اعلان : هنا ] ~ أعرفنيــ ،، !

[أنامل قلب]

...
:

بسم الله الرحمن الرحيم ..
السلام عليكم ورحمة الله وبركاته ..

كيف الحال جميعا ..
عساكم عايشين ومرتاحين .. ^_^ ,،

:

اممم ..
اعلاننا اليوم عن فكرة وددنا طرحها كسلسلة جديدة بـ واحة الأصدقاء ..
إلا أننا أحببنا الأخذ بآراءكم أنتم أهل الواحات مسبقا ..

فمن لديه رأي يطرحه ..
أكان بالسلب أم الإيجاب نقبله ..,، !

:

الفكرة هي كالتالي :

كما سبق وقرأ البعض موضوع الاخت دمعة عين
كـ صاحبة لـ فكرة لحظتها بمنتديات عدة ..

وهي عبارة عن ..

مواضيع فردية يطرحها من يحب من الأعضاء ..
وكأنهم يطرحون ملفاتهم الخاصه لكن بشكل مختلف بموضوع واحد ..

كمثال بسيط .,،

يبدأ العضو "صاحب الموضوع" بتعريف طيب عن نفسه بالشكل الذي يوده ..
يلحقه ببعض ما يجده فريدا مختلفا بشخصه .. شيئا يود ذكره .. مهمن كان ..

يومياته .. أفكاره .. " شو يحب وما يحب " .. >> مول ما اقتبست شي

والفريد بالفكرة ان صاحب الموضوع يكون حامل مسؤولية طرحه الخاص ..
فلا يملك بقية الاعضاء التعقيب بموضوعه ..

بل يمكنهم وضع ملاحظاتهم .. رغباتهم .. مشورتهم أيا كانت ..
اسئلة .. استفسار .. طلب .. ثناء .. نقد بناء .. الخ
لكن عن طريق الخاص لصاحب الموضوع نفسه ..,، !

+ للعلم ..
فإن فترة الموضوع غير محدده ..
وممكن لـ صاحب الموضوع الرجوع لطرحه بأي وقت شاء بالشكل الذي يوده ..
مادامه ماخرج عن إطار المسموح ..
كـ ملف متجدد ومتنفس محفوظ دائم بطرحه ..,، !

:

اممم ..

مادري إن كانت الفكرة اوصلت لكم ..
أما بخصوص رأيي الخاص ..

فأظن الاعلان بحد ذاته كافي كـ جواب عـ اعجابي بالفكرة ..
إن طبقت بالشكل المرجو ..,، !

:

بالأخير ..

مثل ما هو مبين برأس الاعلان (( هنا ] ~ أعرفنيــ ،، ! ))

فهو عنوان لهذي السلسلة المعنية ..
وكلمن يحب يطرح موضوع مماثل يجعل العنوان باسمه ..,، !

+ للعلم .. احتمال أبدأ بطرح ملفي الخاص قريبا .. >> خوش دعايه
بس كنت حابه أشوف آراءكم حول الفكره قبل ..,، !

+ غاية الاعلان هو الاعلام + الأخذ بآراءكم تمهيدا لطرح السلسلة والعكس ..,،
فلا تبخلـــوووون علينا .. لأن السلسلة بالنهاية ما بتكون إلا منكم ولكم ..,، !

ولا بزقرلكم عمي ألم ترى يتصرف ..

:

اممم .. وجي السالفه ^_^ ..

يالله ..

حفظكم الرحمن جيمعا ..
واسمحولنا عـ اشغالنا لوقتكم ..

:

احترامي الدائم ..
اختكم أنامل قلب ..

..,،

:
...

[مــهــابه]

مـدري
أنـا كنت مطرشـه رسـالـه لـ ~ أتمنى بخصوص هالموضوع

مادري هاللي فهمته من كلامج

اللي هـو :

موضوع يكون خاص فينا ، ينطرح بعنون ( أعـرفني )

نكـتب فيه كل شي يخصنا ، مثلاً فضفضه ، كلمات ، نثر ، اخبار ، صور ، إلى ماشابه ذلك

بحيث انه محد يقدر يعلق ع الموضوع ويحفظ خصوصيـته


جيه انا فهـمت صح ولا ؟!


جان السالفه جيه

فـ أنا أول وحده أبا انزل ، من متى كنت أبا اسوي هالشي وكنت متردده نوعـاَ ما


ممم جان انا فهمت غلط ، وضحي لي ختيه ، وجان صح زيين . .


ومشكوره ع طرح الفكره ، والأخذ بالرأي ~ . .

وبس!

[عفاريتووو]

عليكم السلام


حلوة الفكرة
بتخلينا نتعرف ع الاعضاء اكثر و اكثر


حمستينا نجوف هــ المواضيع

[أنامل قلب]

...
:

هلا اختي مهابه ..

