~_~ Coupe 60 ..تحدي شركة هولدن !

[مايهزك ريح]

رهيب الموتر .. وما اعرف اذا بينزلونه ولا لأ.. بس شوفوا الصور وقولولي رايكم ^_^
والمكينه اللي فهمته انها نفس الـ CR8 من ناحية القوه ..
بس الموتر يذبح .. وياليت اينزلونه على السنه اليايه !














لمزيد من الصور والمعلومات .. الرابط

http://www.leftlanenews.com/holden-coupe-60.html

[مايهزك ريح]

وين الجماعه ^_^

[فرح ناز]

السلام عليكم ورحمه الله وبركاته

ههه الجماعة كلهم رايحين يقزون في معرض توظيف

اول مرة اسمع بأسم ماركه سيارة هذي .. شنو نوعها؟ بعد هولدن؟

احسن انها سيارة مال اولاد لاه

[مايهزك ريح]

وعليكم السلام والرحمة ..
مرحبا اختي فرح نااااااااز ..
هاي الشركه تصنع مواتر تنزل باسم شيفروليه في الإمارات
ومنها اللومينا والكابريس و الكابتيفا ..وغيرها من المواتر .. ^_^

والله يوفق اللي سيايرين المعرض .. ان شاء الله اسير يوم الخميس اشوف شو التطور اللي في الوظايف !

[الهيثــم]

عجيب المووتر ... وهاا مب غريييب عالشفروليه ^__^

[المزوحي]

أول ماشفتها اتذكرت لومينا اس اس، بس هاي شكلها غيييييييير وأحلى وأكيد أقوى ...


اسمح لي إذا بحط هالرابط، بس تقرأ معلومات عامه عنها


http://www.cars-club.com/vb/t184.html

[مايهزك ريح]

خطاب & المزوحي.. مشكورين على الرد.. والشيفروليه امبونها غير ^_^

المزوحي ..استانست يوم شفت هاي ..

- مونارو:



السيارة التي أعادت تعريف صناعة السيارات. السيارة التي سيطرة على مخيلة كل سائق.كل ما نحب، كل ما نعرف، كل ما نؤمن به، في سيارة واحدة حلمنا دائما ببنائها.

[المزوحي]

[مايهزك ريح]

بس اذا نزلت اليديده هاي بسويلها باي باي .. ^_^

[خيال الحب]

وحش الصراحه..

بس بيذبحناا التأمين @_@

[مايهزك ريح]

الله يغربل التأمين

[بريد ألكتروني]

انا سرت وكالة الهولدن الاسبوع اللي طاف .. على اساس اني باخذ ال Maloo اليديده
وتخبرتهم عن الكوبي متى بتنزل .. قالو انهم يتوقعوون انها تكون جاهزة للاسواق بين 2010 و 2011

[مايهزك ريح]

مرحبا بريد اليكتروني .. زين انك في استراليا .. وتيبلنا الأخبار .. ^_^
ومشكور على المعلومه ..
انزين كمل جميلك .. وقولي كم فرق الأسعار بينا وبينهم ^_^

وها الموتر اللي تطريه ...

[بريد ألكتروني]

عزيزي فرق الاسعار شاااااااااااااااااااااااا اااااااااااااااااااسع ..
بالنسبه لل Gts هني ف استراليا (انتو تسمونها CR8 في الامارات ) يطلع لك سعرها يديدة بحدود 75000$ استرالي ..

اضرب 75000 في 3.4 =255000 .. واعتقد انه السعر في الامارات ما يتجاوز 180 الف درهم ( فرق 75000 درهم ) .. يعني السعر غالي وايد مقارنة مع سعر البلاد خاصة مع نزول سعر درهمنا الحبيب وانتعاااش الدولار الاسترالي في الفترة الاخيرة .

بس طبعا مافي مقارنة في التجهيزات المتوفرة هني للهولندن .. كل القطع متوفرة من صيانة الى تزويد المكينة وبودي كت وغيره لانها سيارة استراليه .. يعني مثل التيوتا في الامارات .. قطع غيارها متوفرة في كل مكان واسعارها جيدة نوعا ما .

اللي انا مستغرب منه انه اللومينا اللي فالبلاد ما تكد مثل الهولند هني .. هني السياره منهن تمشي عشر اسنين وبعدها شغاله 100%

واذا عن ال Maloo تراه عم المواتر كلها .

عالعموم أي شي تبونه يخص الهولدن او قطعها ف استراليا انا حاضر ياخواني :)

[مايهزك ريح]

اتعرف هناك المواصفات ازيد مثلا انا عندي الموتر جير اتوماتيك 4 سرعات بس وسلق من داخل (مع انه في الوكاله يعتبر فل اوبشن )!
اما اللي ينزل في استراليا 6 سرعات تبترونك ..
وفيه جي بي اس .. وعندك البلوتوث .. والام بي 3 .. وغيره وغيره
كل هالمواصفات مب موجوده عندنا .. ..عشان جيه فيه فرق السعر !


ومشكور اخويه ما اتقصر ^_^