فنادق*فنادق

[مناير]

مرحبا ...
في ميونخ دايما نسكن في اربيلا جراند شيراتون واللي تغير بعد ما اشترته شركه ويستن الشهيره واتحول الى ويستن جراند
http://www.starwoodhotels.com/westin...propertyID=274
و يمدحون فندق كمبنسكي اللي في شارع ماكسيمليان و شي فندق يديد اسمه تارلس اعتقد ..
في لندن
جميرا و فندق رويال جاردن ..
في بلجيكا
الكونراد
في ميلان
الفورسيزن غاوي
في دبي
بيتنا P:

اممممممم نحن من نسافر اتكون الشقق جاهزة قبل ما نوصل باسبوع احسه اريح من الفنادق

الا اذا ما بنطول وااايد نسير فنادق

قلوب دبي ( أحس أول فندق اربيلا حلو وراقي من خلال السايت اللي حطيته يلا السنه الياية ان شالله لانه هالسنة كنا في ميونخ بس في شقه )

عجييييييييييب فندقكم اللي فدبي بس حطلنا الأسعار

[قلوب دبي]

ماشاء الله السنه هاي العرب وايدين اهناك بشكل مش طبيعي ..

احنا الله يسلمج اللي ضرينا عليه وهم اتعودوا على طلباتنا وجي ويوفرونها لنا ومن جي نحن مرتاحين في الارابيلا ..
وثاني شيء حلو و هادي ..


احم احم الله يسلمج فندقنا اللي في دبي اسعاره ما انحطها .. لازم اتقدمون طلب رسمي قبل لا تحجزون بسته اشهور مرفق بكشف حسابكم مال 6 شهور وعقب بنعطيكم قائمه الاسعار ههههه P:

[مناير]

^^

فندقكم اسميه مذله بتخسرون على جيه P:

[قلوب دبي]

الحينه موسم الذروه عندنا فمن جي مسوين هاي الاجراءات ..

لا تنسين شيء سويتات عجيبه فيه مطله على مختلف الاماكن الراقيه ..

مب مشكله الاسعار التقريبيه :::

السويت المطل على الشارع العام 3000 $ دولار امريكي
السويت المطل على الحوض 4000$ دولار امريكي
السويت المطل على الحديقه 1500 $ دولار امريكي

الغرف 1000 دولار امريكي ، واذا حجزتوا سويت و غرفتين نعطيكم غرفه مطله على الكراج مجانا ( العرض لفتره وجيزه هههه P:

[دموع قلم]

صبحكم الله بالخير ..

أبي أسألكم عن الفنادق اللي غرفها فيها swimming pool ..؟؟
يعني شي مسبح خاص للغرفة بس ..

؟؟!

[رمــش الغـــلا]

في Desert Palm
هو نظام شاليهات قريبا وكل غرفة معاها swimming Pool


وشي بعد في فندق Liwa في ليـوآ بس لول ..~

الفلا "الشاليه" كنا ماخذينه في 3 غرف وصالة وغرفة طعام ومطبخ وتكرمين حمامات امممم وحوض السباحة كبير لعـآيلة يعني ..

اممم وشي في فنادق جميرا بس مااذكر وين بالضبط ..

هاللي عـ بالي الحين ..~

[دموع قلم]

تسلميييين رمش الغلا ماقصرتي,
بتصل فيهم وبستفسر,

وترا الفلل والشاليهات العودة حلوة بعد حق الطلعة ويا الأهل,


يسلمووو ^^

[رمــش الغـــلا]

دموع قلم وصلني عالايميل اليوم ^__^


فندق أرجـآن فدبي ..
استديو.. الغرفة ومطبخ وصالة بـ 1100 ..
+ الحوض ..

[دموع قلم]

ياعيني عالغرفة,
شكلها وااايد تفتح النفس,

استفسرت منهم والسعر 1100 بس لين 19/9,
وعقبه يعني عقب العيد لين آخر هالسنة سعرها بتكون ألفين وشي تقريبا,

وDesert Palm تقريبا سعر الغرفة ويا المسبح 4000,



إن شاء الله اذا سرت لهم بخبركم .. ^^

[جنون امرأة]

واااااااااايد حلوة الغرفه ..