بخصوص عنوان الطرح ف أعرفني هي عنوان للسلسله ..
والطرح نفسه يكون باسم العضو (( يعني طرحج ان شاء الله يكون باسمج "مهـابه .,، "))
للتمييز بين طرح عضو عن عضو لا أكثر ولا أقل ..,،
وحتى يتم ملاحظة هذي المواضيع كونها تندرج تحت سلسلة وحده ومقصد واحد ..,، !

(( نكـتب فيه كل شي يخصنا ، مثلاً فضفضه ، كلمات ، نثر ، اخبار ، صور ، إلى ماشابه ذلك
بحيث انه محد يقدر يعلق ع الموضوع ويحفظ خصوصيـته
جيه انا فهـمت صح ولا ؟! ))

نعم .. لكن يبدأ العضو مثل ما سبق وذكرت بالتعريف عن نفسه ..
مش بشكل رسمي .. ممكن يكون بشكل خاطره ..

يعني الشغله تعتمد عرغبة الطارح وأفكاره ..,، !

نعم نعم .. هو كذلك ..
الخصوصية من أهم الشغلات اللي بهذي السلسله ..
ومثل ما سبق وقلت أي تعقيب وتواصل من قبل الاعضاء للطرح
يكون عن طريق الخاص فقط ..,، !

:

ما شاء الله ..

ونحن باتظار مساحتج الخاصه ..
ومتشوقين للتعرف على ماهية مهابه بشكل أقرب وأقرب ..,، !

:

ووو أرجع أشكر الاخت دمعة عين عـ مجهودها الطيب
وحرصها عإفادة الواحات لإثراءها ..

^_^ ..,،

:
...

[أنامل قلب]

..
:

اختي عفاريتوو ..
سررت بمرورج والاخت مهابه ^_^ ..

والحلو طيب حرصج حبابه ..

شكرا عـ تشجيعكم ..,
وهم نحن بعد متحمسين نشوف ملفج الخاص ..,، !

:

أخواني وخواتي ..
مجموعة إنسان + بحر الموده + لعوبة2005 ..

ناطرين رجعتكم لابداء آراركم حول الفكره ..

نعم نعم ..
السالفه بالغصب ..

:
...

[بنت الدلع]

فكره حلوه ويديده وغريبه شوي !!

احس فيها شوي من مدح النفس او ماعرف شو تسمونه
هو حلو ان بيقربنا اكثر من الاعضاء
بس تقريبا مثل دير ديري
نحط صور نكتب ونعبر الي فخاطرنا
انا اشوف ان الفكره حلوه
بس احس في بعض الاعضاء بيقولون
والله هذا يتخقق وهذا ماعرف شو بلاه وهذا ذيله منقص لول

بالتوفيق جميعا
وانا متحمسه اني اشوووف هالمواااضيع ^__^
ابا اشوف مال شمعة امل 3>

[أنامل قلب]

هلا خيتو بنت الدلع ..

حبيت فيج رايج الصريح .. وهذا هو المطلوب ..
لأن من خلال آراءكم هذي بتتوضح لكم ملامح الفكره بشكل أكبر ..
وممكن نستفيد كذلك من هذي الآراء فيزاج الرحمن كل خيييـــــر ..

:

بخصوص شغله مدح الذات ..
فـ اممم .. مادري .. بس ماوصلني سبب هذي الفكره .. !

يمكن قصدج في حال العضو بدأ يتحدث عن بعض الخصال الحميده اللي فيه ..
وهذا في حال قام العضو بذلك فهو يعتمد عـ مقصد الكاتب نفسه ..

ممكن يطري مثل هالأمور وغايته ما تتجاوز حد التعريف بنفسه ..
أو حاجة النفس نفسها لمثل هالتعريف ..,، !

ولاتحاتون هالشغله ..
أنامل قلب تظمن لكم ..

:

الفرق بين موضوع الدياري و "اعرفني " ..
ان الثاني يهدف للتعريف بالعضو وما سبق وذكرته ..
مش ذكر تفاصيل حياته ويومياته بالشكل اللي اعتدنا عليه بموضوع اليوميات ..
ممكن يطرح أمور متعلقه بهواياه .. كتاباته .. الامور اللي مر ابها وكونت شخصه ..
كيف كان ,كيف أصبح .. ووو الخ ..,، !

+ الفرق شاسع .. لأن الفكره المطروحه اهني تجمع أكثر من أمر واحد بملف خاص ..
وملف عن ملف يفرق .. وابداع عن ابداع يختلف ..,، !

حتى تنسيق الموضوع ككل يوصف لنا العضو بشكل أو بآخر ..,، !

:

مثل ما قلت التواصل من الاعضاء لطرح العضو يكون عن طريق الخاص ..
وأي انتقاد يشوفونه أو يحبذون تواجده أو عدمه ممكن ينقال بشكل بناء لا العكس من خلال الخاص ..

