ابحث عن وظيفة

[المزوحي]

السلام عليكم

كيف حالكم، عساكم مرتاحين

حبيت استفسر عن الوظائف وأكيد في دبي ...

ناوي اغير من مكاني، كون المكان اللي فيه نفس الروتين، ماشي تطور وظيفي، وفي نفس الوقت

ماشي ترقيات ... مع إني كنت متمسك في شغلي وايد، وأعطي لكن ماشي نتايج ...

محد يسأل عن حد، بالتالي الواحد يبغي يشوف مستقبله، فكرت إني أبحث عن وظيفة ثانية،

ما أحب فكرة إني أقدم الــ CV كل مكان وأشوف وين يطلع لي وأسير ..

سامعين من اهلكم ربعكم وناسكم، انتوا شخصيا .. عن مكان تعطي ويميزونك ...

يمكن حد يقول كلنا نبغي التقدير وما نحصله ..!

لكن فعلا

أرجو المساعده ...

[الهيثــم]

ما عندي فكرة عن الموضوع .. أتمنى إن الإخوان يساعدونك

[المزوحي]

تسلم خطاب

:(

[أنامل قلب]

:
.

و عليكم السلام ورحمة الله وبركاته ..,،

اممم ..
عني فـ للأسف ماعندي ذاك العلم للافاده بهالمجال ..

بس شو رايك ابـ بنك دبي الاسلامي ..
أو حتى نور دبي الاسلامي .. !

ماعندي تجربه شخصيه ..
بس سبق وسمعت وحده من الاهل تمدحهم ..
وإهي مثلك مب عايبنها شغلها وقدمت حاليا عند دبي الاسلامي ..

فجرب تقدم عندهم أو بالاحرى اسأل عنهم ..
واستخير قبل أي قرار تتخده ان شاء الله ..

ربي يوفقك دنيا وآخره ..
واسمحلنا عالقصور ..

:

احترامي ..

:.

[المزوحي]

مرحبا اختي انامل قلب شكرا لج على الرد ..

أنا حصلت في بنك ويبوني شخصيا ، قبل ما أقدم أوراقي، لكن مش بنك اسلامي ..

خلاف شليت فكرت البنوك من بالي بشكل عام ..

والحينه أفكر اشتغل في مكان لو في جبل علي مب مشكلة، بس مكان ارتاح منه، وطبعا محد بيعرف لين

مايكون هناك ويعتمد على طبيعة العمل وعليّه انا كموظف وكيف اتعامل مع الغير ...

مكان مافيه قيل وقال ( وأظن مستحيل أحصل مكان مافيه هالشي )

وايد اتشرط صح ؟؟

[شمعة أمل]

وحده تقربلي & ريل ربيعتي في dubai properties مستانسـين

وحده اعرفها بدت تشتغل في شركه يديده ماعرف شو اسمها بالضبط بس شي arts and culture والافتتاح الرسمي كان قبل يومين.. هي واااااااااااااااااااااااا اااايد مستااااااانسه لانه وايد يقدرون الموظفيين & في احترام لكل شخص

جيّك دبي القابضه والشركات الى تي تحتهاا.. بس لاتسـير للميديا لانه مابترتاح... ولا تقدر تدورلك وظيفه تحت شركه تحت مشاريع محمد بن راشد للشباب؟

فندق من فنادق جميرا؟؟

إعمـار.. داماك

البلديه؟ ساعات قصـيره



اذا صدق تبا مكان تستانس فيه وتبا تثبت نفسك دورلك شركه صغيره ويديده..

[المزوحي]

نحن رئيس القسم عندنا قدم استقالته العام، ويشتغل في شركة من شركات اعمار، صح عدد الساعات أكثر

لكن الراتب 3 أضعاف ( ماشاء الله ) وهو مرتاح ... لكن بعد يعتمد على وظيفته ...

ربيعي يشتغل في البنك، وما حصل نتيجه، كل مره يقولون له اصبر بتترقى وهو كمل 8 سنوات عندهم ..

طفر منهم، واشتغل في دبي القابضة ..

شمعة أمل بشوف dubai properties

مشكورة

[مايهزك ريح]

دبي العالميه .. جمارك دبي .. دبي القابضة .. المجلس التنفيذي .. مدينة دبي الملاحيه(الحوض الجاف سابقا ) .. مدينة دبي للمعادن ..نخيل .. سلطة المواني والمنطقة الحره جبل علي .. دوكامز ( العوير ) ..
هالأماكن اللي اتذكرهن لين الحين ^_^
وبالتوفيق لك يا المزوحي !

[المزوحي]

مايهزك ريح ..

دوكامز وين في العوير ... يبالي اسأل عن الشركة


thanks

[المزوحي]

مايهزك ريح هذا موقعهم، بس ما اعرف طبيعة الشغل عندهم

http://www.ducamz.co.ae/homepage.html

[الزرعوني]

JAFZA

في دبي الموانئ

[المزوحي]

الزرعوني ، يبالي اسأل .. عن كذا شركة، وخلاف اقدم

[مايهزك ريح]

المزوحي .. اتعرف وين معارض السيارات في العوير اللي تابع للبلديه .. هناك دوكامز .. بس ما اعرف شو طبيعة شغلهم !

[الاسطوري]

السلام عليكم ..

"المزوحي"

جهز ال CV مالك وطول بالك شويه لأن معرض الامارات للتوظيف الخاص بالمواطنين بيكون بتاريخ 15-
17 إبريل 2008 في المركز التجاري، روح هناك وأسأل عن كل شركة أو مؤسسة
وعن الشواغر اللي عندهم وعن مميزاتهم وصدقني
من تجربة تقريبا بتلقى
كل المعلومات اللي تحتاجها وتقدر تختـار اللي يناسبك ويناسب تخصصـك وميولك وعقب تقـدم عندهم
وتختصر عناء التقديم بشكل منفرد مع أن التقديم خلال المعرض مب فعال
100% بس الغالبية يتصلون حتى لو تأخروا
عشان يغطون الشواغر
المتوفـرة وبالنسبه لدوام البنوك صح يشغلونك عدل وتتعلم وتستفيد خبرة بس مابيكون الدوام مريح
عشان جيه الواحد عقب فترة يظهر وياخذونه الاماكن الثانيه لخبرته
وان شاء الله تحصل اللي تباه وخلنا نشوفك
ونشوف خيال بعد

وصلة لتفاصيل الخبر

الاســـطـــوري
أخوكم

[المزوحي]

مايهزك ريح، هيه اعرف معرض السيارات .. يبالي اسير وأشوووف ...