^ وزعلانه بعد !.
دمووووووع يبالج شسمه بالقو ،
صبري علي انتي يالدبه ، جان ما استنذلت P=
^ وزعلانه بعد !.
دمووووووع يبالج شسمه بالقو ،
صبري علي انتي يالدبه ، جان ما استنذلت P=
[ وما تقدموا لأنفسكم من خير تجدوه عند الله } ..
^
اشتقت لج يالدبة ,
لا صدق أنامل ,
يبالنا نيلس في هالفندق ويا بعض ,
نعيش حياتنا يوم وننسى العالم شوي !
يستوي؟
,
! ..This world will never be what I expected
,
^ ليش آنا مفتكره بالعالم أساسا خخخ
أسولف !.
اممم امبلا يستوي ..
[ وما تقدموا لأنفسكم من خير تجدوه عند الله } ..
دموع قلم وأنامل قلب
هذا موضوع للفائدة وليس للحوارات الجانبية .... يرجي أخذ ذلك بعين الاعتبار في المرات القادمة
هذا شكل حلم يوم تستوغد عليكم !!! تخيلو ها بس
لو كثرت عيوبي بعينك تباهيت .... أبقى الوحيد إلي عفس لك مزاجك
اتخووووووف !!!
Coming Soon ..
المنصوري ... أنا قلت تخيلو ما قلت صدقوا
إلي يعرف حلم مستحيل يخاف منها يا أحلى شيف منصوري :)
لو كثرت عيوبي بعينك تباهيت .... أبقى الوحيد إلي عفس لك مزاجك
فرفوش (11-05-10 ||)
انا صدقت ههههه
مره ثانيه لا تصدق !!
الله يستر من أنامل ودموع جان صدقوا مثلكم :)
لو كثرت عيوبي بعينك تباهيت .... أبقى الوحيد إلي عفس لك مزاجك
فرفوش (11-05-10 ||)
يــعــنـــي إذا ثنيــنـــه من شــوّاب الواحــــات ( عن يزعل قلوب دبي) زاغوا منـــــج .. فما بالــــج ببنـــوتـــات الواحـــــات !! خصه إنه لونج اتغيـّـــر
![]()
Coming Soon ..
حلم الطفوله (13-05-10 ||), قلوب دبي (10-12-10 ||)
السلام عليكم
انا عندي ادمان على الفنادق ...
نبدأ ..الكوف روتانا اللي الكل مدحه ..انا ما رقدت فيه .. بس زرت المطاعم اللي فيه وما حبيتها ابداً ..لا البوفيه ولا المطعم الايطالي ... الكوفي اللي في الريسبشن حلو ...واليلسه حلوه بس وايد ضيجه ...اقصد اللي برع...
وجربت بعد فندق الهيلتون الللي في معيريض ... وايد حلو حجره حلوه ونظيفه وخدمتهم اوكي ,,, بوفيه الريوق حلو ...والمطعم الايطالي اللي فيه حلو حق عشاء..
فندق خت .. حلو في الجو البارد ..حجرهم اشوي ضيجه ...بس نظيف .. والاكل في البوفيه حلو ... واحلى شيء فيه عين خت ..
بالنسبه لفنادق دبي:
من اللي ذكرتوها ... جربت ..
الكمبنسكي ...وكان وايد حلو ... خدماتهم مميزه...
قمر الدين ... حلو ... بس الحمامات كرمكم الله شفافه ....
جراند حياه ... احب كل شيء فيه ... المطاعم والكوفي ... والغرف ... حلو وايد ووخصوصا البوفيه اللي تحت ... في انواع مختلفه من الاكلات ...هندي على ايطالي على لبناني ... بس فيه مشروب طبعا دامه في فندق ....
ومن أورع الفنادق ... رويال ميراج ... حتى لو ما سكنتوا فيه ... لازم تاكلون فيه ..لأنه المطاعم اللي ذكرتهم اختي شمعة أمل حلوه وايد .... والتمشي على البحر وعند الحوض بعد حلو ....
فندق جراند الحبتور .... حلو واحلى شي فيه البحر ويلسة البحر ... والاشياء اللي مسوينها ..حق اليهال ... انا سرت له اول ما فتح قبل 4 سنين تقريباً .. وحجرهم حلوه ورومانسيه وايد ... اضاءة الممرات حلوه ..بس مب احلى عن اضاءة رويال ميراج ...
رحت فندق البستان روتانا قبل العيد .(اللي اغتالوا فيه المبحوح).. وكانت اسوأ تجربه بس لأني كنت مضطره ابا مكان جريب من مردف والطوار ..وهالاماكن ... وندمت وايد على هالاختيار ..الحجر ضيجه وايد ..والخدمه سيئه .... ما حبيته ...حتى ريوقهم مب حلو ..وندمت ما حجزت في الفنادق اللي عند الفستفل ... لأني سكنت مره في واحد منهم بس ما اذكر اذا كان الانتر أو الثاني بس كلهم حلوين وفيهم مطاعم اوكي ...
