حد جرب فندق ميرامار العقه أو جال ( الفجيره ) ؟؟
حد جرب فندق ميرامار العقه أو جال ( الفجيره ) ؟؟
فندق ومنتجع قصر السراب
يقع في منطقة ليوا التابعه للعاصمة الإماراتية أبوظبي ويبعد 90 دقيقة برا عن العاصمة
شبيه لمنتجع المها في دبي ولكن بالنسبالي منتجع قصر السراب هو الأحسن
به أحواض سباحه خصوصية مع كل فيلا، ركوب الخيل والجمال والدراجات والصيد بالصقور والتزلج على الرمال الكثيفه
الموقع في النت: http://qasralsarab.anantara.com/spec...ckages_ar.aspx
وهذه بعض صور المنتجع:
التعديل الأخير تم بواسطة فرفوش ; 05-12-09 || الساعة 03:59 PM سبب آخر: بس كيفي خخخخخ
فرفوش ..
هيه صدقك الكوف روتانا رووعة ,
يلسنا في فيلا اللي فيها 3 غرف وويا مسبح ,
وعندهم جتسكي ورحلات بحرية بعد ,
والمناظر كلها على بعضها جنــــــااان ,
سرناله أيام البــررررد ,
كانت أول وآخر مرة سرت فيها رأس الخيمة ^^
المزوحي ,
سرت جال الفجيرة وما شاء الله خدمتهم زينة ,
عندهم هالسيكل اللي تتمشى به على البحر ,
وحتى المناظر والشغلات اللي عندهم واايد حلوة ,
استانسنا هنااك وااايد , كانت أياام حلوة ,
سرناله يوم رأي السنة ^^
,
! ..This world will never be what I expected
,
حصلت منتجع صحراوي في الامارات وفي امارة راس الخيمة والمكان جميل
المنتجع هو بنيان تري او شجرة البنيان وإليكم صورة المنتجع:
securedownload..jpg
88..jpg
6..jpg
2..jpg
7..jpg
التعديل الأخير تم بواسطة فرفوش ; 29-03-10 || الساعة 09:20 PM
فرفوووش ,
اتصلت في قصر السراب والثاني بنيان تري ,
وعيبوني اثنينهم لأنه شي مسبح خاص للفلا ,
وأسعارهم صدق حلوة , بـــــس سؤااالي ,
اذا تبا تظهر من الفندق وين تسير؟
شي أماكن قريبة منهم مثل مول أو سينما أو اي شي حلو؟
ترا هالمشكلة ,
شفت غرف كمبسكي مول الإمارات وعيبني اللي مطل عالثلج ,
وتروم تظهر وتسير المول, السينما, بولينج , بس اممم سعرهم شوي مو حلو :(
لين الحين خاطري في ديسرت بالم :p
,
! ..This world will never be what I expected
,
فرفوش
رحت قصر السراب ؟ اذا اييه ممكن رايك فالمكان
الشي المش حلو انه في بوظبي "بعييييد"
انا كنت حاجزه شهر 2 و كنسلت الحجز قبله بيوم، أبوي و أمي و خواتي
خونوا فيّه سافروا فجأه
دموع قلم
تنصحيني بالكوف ؟
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
مزن هتان ,
جان زين قصر السراب في بوظبي ,
هو في مكان اسمه ليوا ,
تقريبا ساعة ونص من بوظبي لـ ليوا !
بخصوص كوف روتانا ,
هيه انصحج به وخاصة حق طلعة عائلية ,
انا عيبتني الفيلا اللي خذناها اللي فيها 3 غرف ,
كل غرفة في طابق وصالة وشي مسبح خاص ,
وقريت شي رحلات بحرية بعد بس ماسرنالها ,
وجتسكي وهالبنانا بوت وشي السيكل اللي تحوطين به في النهر ,
ركبنا الجتسكي وكان حلو بس يوم سرنا كان شي أمواج ,
بس وااايد غااالي الجتسكي
المكان , المناظر , ومطاعمهم كلها حلوة ,
وكنا نبا شي فسرنا مركز جريب من الفندق , السفير أو شي جيه ماذكر بالضبط,
:)
,
! ..This world will never be what I expected
,
دموع قلم
هيه ادريبه صوب ليوا، مش داخل بوظبي بس بعد بعيد المكان =)
عندي خريطه للوكيشن
الكوف
احسن شي انه قريب
و الاهم فيه مسبح خاص، عشان بناتي و عيال أختي يستانسون
بشوف متى بدهم يرحوا
شكرا عزيزتي
أَيُها الراحِلُ عُذراً فيشُكاتي، فـ إلى طَيْفُكَ أنْاتُ عِتَاب ...T
مزن هتان - جربي انزين منتجع بنيان تري - يديد وفي راس الخيمه وهب بعيد
دموع قلم - الي في المنتجع بيونسج ما ادري انتوا الحريم لازم اسواق - حشى - فكروا بالوناسه - اقول يوم بتسيرين سيري مع بنات احسن عشان لو سيرتي مع حد من اقربائج الرياييل بيطفرون منج - تراني اسولف عن تصفعيني بقلمج ^_^
هي هي هي ما يضحك ,
الله يخليك تراني مب من قوم شوبينج والتسوق,
عندي شي احتاجه , هيه اسير المكان اللي أباه واشتريه وبــــس ,
وترا التسوق حلو حق اللي يشتغلون ويستلمون راتب ,
مو اللي بعدهم يدرسون :(
وأنا أسألك عن أماكن قريبة يعني حق الوناسة ,
بولينج , سينما , جتسكي, أو أي شي يونـسسس ,
وووصدقك , أحس المنتجع نفسه يكفي ويوفي ,
لأن عندهم رحلات برية وركوب الجمل وهالسوالف اليديدة ,
إن شاااااء الله إذا جربته بخبرررركم ,
وسالفة منو بيكون وياي صدق يأثر وايد ,
لأن مرات تسير مكان عااادي بس اللي وياك يونسوووون ,
فتكون الرحلة كشخـــة وما تنّسى ^^
إذا تعرف أي فندق أو منتجع بعد لا تبخل علينا وخبرنا ^______^
,
! ..This world will never be what I expected
,
خاطري أسير الكوف روتانا كلمتهم كذا مرة أسعارهم حلوة...بس انتظر الصيف لاني احب احجز خلال الاسبوع ما يكون في عرب ولا خليجين اريح بوايد
جال حبيت ريوقهم موووووت واليهال اسنانسوا في المسابح
أبا احجز لانسان عزيز في حياة ريجنسي غراند الي بالقرهود هذا هو اليديد صح...؟
الحمدلله ربي
بسألكمــ ,
شو عن منطقة حتا ,, فيها شي؟؟
,
! ..This world will never be what I expected
,
إذا عن الفنادق حتا فيها ( فندق فورت )
http://www.jebelali-international.co.../Overview.aspx
وعندهم مكان للزياره Hatta Heritage Village
الذين يشاهدون الموضوع الآن: 6 (0 من الأعضاء و 6 زائر)
مواقع النشر (المفضلة)