شكلي بحجززززز عندهم


شكراااااااااااااااااا

[فرفوش]

فندق ديسرت بالم في دبي



أنصح بزيارته فندق نظيف وجميل وبه نشاطات كركوب الخيول بس يتم استخدام الخيول على حسب موسمهم يعني نقدر نسالهم قبل الحجز وانا سكنت فيه وعجبني وافكر ازوره مره اخرى وبعد فيه مسبح خاص لكل فيلا وهناك مسبح عام وبه شاشه كبيره كسينما
وبعد فيه فيلا بغرفه او فيلا بغرفتين

تم أفتتاحه من قبل صاحبة السمو الأميره هيا حرم حاكم دبي



غرفة النوم



المسبح الخاص في الفيلا والي عجبني فيه ان اول ما انش من الرقاد على طول في الحوض يعني هو بجانب غرفة النوم واذا عندكم يهال وما يعرفون السباحه انصح بوجود ادوات خاصه للسباحه حمايه وامان لهم بس هو مب غزير بالنسبه للكبار وفي الفيلا فيه كريم خاص للشمس يعني نقدر نتشمس بجانب المسبح وبحريه وأمان وهذه صورة المسبح الخاص في الفيلا



صالة الجلوس داخل الفيلا وفيه عندهم جهاز البلاي استيشن وبعد عندهم حركه حلوه امسوينه يعني بنحصل جهاز خاص للكفي وفيه عدة نكهات القهوه وجهاز الفيديو الدي في دي



هذا مكان خاص لمن يحب الطبيعه والغداء الخاص



هذا مكان خاص لمن يحب لعبة البولو




وهذه الصوره تبين مكان ركوب الخيل


المسبح العام




صورة الصحراء بجانب الفندق وقت الغروب والفندق يقدر يجهزلك عدة نشاطات ترفيهيه اتحب اتسويها خارج الفندق كركوب الجمال



ولعبة الغولف طبعا نحن العربان مالنا خص بهذه الهوايه




والغوص في بحر الخليج يم يم وناسه الصراحه لا يفوتكم




والبرشوت



وما ننسى اكيد هواية التغريز والتصعيد في البر




سألت الفندق عن المنطاد بس قالولي انهم بعدهم قيد الانشاء




وهذه الرحله بيسوونها في المستقبل



وهناك الكثير كالتسوق والواد وادي ومسابقة الخيول والبعران
وسكاي دبي



بخصوص المساج والسبا ما ننساهم
في هذه الوصله فيها الاسعار والانواع
http://www.desertpalm.ae/spa.html



الفندق مكانه بقرب الدراقون مارت وهذه الوصله اتخبركم عن المكان وطريقة الوصول اليه
http://www.desertpalm.ae/location.html



هنا تقدر اتشوف صور الفندق
http://www.desertpalm.ae/press_library.php


للاتصال بهم ومعرفة العنوان
http://www.desertpalm.ae/contact_details.html


واذا تبون اتعرفون اسعارهم لهذه السنه فهذه الوصله بتخبركم
http://www.desertpalm.ae/facts.html



وطبعا وللمزيد من المعلومات فاليكم موقع الفتدق في النت
http://www.desertpalm.ae/

[شوق القلوب]

السلام عليكم

سمعت وايدين يمدحونه.. وخصه سالفه الحوض الخاص فيك...هذا اكبر سبب للحجز فيه

[فرفوش]

منتجع الكوف روتانا (راس الخيمه)

أنا ما زرته بس لي صديق مدحه كثيرا وخاصه ان فيه مسبح لكل فيلا
طبعا الفيلا بغرفه وحده ما فيها مسبح اما الفيلا بغرفتين وأكثر فلهم مسبح خاص
بس بعد عشان الخصوصيه يجب اختيار الفيلا بمسبح ما يطل على بعض الفيلل يعني الفيلل المناسبه
الموجوده في اعالي بعض الفيلل

وهذه الصور يبتها من بعض المواقع

صور الفيلل من فوق

غرفة النوم

الصاله المطله على المسبح



الفيلل من مكان آخر





المسبح العام



أحدى الفلل


صالة الرياضه



حمام السونا



ما يسمى بالجاكوزي



غرفة البخار العربي



المطعم الايطالي للعشاء فقط




بركة السباحه الخاصه




الفلل من جهه أخرى




















مخصص للمساج على السيفه خخخخخ



صالة الفندق




اذا حد يقدر يقرأ المكتوب؟









خريطة الموقع
http://www.rotana.com/location-31-2.htm


موقع المنتجع في النت
http://www.rotana.com/property-31.htm

[المزوحي]

شو من فنادق العين حلوه !

[المزوحي]

حد جرب فندق ميرامار العقه أو جال ( الفجيره ) ؟؟