نظيفة ما ادري اذا هو الهلتون ولا الابراج بس انظف عن قبل بوايد


    المدينة ابراج طيبة شقق فندقيه عسب اليهال بس ابوي مدح لي الهلتون انا همي القرب من الحرم في المكانين ولي عودة
    الحمدلله ربي

  10. #10
    بروفيسور متميز الصورة الرمزية مجموعة إنسان
    تاريخ التسجيل
    Aug 2005
    المشاركات
    7,184
    مزاجي
    Angelic
    قوة التمثيل
    586

    رد: فنادق*فنادق

    في مكه الحين مافي احلى من زمزم ..
    وااااايد حلو
    وقريييييييييب وايد من الحرم
    نفس قرب الأبراج

    بس الأبراج وهالسوالف مستهلكه وايد لان صار لها فتره طويله
    بس زمزم يديد
    انصحكم تروحوله


    حتى المول اللي فيه حلو ..
    وفي مطاعم اوكي ..

    يا رب أنت المرتجي سيدي
    أنر لخطوتي سواء السبيل

    غازي القصيبي

  11. #11
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: فنادق*فنادق

    طير الحب
    هيه الاكل مب حلو مادري ليش.. لكن نحن ماطولنا بس تمينا ليلتيـن.. لول سينابون نحن حتى كنا دوم نسير هناك نحلي p:


    مجموعة انسان
    حتى دار التوحيد قريب p:
    .She can only make it, if she dreams

  12. #12
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    رد: فنادق*فنادق

    في بوظبي احب فندق الرويال مريديان الي صوب الكورنيش

    جربته كذا مره لكني اسيرله يوم اكون بروحي لأنه الحمام كله زجاج و يطل على الغرفة

    و بشكل عام شباري المريديان واااااااااااااااااااااااا ااااااااااااااااااااااااا اااااااااايد مريحة
    صدق صدق من اريح الشباري الي رقدت عليها


    READY !!?

  13. #13
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: فنادق*فنادق

    في ايطاليا
    ميلان
    فندق فوور سيزنس.. جميييييييل.. وايد حبيت الفندق لانه في نص السوق والفندق روحه وايد حلوو
    واكلهم لذيذ وعندهم مطعم شيف مشهور في الفندق.. والكوفي في الفندق لذيذ حتى الهو جوكلت والسيرفس ولا احلى.. كان شي واحد ايطالي حافظناا.. هو يعلمنا ايطالي ونحن نعلمه عربي.. ودايما يستهبل علينا


    روما
    هوتـل دي روسي (فندق الروسي) لول
    هالفندق من زمان اول كان بيت واحد روسي اظني اميرهم ولا شي جي بس الحين فندق
    الفندق وايد بااااااااارد.. ووايد مودرن.. مودرن من الخاطر..
    انا وخواتي كنا في سويت ويا غرفه اكستـرا.. كان عود تقولون شقه.. الروم سيرفسس يميي.. احب الباستا.. شو بعد مممممم
    هيه تراه في نص المدينه كله عند المحلات.. هالفندق وفندق سينت ريجس احسن 2 في روما




    لندن
    جميرا كارلتون تاور
    لازم امدحه شو بعد فندق بلادنا لول..
    الفندق حلو بس الحجر صغيره لانه لندن .. ف كل شي صغيـر
    والروم سيرفس حلوو بعد
    والاكل في اللوبي حلوو بعد


    بارك لين هوتل \ شيراتون
    يعععععععععععععععععععععععع ععععععععععععععععععععععععع عععععععععععععععع! هالفندق كل سنه يغير اسمه.. بس اع في اع..


