بسم الله الرحمن الرحيم

الحمدلله والصلاة والسلام على أشرف الانبياء والمرسلين سيدنا محمد صلى الله عليه وسلم
أمــا بعــد :

مريت على هالموضوع أكثر من مرة ولكني ما رديت
بس اليـوم حبيت إني أرد لكثرة النقاط إلي وردت ف بالي وف بال الشباب

أول شي بقـول كلمة قبل لا أبدأ واقول إلي أبــاه في شريكة حيــاتي

[ على كثرر البنات إلي نشوفهن ف المولات والشوارع والماصخات والي فاصخات الحياا ، شي أضعاافهن واضعاافهن بناات محترمات وحلواات وذاات دين يالسات ف البيوت ويتريون ولد الحلال إلي يستر عليـهم وتصون له بيته ونفسه ]

وبنتقل للنقطة الثانية

أناا و ( أعوذ بالله من كلمة أنا ) أفضل حرمتي تكــون ربـة بيت بكل ا في الكلمة من معنى
يعني مثــلا ً : اتكــون زوجة صــالحة ويااا ريت اتكـون ذات ديـن عسب قلبي يرتـاح وتربي عيالي أحسن تربية ،،
أبـا حرمتي مثل أمهااتنا .. أهم شي عندها بيتها وريلها وعيالها
ماا با بنت من أمثال بنات اليوم إلي ما همهن إلا الطلعات والسيراات واليياات والموضة ووو الخ
لها حقوق مب مشكلة ، ما بقصر عليها ف شي .. لو تطلب عيوني ترخص لها .. لكن أولويااتها بيتها وعيالها وريلها .. حتى ســالفـة الشغـــل مب مجبـورة عليـه إلا إذا كانت بتشتغل ف مكـان فيه حريـم ..

والله يقدرني إن شاء الله وأحصــل البنت إلي فيها هالمواصفـات ..

ويزاك الله خير أخوي على هذه الفضفضة إلي صدق تحمل في طياتها القهر على حال بناتنا اليوم

...

المعذرة