~~ الأفق - قمة جبل حفيت ..!

**مايهزك ريح** · 29-03-08 ||, 09:25 PM

سميت الصورة The Horizon

اتمنى ان تعجبكم ..

وهاي بـالـ Infrared effect

نبا نقد يا حلوين

**مــهــابه** · 29-03-08 ||, 09:33 PM

للأسف مـا أقدر أنقد انـا

بس جـَد عيبتني الصوره ، حبيت السماا وااااااااايد

ماشاء الله عليك مايهزك ريح

موفج~

**مايهزك ريح** · 29-03-08 ||, 09:45 PM

مشكورة على الرد اختي مهابه ^_^
السما كان شكلها غير والجو كان حلو !

**الهيثــم** · 29-03-08 ||, 09:56 PM

روووووووووووووعه .. ما شاء الله عليك .. في غاية الجمال بصرااحة ...

بس أحس القمة شوي مب وااضحة ..

ويمكن قصدك بالأفق .. السماااا مش قمة الجبل

عموما جي ولا جي .. الصور جمييلة جدااا .. ولون السمااا يريييح العييين

**مايهزك ريح** · 29-03-08 ||, 10:03 PM

مرحبا اخويه خطاب .. كنت اقصد الأفق من فوق قمة جبل حفيت ..
لأني كت اصور من اعلى موقف للتصوير في جبل حفيت ^_^
وتسلم على الرد عزيزي ..
المكان كان زحمة كله هنود الواحد ما يقدر يمشي ويصور .. حشا اتقول نمل !

**المزوحي** · 29-03-08 ||, 10:23 PM

الصورة بشكل عام جميله، بس مايهزك ريح ... القمه اللي في الوسط خربت منظر الصورة ..

لكن السماء حلوة ..

**رمــش الغـــلا** · 29-03-08 ||, 11:08 PM

رووووووووووووووعهـ الصورة ماشالله^^

حبيتها ^^

حلو شكل السما طالع

**أنامل قلب** · 29-03-08 ||, 11:19 PM

:
.

أمبيــه ليش أنا ما أحس بإن القمه مخربه ..
بالعكس أحسها عاطية افيكت حلو عالصورة ..

يعني خل السما على صوب بما ان ماعليها كلام ما شاء الله ..
أحس مادري القمه زايده من هيبة الصورة .. وكسبتها تعبير جدا طيب ..
بجمعك لكلا اللونين (( السمـــا واليبل )) ..,، !

الصورة مرتبه بنظري جدا ..
وعجبني انك جعلتها بالعرض ..

وووو بالنسبة لرأي وحده ما يخصها بالتصوير كـ مجربه لهذا الفن ..
إنما كـ وجهة نظر محبـــه له .. فالصورة جدا جدا جدا عاجبتني والله ..

حسستنا وكأن نحن اللي واقفين محلك ولقطنا الصورة ..
ما شاء الله عليك ^_^ ..

:

ربي لك حافظ أخوي ..
والسموحه ..,، !

:.