.:. ]|[ شو طبختـوا اليــومـ ]|[ .:.

[طير الغرام]

^

سلطــة الباستـا طريقــة رمــش الغــلا حطتهــا فـ ارمضــان اللي فــات بحطلـج اقتبــاس من ردهــا

عهودة .. سوري عـ التأخير هاي طريقة السلطة =)

اول شي اتحطين في فنيان شوية خل ، لومي ـ زيت اليزيتون وفص ثوم ادقينه .. اتخلينهم فالثلاجة

تفورين معكرونة حسب الكمية اللي تبينها نحن فورنا كوب تقريبـآ [ حبات المعكرونة الصغار ]

عقب اتيبين هاي الخضرة كلها مقطعة صغـآر .. [ خيار ، جزر ، طماط ، ملفوف اي شي اتحبين اتضيفينه ]

وبعد اتحطين ذرة وفاصولي حمرآ



اخر شي تخلطين الخضرة مع الخلطة اللي سويتيها اول شي ..

وتصبين فوق [ روب زبادي صغير مع مايونيز حسب اشكثر تحبون خاشوقة والا اثنين وشوية ملح وكمون ] ..

وبـ العافية ..~

بس أنا زدت عليهــا مع المعكرونــه حطيـت موزاريـلا وخلطت اشـوي
+ فـ الخضـره حطيـت ازيــاده بصل أخضر [ مرات أحطـه هب دوم ] + فلفل أخضر ألــوان + زيتـون أسـود شرايـح + خــس أمريكـي + ذره
بشكـل عـام الخضـره اللي اتفضلينهـا

^_^