    ذا رتززز
    احلى افترنون تي في لندن عندهم





    النمسا - فيينا
    تميـنا في فندق ساشررر
    هالفندق مال اوووووووووووووووول.. صدق صدق مال اول.. وانا وخواتي كنا في سويت وكان عوود بس يخوووووووف لانه شي رسمه فيها ياهل وطول الوقت تحسون هالياهل يطالعكم :s
    بس احلى شي انه كل يوم هاللي ينظفون الحجره يبولنا جوكلت.. لانه نعطيهم بيزات ف يعطونا واااااااااااااااااااااااي د هالفندق الجوكلت والكيكات الى يسونها مشهووره .. (كيكة ساشر) بتحصلونه في كتب الكيكات.. مع انه ماحبيت هالكيكه مادري طعمها غلط.. بس الجوكلت يميييييي والفندق مكانه في وسط المدينه.. ما جد خذنا سياره حق شي بس من محطة القطار لين الفندق ومن الفندق لين المطار
    وترا النمسا عندهم محل ايس كرييم عند هالنهر جي المحل لونه وردي ويبدى بحرف ال F ايس كريمهم وايد حلووووووووو.. اصلن كل شي في فيننا حلوو.. وايد حبيتهاااااااا

    المانيـا - ميونخ
    تمينا في الفندق الى في هالصوره.. جدام نافوورتهم المشهوره

    ماعندي شي امدحه .. يعني كان فندق راقي من داخل وكل شي
    بس المانيا >_< يععععععععع
    موووووووووووووووووووووووو وووووووووووووول ماحبيتهااااااااااااا..كرهة حياتي فيها.. بس تمينا يوميـن.. مع انه كنا بنتم ثلاث مادري اربع ايام بس من كثر ما كانت ممله ومافيها شي انترستينغ حتى الاكل استغفرالله كله بيير ولحم خنزير.. عشنا على مكدونالدز ولا اكل الفندق
    والناس عمالقه ماشاءالله.. كنت قصيييره هناااااااااك



    التشك - براغ
    تمينا في فندق الهيلتون مادري الميرديون؟ اظني الهلتون
    فندق عادي
    كله امريكان
    بس شباريهم احلى شباري في العاااااااااااااااااااااا ااااااااااااااااااااااااا اااااااااااالم... ترقدون عدل عدل عدل!!!!!! لدرجه انه يوم وعوني من الرقاد يلست اصيح لاني ابا اكمل رقادي
    والاكل حلو


    سويسرا - جنيف
    تمينا في الانتركونتننتال
    لانه ماحصلنا مكان.. قررنا نسير جنيف يومين قبل .. ف عشان جي
    الفندق حلوو من ناحية اللوبي والاكل وكل شي.. متطور
    بس يوم يودونكم الغرفه.. صدمة
    عنقاااااااااااااش.. وجديييييييييييييييييييييي ييييم..
    والفندق بعيد عن كل شي.. ف مانصحكم تسيرووله
    ويوم كنا هناك شي بنت تقولون توؤميييييي... تشبهنيييييييي من الخاااااااااااااااطرررررر رررررررررررر روحي انصدمت ..
    بعدين اقولكم
    انا احس هالفندق مسكون.. وايد اشياء مب طبيعيه استوتلنا هناك
    .She can only make it, if she dreams

  14. #14
    بروفيسور متميز الصورة الرمزية مجموعة إنسان
    تاريخ التسجيل
    Aug 2005
    المشاركات
    7,184
    مزاجي
    Angelic
    قوة التمثيل
    586

    رد: فنادق*فنادق

    اووه نصووور
    حذال الرويال مرييديان في فندق صغيير في السكه تشوفه اسمع العين روتانا ,,
    في الطابق الثاني في طعم اسمه زاردي زاردي
    شو اكل هندي على كيييفك

    بس ما انصحكم تروحوله ,, لانه مكان شبهه


    بس فتح الحين في الراحه مووول
    سيروا جربوه ,,,
    وايد اوكي




    شمعة أمل ,
    بس اضن ابراج زمزم ايدد من دار التوحيد ,,
    بس لين الحين ما خلص كامل ..
    اذا بتسيرون بتتذمرون
    لان المصاعد بتلعوزكم ,, تحسون انها مو مرتبه

    بس هالكلام عالصيف الماضي ,, ماعرف اذا الحين خلص ..

    يا رب أنت المرتجي سيدي
    أنر لخطوتي سواء السبيل

    غازي القصيبي

  15. #15
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: فنادق*فنادق

    يبالنا نجرب
    اتوقع بنسيـر العمره السنه اليايه! D:
    .She can only make it, if she dreams

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •