شقيقك -

[المزوحي]

أخوك من أمك وأبوك .. نعم هو شقيقك

لكن بعد العناد والاصرار على أن يرتبط بزوجة ( من غير البلد ) كم نسمع من آلاااف القصص ..

يعني مابغي أطوّل وأذكر ...

حبيت اختصر وأقول بعد أن تم الزواج ولم يحضر أي فرد من العايله، بعد ما اختار شريكة حياته،

وبعد أن قال لنا بالحرف : هاذي حياتي وأنا حر بحياتي ... وغصب عن الجميع تزوجها ..

هل نقول له : هذي حياتك ولا تشتكي .. هذي حياتك لا تفتح فمك .. هذي حياتك لا تتألم

جدامنا وتألم لوحدك ..

نعم بعد هذا كله .. تقولون مب مشكلة سامحوه، مب مشكلة فعلا حياته،

فهناك مولود ياي في الطريج، كيف لنا استقبال المولود، ونحن ما استقبلنا أم المولود

كيف لنا نستقبله ( ولو هو ماله ذنب ) وأم المولود رضت بنفسها إنها تعق عمرها

من غير موافقة الجميع ؟؟؟ فكرت في نفسها، فكرت بالهوية الاماراتيه ..؟

ألف علامة استفهام ...

لكن ..

ماعرف شو أقول وانا أكتب الحين ( اسمع الآذان .. )

ياليت تفهمون المشكلة وأنا بسير أصلي

[رمــش الغـــلا]

الصراحهـ هالأيام ..

نحن يعني ع نطاق عائلي ما نستغرب اذا الواحد ارتبط ب شخص مش من هويتهـ ووطنهـ

يعني مابا أذكر اسماء دول ..!!!

لكن استوا شي عادي اذا سمعنا انهـ

بنت من اهلنا رضت تاخذ واحد .... مش من وطنها !!

بس ابا اعرف هي فكرت فالمستقبل ..

والا هي بس قضية زواج (( حفلة .. غرس .. كشخة الخ ....))

من مظاهر الناس قاموا يفكرون فيها ..

بس يفكرون هاي حياتي وانا اللي بعيشها

بس ما يفكرون هل هم قد هالمسؤولية اللي اتحملوها!!!؟؟

هل فكروا في عيالهمـ اللي بيون فالطريج !!

شو راح يكون مستقبلهم !!

.....

والا قصة الشاب ان ياخذ وحدة من برع وطنهـ فشي واايد أهون شويه بس من البنت يعني !! فنظري انا !!!

ووايد سمعنا في داخل العايلة وبرعها عن هالشي !!

بس ما اعتقد انهـ فكر بعقلهــ

هو بس فكر بقلبهـ مش أكثر

ما اعتقد انه فكر في عيالهـ شو راح تكون هوية أمهم !!!

[المزوحي]

مرحبا اختي وبعيد عن جانب البنت يوم تتمرد وتوافق بشدة بالارتباط، من جنسية ثانية، هذي قضية بحد ذاتها

ويباله موضوع مستقل، نتكلم عن هالشي ..

لكن اتكلم عن واقع اعيشه، عن واقع مؤلم، ومن الضحيه ..؟

مع إنه شاف اللي سبقه، وكان ينتقد، فهو الآخر يمر بنفس التجربه المره، ونحن نتابع المأساة مره أخرى ..

ياترى، عند ولادة الأم بالطفل، هل أمي بتزورها، هل بتسمح لها تدخل بيت العايله ؟؟؟

هنيه تكمن المشكلة، وإلا بيكون المولود فرصة لأن تتعرف علينا الوافدة ... ونسكت نحن ما نتكلم ونرضى

بالأحداث من اجل خاطر المولود ..

وإلا بتكون هناك فرحة مزيفة ..

[أنامل قلب]

:
.

السلام عليكم ..

أخوي الكريم المزوحي .. سؤال .. ؟!

شو سبب رفض الاهل للزوجة ..
هل لكونها مش من نفس هوية الزوج وحسب .. ؟!؟!؟

:

بانتظار الاجابة ..
والمعذره .. !

:.

[مايهزك ريح]

هاي مشكلتهم .. يعاندون في عمارهم .. ويوم يطيح الفاس في الراس .. يردون يتندمون يوم ما ايفيد الندم ..
الله يعينكم

[المزوحي]

أنامل، أحيانا لو الشخص مافيه عيوب أو على أخلاق،

تدرين سبب التعلق بالمواطن، كونه يفتح لهم آمال ..............

المهم


فالرفض إنها مش نفس الهوية، بس أكيد عقب تتبعها أشياء

[المزوحي]

مايهزك ريح، فالبداية الواحد يكون سعيد، أيام شهور يمكن سنين، اللي ما تتعدى 5 سنوات

عقب شوف حالة الزوج ... بيندم إنه تزوج في حياته ..

الله يعينا ويعينه هو عليها

[فرح ناز]

السلام عليكم ورحمه الله وبركاته
انا مااشوف اي مشكلة اذا واحد تزوج من بلد اسلامي بس المشكلة لما ياخذ حرمه من فلبين او اجنبيه

ياتشرد بعياله وتنصرهم (((يتحولوون الى نصارى))) عبود يصير جورج هههه وزينب تصير فرانشيسكا رودريجوز!!! ((( امها يمكن مكسيكية)))

ياعيالها ما يتكلمون عربي وطبعا لا دين ولا اخلاق والله من جد ولد عمتي حاط صلبان وصورة المسيح فبيته وعياله نصارى عيني عينك لانه امهم امريكيه ولانه امه هو امريكيه يعني ولد افكارهم حدث ولا حرج

طبعا الزوجة الفلبينيه عيالها ياكلون نودلز على الريوق ما تهتم فيهم كله حياتها مخطط علشان تشرد وتوديهم الفلبين وماتردهم بعد لازم يحضرون دورة في فن اكل الحشرات فالفلبين

يمكن انتوا تقولون فرحنازوه تمزح وتبالغ بس اسلوبي الساخر نابع من الي شفته او خبروني عنه

[المزوحي]

مثل ماتشوفين إنه صعب الريال ياخذ من هالبلدان، نحن نشوف صعب إنه ياخذ من غير طينته ..

حتى لو مسلمين .. يا كثر المشاكل اختي

[6210]

صدقني يالمزوحي بعد قدوم المولود بتحسون انكم قريبين منهم

وأتمنى تكتب لنا شعورك ساعتها لما ينادونك يا عمي

[المزوحي]

مب شعووور يا عمي، شعور إنه مغصوبين على زوجة رافضينها من البداية

[أنامل قلب]

:
.

السلام عليكم والرحمه أخوي المزوحي ..

اممم مادري والله شو اقولك ..
بس انت ياي تطلب المشورة بعد مالزواج تم والمولود ياي بالطريج .. !

السؤال اللي المفروض تسئله كيف نبدأ نرد العلاقة مثل ماكانت ..
مش هل نتقبلهم أم العكس .. !!

هي بالنهاية أكان برضاكم أم لا صارت زوجته والمفروض تعينونهم بالاحسان ..
يمكن بالبداية تحسون بعدم التأقلم والضيجة ..
لكونها مثلا بنظركم تحمل بعض المساويء بعيدا عن موضوع الهوية ..

لكن بسألك أخوي وبتكل بصيغة الجمع كعادتي ..
هل قبولكم للمولود وحده دون امه بيساعدكم وإياهم بشي .. والعكس .. !!

:

المسألة حساسه جدا أخي والمفروض تكون عون لأخوك مثل ما احسبك ..
الخلافات الزوجية موجوده عند الكل وكون الزوجه تحمل عيوبها وما الى ذلك
فهذا أمر جدا طبيعي حالها حال بقية البشر ..
وكلمن له عيوب يطيب منها لمن يلاقي من يعينه ويسانده .. !

أما انكم تبقون عـ موقفكم المتشدد حيالها .. وتزيدون من هم أخوكم هم أكبر واكبر ... !!!

:

مهمن كان ومهما لقيتوها غير ملائمة وما الى ذلك أكانت هي أم أخوكم بمعاندته لكم ..
والحاحه على اختياره .. وان كنتم على صواب بفكرتكم ..

المفروض تكونون اهله .. سنده .. تحكمون عقلكم وتردون سوء فعله بالاحسان ..
وربك سبحانه قال (( وعسى أن تكرهوا شيئا وهو خير لكم .. )) ..

+ تخيل بس بسم الله عليهم لو تطلقو تالي بسبة الضغط اللي عليهم من طرفكم وطرفهم ..
شو بكيون احساسك وقتها .. . !؟

كما اتمنى انكم ما تربطون المسألة بـ الرضوخ او التحدي او حتى الكبرياء .. !

:

ماظني اروم افيدك بالشكل الكبير ..
لكن اتمنى لو تاخذ بكلامي وتكون كرباط الخير امبينهم ..
وربك باذنه بيجازيك بطيب نيتك وبيعوضك بخير :)

:

احترامي ..
اختك انامل قلب ..

:.

[المزوحي]

أنامل، لو الواحد بيتقبل الزوجة كونها من جنسية ثانيه، ومنطقنا إنها ما تناسبه كزوجة، وساكتين، ممكن تتقبلين

الوضع، بتقولين زين شو شفتوا منها عسب تحكمون ؟؟؟

انا بقولج شو ...

كيف ضاغطين عليه بالكلام والافكار، عقلهم تجاري، عيونهم على اللي نملكه، تخطط هيه وهلها على

كل شي يعرفونه عنا ... وواااااااااااااايد أمور ماقدر اتكلم بها ..

[أنامل قلب]

^

أخوي ..
ضغطها بالكلام والافكار مهمن كان ما بيجدم ولا بييب ..
ترى اللي تملكونه عندكم ولا .. !

ادري بتقول بلاها هذي تخرط ..
بقولك عادي جدا .. لأن الدور اهني مب عليكم انما على الزوج وطريقة تعامله مع زوجته ..

كيف يقودها لـ عدم تجاو الحدود وانها تكون زوجة بالاسم والمعني .. !

وإن غفل أخوك فأخوه المزوحي بيتولاه بالنصيحه ..

ودعواتكم وإيانا لهم ان شاء الله ..

:

وإلا ..
فمالحل بنظرك وبصراحه .. !؟

:
...

[المزوحي]

وإذا مايسمع نصيحة الوالدين وكبار العايله، كيف بيهتم بالمزوحي ...

لي عوده على الخاص