.:. ]|[ شو طبختـوا اليــومـ ]|[ .:.

[المزوحي]

زين رمش الغلا لأنه نحن عندنا ذهبي، بس مب لين هناك

[رمــش الغـــلا]

مـآدري . نحن اللي نستخدمهم اووكي الكواليتي مال الاوراق =)

[طير الغرام]

المزوحي

شكلهــا يمـــي
ممكــن الطريقـه ،، يبالنا هـ الســـوالف حق ارمضــان

وبخصوص أوراق الكب كيكـ
شكلي عرفت اللي تطريهــن ،، أنا أهم شي عندي الشكــل والنقشـه ويناسب أي شي ما أحب أعنقش

واللي استخدمتهم فـ الريد فيلفت هذيلا سايزاتهم اصغــار واييك مجموعه مع بعض ملونه والكواليتي مالهم أوكي
أغلب اللي استخدمهم من هـ النوع





ومن نفس هـ النوع آخــذ أبيــض


وآخذهـن من اللولو سوبرماركت

وشي أنواع غيـر آخذهن من كارفور وسبينس ومرات أحصل فـ المعارض
شرات اللي فـ هـ الصــوره



اللي ياي ع ينب وردي اصغار + السلفر الصغار من المعارض
السلفر + الذهبي الكبار واللي فـ كراتينـهم ورا من كارفور
الصغار اللي مخططات بـ أبيض + برتقالي + بني من سبينس
وفي أشكال شرى الهابي فيس والوردي + الأخضر امخطط أذكر خذتهن من الفيستيفال
والكبار اللي فيهن أخضر وأبيض وأزرق وبرتقالي من الجمعيه بس ما أستخدمهن !

بشكــل عام اللي استخدمهن أكثر شي اللي حطيتهم فـ أول صورتين

[المزوحي]

لا تقولين اللولو امس كنت هناك ادور حق الرضيعه وماحصلت، بس شي مال شركة الصقر وهي قالت ماتبغي هالنوع

وعلى طاري الشوربة انا حصلت الطريقة في النت .. سرت وخذت مشروم فرش ..

بس للأسف ماكان عندنا ماجي وماحطيت

مشروم

كوب حليب طازج

وايبنج كريم خذت الحجم الصغير

جبنة بارمزان ( خذيتها حق المعكرونه بس استخدميتها حق الشوربة )

بصله متوسطة

زبدة + 3 ملاعق طحين

ماي

...

تحطين الزيت وعليه البصل لكن ماتخلينه لين مايحمر ... وعقب تعقين عليه المشروم لين مايذوي ...

وعلى طرف تحطين الزبدة وعليها الطحين وتحوثينه بسرعه .. وعقب تصبين ماي مغلي بالنظر، يستحسن تصبين

كمية اقل وعقب اكثر ... عسب ما تتوهقين .. يعني لو حبيتي زيادة تزيدين الماي وتخلينه يفور ربع ساعه

وعقب تصبين الحليب، بحيث يكون من قبل برع ... وقبل ماتسكرين عن الشوربة بشويه تحطين الوايبنج كريم + ملعقة او هتين

من الجبنة وتوحثينه .. شويه وتسكرين عن الشوربة ... بس تقدرين تحطين ملح + فلفل اسود

[طير الغرام]

^

غريبــه
أنا آخــر مــره ســرت خذتلـي مجموعــه وماخلصـن من جيـه ماسرت أجيـك مره ثانيـه عندهــم
وصــح هب دوم الشي يكون متوفــر ،، وحتـى أغراض الزينــه ما اتحصلهـن دووم

:

وعن الشـوربه أكيـد الماجـي بيعـطي فــرق فـ النكــهه
وأشكــركـ ع الطريقـــه ،، وبإذن الله بجربهــا بعد ما أخلص الامتحانــات

[عفاريتووو]

امس جربت اسوي mini chocolate tarts



بس حسيت ان كان يباله اخليه بالفرن اكثر

[رمــش الغـــلا]

يميييييييي

انا يوعااااانة واشوفه =(

حرآم عليج عفاريتوووو ..


حطيلنا الطريقة عـآد عسب انطبق ^__^

[عفاريتووو]

رمش هاي الطريقة


للبسكوت بتحتاجين :

175 غرام طحين
75 غرام زبدة
15 غرام سكر بودر
ملعقتين كبار ماي
( صراحة زدت الماي حطيت 4 ملاعق ماي )


للشوكلت اللي داخل بتحتاجين:

100 غرام formage blanc ( جبنة طرية ) جي نفس القشطة بتحصلينه في سبينس
و يسمونه formage frais بعد
25 غرام سكر بودر
بيضة وحدة
50 غرام شوكلت ذايب


اول شي اخلطي الطحين مع الزبدة بعدين ضيفي عليه السكر و الماي و اخلطيهم
عقب غطيه و حطيه بالثلاجة 5 دقايق

عقب سوييه عجين و حطيه بـ



عقب اخلطي ال formage مع السكر و البيض
و ضيفي عليهم الشوكلت و اخلطيهم
بعدين صبيهم في البسكوت

و حطيه بالفرن
حسب ما مكتوب بالكتاب خليه على درجة حرارة 190 C لمدة 15 دقيقة
بس حطيته لاكثر من ساعة و حسيت بعده يباله اكثر ..
فمادري احس ان يبالج تزيدين من درجة الحرارة ..
و خليه لين ما تشوفين الجوكلت اللي داخله انتفخ و البسكوت صار لونه شوي بني

بعدين خليه يبرد و حطيه بالثلاجة

و ان شالله يعيبج ^_^

[رمــش الغـــلا]

مشكووووورة عفــآريتووو طريقة ^__^

بس حسيتهـآ صعبة شوي ..

رآويت اختي الطـبآخة يمكن اتفكر في يوم اتسويلنا لول ... =)

[عفاريتووو]

^ عفوا ^_^



اليوم خبصنا في المطبخ و ها اللي طلع معانا

cupcakes with chocolat icing
and cupcakes with orange icing

[شهوووودة الأمورة]

ما شاء الله علييج عفاارييتوو .. حلوه أشكاال السوييت اللي سويتيهن ..

تسلم ايدج .. يمي يمي

[تحفه]

ططططيييرررر : وينج من الساحه؟ نبا طبخه يديده ! 3> طبخاتج لذيذه

[نجمة دبي]

السلام عليكم

الغاليه طير الغرام

لو ما عليج اماره .. بغيت وصفة كيكة البرتقال :)

وجان زين اذا بتنزلين صور يديده تحطين لنا المقادير بعد .. ممكن ؟ ^_^

والسموحه

[طير الغرام]

عفاريتووو

ماشاءالله عليـــج
سويتـــات جميلـــه من أشكالهــن وأكيــد الطعـــم أجمــل ^ـ^

:

تحفـه

موجــوده ،، بس ماخـذه اجازه عـن هـ الساحـــه حتى إشعارٍ آخر
وإن شاءالله إذا قدرت بحاول أنزل من الأكلات القبليـه اللي جـد عرضتهــم اهنيــه فـ مواضيــع مستقلــه

:

نجمـة دبي

وعليــكم الســلام والرحمـــه

حاضريــن ياختيـه ،، بس اصبري عليـه اشوي لني مشغوله اشوي فـ هالفتــره
ولازم أتـرجم الطريقـه من كتاب وأنقلهــا اهنيه

بس جريب إن شاءالله بحطهــا
وبعرض أشيــا يــديــده =)

[عفاريتووو]

white and brown biscuits