بنـــات آخر زمن @@@

[ايه احبك]

انا هالموضوع سببلي تشنج في الرئه =@ برد اعقب

[قصايد غلا]

^ سلامتــــج غناتي لا تتشنجين ولا عندج خبر حبيبة ألبي هههههههه

==================================


بنات اليوم اللي أشوفهن

تنسد نفسي يوم أشوف حركاتهن

أفج عيوني قد ما أقدر بس عشان أتأكد إن اللي أشوفه صدق ولا جذب


أقول في خاطري عافانا الله هاييلا كيف بيتأمّنن على بيوت وعيال في المستقبل

عز الله ضاااااااااااع المستقبل و ضاعوا العيال


ليش 60 لون على العين ، لون واحد والله يكفي
(كلنا نشتري الميك أب ونستحدمه ، بس مب كل الألوان تناسب كل الأوقات)

ليش مسوية تسريحة و سايرة الجامعة ، لين أحين مب عارفة سر هالحركة ==> خصلتين نازلات من اليمين و اليسار "شو الحلو في هالحركة" ؟؟؟


ليش 100 لون في الشعر ، والله غااااااادي ليفة من زود الصبغ


والله كل يوم أشوف شي عجيب

عباااااة آخر زمن ، الظهر يكون مكشوف ===> ليش محد فيه ظهر غيرج ؟

ههههه و الأحلى إني شفت عباة مسكرة من جدام و من ورا ، لكن الينب اليمين و اليسار مفتوح ليييييييييييييييين الخاصرة

قلنا العباه ايدها واسعة لكن مب لدرجة إن الكوع يظهر
حلو إن البنت تكشخ و تتلبّس بس مب لازم تتبرّج و تخلّي عمرها مهرج


أستغرب من البنت اللي تتحجّب جدام أهلها و من وراهم عاقة الوقاية

كنت طالعة ويا أميه و شفت وحدة من بنات الجامعة ويا أمها وخواتها وماشا الله عليها متحجـــــــــبة

لكن انصدمت يوم شفتها في الجامعة تمشي و الوقاية على الجتف ===> يعني يوم انتي مب مقتنعة بالوقاية عقيها جدام أهلج بعد مب بس من وراهم :)


مب بس البنات هذا حالهم ، ترى حد من الشباب امسكتين بمصايبهم ، و يتحدّون البنات بحركاتهم



وبس


هذا اللي في خاطري و السموحة منكم ...