وجي السالفه ^_^ ..,،

:

المعذره .. !
وان شاء الله أكون أفدتج ولو بشكل بسيط :)

:.
:.

[أنامل قلب]

نسيت أقول ..
ناطرين نقرا من ملفج ..

^_^ ..,،

[بنت الدلع]

ايواااااااا
الحين وضحت الفكره

يزاااج الله كل خيييير


--------------------------------- اخجلتيني =$

[مجموعة إنسان]

انامل قلب ,,

أول شي السموحة لاني ما رديت أمس (شو بالغصب أرد هع )
ههه


اصلا من فتره طويله انا كنت افكر انزل موضوع جذي
بس كنت خايف ما يلاقي ارضاء حد
بس الحين ان شاء الله بنزل ,,


والأسم ,,(( باب الشوك ,, مع مجموعة إنسان ))

ودام السالفة فيها باب الشوك
أبي رسموة منج باب وعليه أشواك

شفتي الوهقه الحييين
عاااد الحين انتي جنيتي على عمرج
ولازم توفين بوعدج هعهع

[دمعة عين]

.
.

[ أنامل قلب ]

الشكر موصول لج الغاليه =) .. ~

وايد حبيت طرحج للمووضوع ، والحمدلله إنه في تقبل من الأعضاء له
والبعض بدا بالشغل .. لول .. ~

المهم .. // أنا بعد ترقبوا صفحتي .. ~
~. دمعة عين ، } تحت المجهر .. ] ~ !
،
.
.

[رمــش الغـــلا]

عيبني الموضووع وايد وفكرتهـ


ارقب الصراحه واايد اعضاء يشاركون فهالموضوع لانهـ أحب اني اقرا الدايري الخاص لبعض الاعضاء خااصة ^^


وانشالله انشوف الكل مشارك ^^

وانا منهم ^^

[أنامل قلب]

:

أخوي مجموعة نسان ..

تدري ..
كنت ناوية بالموضوع نفسه أختم كلامي بوضع أسامي بعض الاعضاء طلبا لردودهم مقدما ..
وكنت ببدأ اللسته باسمك وخلني ساتره عن البقيــه ..
بس جي نذاله و سوالف ..

ههه بالعكس خذو راحتكم ..

انزين .. ليش ما يلاقي الرضا أو الاقبال .. ؟
بالعكس مواضيع مثل هذي تشوق للقراءه
والاضطلاع على أحوالكم ومكنوناتكم ^_^ ..

وأي شغلات توصفلنا شخوصكم تفيدنا قبل ما تكون متنفس لأقلامكم ..
والتعريف عن ماهية كلن منكم .. ,، !

بخصوص الاسم .. ايوا جي اوكي ..
المهم ان يكون اسم العضو موجود ولو وجد معاه اضافات ..
لأني بجمعهم عقب تحت خانة "هنا أعرفنيــ ،،" بموضوع ذكريات الأصدقاء ..,، !

+ أفا عليك حاضرين جان تبيني أرسملك باب عليه أشواك برسملك ..
من صدقي عادي .. سبق ورسمتك بطرح استاذنا المحاق مع بقية الشله ..
فيعني طلبك يعتبر بسيط مقارنة بـ فني الفريد ..

بس مالي خص جان محد كمل قراية موضوعك بعد ما بيشوفون الرسمه الجميله ..

:

بسير أصلي وبرجع ..,، !

:.

[خطايــا]

طرحت عليه دمعه عين هالفكره من قبل ... حبيتها وايد ... وصدقكم تحس بيقرب الاعضاء أكثر وبيحركـ الواحات اشوي ...

متحمسه اني اشوف مواضيعكم .. وترقبوا صفحتي *قريبا* ...

أنامل قلب .. شكرا على الشرح المميز ..

دمعوه *صديقتي الصدوقه* فكره أكثر من روعه .. شكرا حبيبتي ..

[مجموعة إنسان]

هييييه
زين عيل ما حطيتي اسمي ! هاهاهاهاها ( أدري انج ما ادانين الضحكه بس نذاله حطيتها)


المهم
منو قال اني اسولف
أيوا جد ,, انا أبي هالرسمه
مو من الحين ,, من زماااان
لان كان عندي موضوع بنفس الإسم
ولين الحين ما نزلته
وكنت ناوي انزله اليوم ,,
بس يوم شفت فكرة الموضوع غيرت رايي

يلله
الحين شدي حيلج
وارسمي


من الحين بقولكم
اسمحولي لاني بطول لين ما انزل صفحتي ,,
عندي فترة امتحانات الحين ,,



قولوا آميييين

بعد مره

بعد مره



إن شاء الله يسون لنا فرع لواحة اليوميات
فيأي مكان عااادي
بس نبي فرع ,,