فندق ارماني ...من اسوأ واغلى الفنادق اللي سكنتها ...مافي شي حلو غير الشاور جل اللي في الحمامالحجره ضيجه وايد ... وكتمه غير طبيعيه مووول ما حبيته والوانه وايد غامجه اونه كلاسيك ... بس ما دخل مزاجي ابداً
فندق قصر الامارات ..حلو وايد ..والحجره كانت واسعه ومطله على الحديقه ..وشرحه وايد ... واكلهم لذيذ اللي طلبناه في الحجره ... وحمام واسع وايد ... والسرير مريح ..حبيته وايد ..وكنت طالبه وانا احجز انه يسوونا ارينجمنت .. وكانت واااااااو ... السرير كله ورد ..روعه شي خيالي .. وحتى الحمام والبانيوم كله ورد ... ويابولنا كيك وعصير اول ما وصلنا ..واول ما سوينا الجيك ان عطوني باقة ورد كبيره ... شي دلع من الخاطر ..
فندق تريدرز ..تابع لشنغريلا ... وهو اربع نجوم .. حجزنا فيه يوم ما حصلنا حجز في شنغريلا وكنت مبوزه ما اباه ... بس تفاجأت الحجر واسعه ..ونظيف وايد ومرتب ... وريوقهم روعه .. البوفيه وايد متنوع والفندق هادي وايد ...وكانوا مسوين عرض فالصيف الحجره على 400 تقريبا ... وايد كانت مفاجأه بالنسبه لنا .. بس حلو حق اللي يبا مكان هادي ...
فندق العقه ...سرت له اكثر من 3 مرات ... حلو .. ونظيف ..وخدمتهم حلوه بعد .. بس خلاص ما افكر اسير له ..
في العيد رحنا لشاليهات ..روتانا بيتش اعتقد في دبا ... كانت حلوه وخدمتهم بعد اوكي ..بس المطعم اللي عندهم هو واحد ...حق ال3 وجبات ... واكله مب هاك الزود وبتأخر وايد ... بس كنا بروحنا مسوين جو ... يايبين طرادات وسكوترات ... وما كان شيء وقت حق اليلسه في الشاليه كله على البحر ....
تعبت من الكتابه ... وبعدني ما خلصت فنادق الدوله ....
انا بعد كل حجوزاتي عن طريق موقع bookin
i will be back
اثنان يذهبان ضياعاً
المعروف في غير اهله .. المعروف في عقل يتباهى بجهله
فالعيد ثاني يوم قررنا نحجز ونسير تريدرز اللي حذال شنغريلا لانه ما حصلنا مكان ثاني وكانت الليلة ب 900 والغرفة عادية يعني ما حبيت الفندق وايد ..
وثاني يوم سرنا فندق ياس وايد عيبني وحبيييييييييييته .. بش حشرة الفورملا من 9 الصبح وايد ازعاج واسعاره مناسبة بالنسبة للفندق 750
^__^
ومن فترة سرت قصر الامارات وعيبني وحلووو بس المطعم ابدا ما عيبني جربتته ما اذكر شو اسمه بس البوفيه انترناشيونال عندهم كان ..
والفندق اللي وايد عيبني فيرمونت باب البحر وايد حلو الفيوو عالبحررر والغرف وكل شي ^__^
شهر 10 اللي خطف كنت مسافر وكانت لي تجربه مع فنادق يديده ومنها فنادق متعود اتردد عليها وانقل اليكم التجربه:
- لندن : فندق رويال جاردن ، 5 نجوم ، حاجز سويت وهذا الفندق ايعيبني وايد لانه شويه بعيد عن منطقة تجمع العرب ومكانه على كينجستون ستريت
- باريس : فندق نابليون ، 4 نجوم ، حاجز سويت ، بس الموقع زين والا هو مووووول ما يسر ابدا ... وما انصح حد يسيرله ابدا ، كانت تجربه ومحازفه..
- ميونخ : فندق ويست جراند ارابيلا ، 5 نجوم ، الفندق اللي مستحيل اتخلى عنه وايد زين للي بيسير ميونخ.
- انترلاكن : فندق دورنت : 4 نجوم لانه المدينه هاي مافيها 5 نجوم ، بس موقع الفندق فوق الجبل وكشخه وطبيعه حلوه ولكن مول مافيها شي غير الطبيعه
- زيرمات : فندق ذا امنيه THE OMNIA وايد حلوو الفندق من حيث الموقع وزيرمات وايد حلوه من الاماكن الحلوه في سويسرا
- زيورخ : فندق الماريوت : 5 نجوم ، كان حلو والمدينه جيده لا باس فيها .
وسلامتكم هاي علوم شهر 10
:)
ماشاء الله... عساه شهر عشره كان حلو عليك
..
ربي.. لك الحمد..
رمش الغلا على طاري فندق تريدرز البارحه ربيعي خبرني عنه هو سار له الخميس ويمدحه اللي تابع لشنغريلا قرية البري ..
أما أكل قصر الامارات انت ثاني شخص يقول اكلهم مب حلو ، غريبه على فخامته إنه اكلهم مب ذاك الزود
الذين يشاهدون الموضوع الآن: 7 (0 من الأعضاء و 7 زائر)
مواقع النشر (المفضلة)