السلام عليكم
عزيزتي شمعة أمل.. حبيت اشارك بموضوعج لانج ذكرتيني بأيام الكلية و الدراسة
مع اني من سنين مب مشاركة .. المهم
بالنسبة للسؤال الأول: بالنسبة لي انا حابة شغلي الحالي و اهم سبب هو الراحة النفسية .. ليش؟ الإدارة ممتازة .. تقدير للجهود (مادي و معنوي) .. ترقيات في فتره بسيطه أو انهم يعطون الموظف حرية اختيار القسم اللي يبغي ينتقل له و هالشي طبعا بالنسبه لي حلو بحيث اقدر اتعلم اشيا مختلفة
السؤال الثاني: بعد بخبرج عن تجربتي.. استقالتي من مكان عملي السابق كانت بسبب ساعات العمل ( من 8 لين 8 ,ساعتين بريك) يعني كنت اقضي 12 ساعة في الدوام+ ضغط الشغلمع ان الراتب اعلى
بالنسبة للراتب .. اجابتي نفس اجابة اخوي المزوحي .. هالايام وايدين قامو يستقيلون بسبب الرواتب
بالمختصر المفيد ..الراتب صح انه مهم .. بس بعد ما اعتبره اهم شي .. اهم شي جو الشغل يكون مريح من حيث الادارة و الزملاء تكون العلاقات طيبه . و ثاني شي انه ما يكون روتيني (كل يوم شي يديد) .. و يكون حيوي ( تعامل مع العملاء) مب فاريني بروحي فمكتب محد يدري عني عايشه و الا ميته
اتمنى تستفيدين من مشاركتي.. و اسمحي لي
رد مع اقتباس
مواقع النشر (المفضلة)