.:. ]|[ شو طبختـوا اليــومـ ]|[ .:.

[شوق البدو]

ثانكس شوق القلوب

[طير الغرام]

شوق البدوو

شوق القلوب ماقصرت =)

:

شوق القلوب

اتريي عليه اشويه لني بنزله فـ موضوع روحه وبرتب الصور
بس ابا الموضوع البارحي ياخذ حقه

:

شمعة أمل

i know sis

خلاص عيل بنترياج فـ ارمضــان والموضوع موضـوعج اخذي راحتج فيـه
وانا اللي شكليه بقطع الموضوع فـ ارمضان جان إلا فـ الويك ايند

[طير الغرام]

اليـوم سـويت بسبوسه بالقشطـه
بس قهـر دووم أسويـها عدل بس هالمـره طلعت لينـه !!
وماصورتهـا

وسويـــت مـوكــا بس طلـع طعم النسكـافيـه غالب بزياده مع انه خاشوقتين حطيت بس !

[مــهــابه]

اليوم سويت [ الحلى الأصفر ]


اللي حطته طريقته طير الغرام أمس ، بس صادفتني مشكله وحده بس ، اني ما غطيت كل الطبقات عدل

يعني البسكوت بين فبعض النواحي


جاسني احباط ما احب اطبخ وما اضبط ~ !*


للحين ماكلتها

بحطها ع العشا ان شاء الله وبنتذوقها :)

[شوق القلوب]

شكله حلووووو الموكا...

يا اختي الظاهر اني بسألج عن طريقه كل شي اتسوينه ..!!

[دمعة عين]

:

أمســَـآت سرت الحمعيه ، عساس
أدور عجينه البف باستري بس ماحصلتهــَـآ

فخـَـآطري الموالــَـح ، عسب جيه اتحمست إني أطبخ !*
بس للأســَـف ~ ..
وين أدورهــَـآ ~ بحصلهـَـآ في كارفوور !*
،
.
.

[طير الغرام]

مــهـابه

عادي سيس انا تيني هـ الحالات
ومن فتره مستويه ما اسوي أشيا عدل ،، خصه الاشيا اللي كنت دوم أظبطهن
أنحبــــــــط وااااااااااااايد واقول خلاص ما بسويه مره ثانيه ،، بس حالات واتعـدي

:

شوق القلوب

وهـ الموكـا حاله من هـ الحالات ^ بس كان تجربه أولى
طلع طمع النسكافيه واااايد بارز وكان يبالي أرد أسويه مره ثانيه عشان أظبطه
بس خيييييييير لين ما ايي هـ اليوم اللي أفكر اعيده مره ثانيه ^_^

:

دمعة عين

هيه بتحصلينهـا أكيـد
يمكن الجمعية اللي رحتيلها كان امخلص عندهم !

[طير الغرام]

أنا من يومين ما حدرت الواحات
والصراحه خبصت فيهم أشيــا
بس متعايزه اعـدل الصور ،، عقب ان شاءالله

المهم

أمس سويت كب كيكــس طلبيه خاصه حق خالتيه لنها امربي من يومين
>> اللي يسمع بيقول امسوين تجاره

واليوم سويت أم علي وخليت البشكاره اتسوي دونات وانا عليه الزينه

[قصايد غلا]

أمس سويت الدياي اللي بالقشطة ، طلع طعمه لذييييييييييييييييييييييي ذ و أميه استانست وااااااااايــــــــــد لأني طبخت =D

[حلم الطفوله]

دمعة عين ...الغاليه بتحصلين عجينة البف باستري صوب ثلاجات المجمدات ( السمبوسه والبرغر المجمده )

[طير الغرام]

قصايد غلا

بالعافيــه عليــكم
وإن شاءالله دووم تطبخين وتستانس عليج أمج أكثر =)

:

حلم الطفوله

تسلمين ع التوضيــح ^_^

[طير الغرام]

شكل من أشكال الكب كيكس اللي سويتهن من فتره



:

والدونــات





:

واليوم سويت موالح البف باستري بس هالمره زدت عليه يزر مبشور عشان يعطي لون
>>كنت ابا احط الفلفل الرومي اللي لونه برتقالي بس ما كان عندنا منه !

وكمن حبه حطيت فيهن جبن كيري
وهيه صح ما انتفخ وااايد هالمره يمكن لني استخدمت البف باستري قليل الدسم !

[طير الغرام]

اليوم ع العشـا سويت
معكرونه بالكريمه بس ماصورتهـا

وسويت شوربة الذره

[دمعة شوق]

^
ماشاءالله عليج يا طـير
بس يعلني فداج لو تكتبيلنا طريقة الكب كيـك
^^
وشو هالاشيا اللي تحطينهن فـوق الدوناات.؟!
\\


عـن الطـبخ امس سويت دياي مفتت بالقشطه وسويت موالح البف باستري
وووالحلى الأصفـر
وشوي بس اعدل الصور وبنزلهـن
^^

[طير الغرام]

دمعة شوق

بس يعلني فداج لو تكتبيلنا طريقة الكب كيـك

أنا حاطه فـ بالي إنيه أنزل موضوع
وكان ودي أأجله لين ما خالتيه تيبليه أغراض زينه للكيكـ >> بس إذا جيه بيطول الموضوع
فـ إن شاءالله بحاول أرتب الموضوع لنه عندي صور وااااااااااااااايد مال قبل والحينه

وشو هالاشيا اللي تحطينهن فـوق الدوناات.؟!

الملون + البني اللي تنثرينهن عادي لزقتهن بالحليب المركز
وشي خلطه نوتيلا + قشطه >> وتقدرين اتسيحين أي جوكلت واتغمسين الدونات فيه من جهه وحده

واللون الوردي والأصفر هذا الله يسلمج
( بياض بيضه + سكر ناعم ) تخلطينه عدل لين ما يستوي شرى الكريمه يعني اشوي غليظ
والشكر اتحطين الكميه لين ما اتحسين انه غلظ خلاص مايباله زياده

أما اللون >> الخلطه اللي خلطتها قسمتها لقسمين
وفـ كل قسم حطيت نقطه اصغييره من ألوان الأكل ( الأصفر + الأحمر )


:

عـن الطـبخ امس سويت دياي مفتت بالقشطه وسويت موالح البف باستري
وووالحلى الأصفـر
وشوي بس اعدل الصور وبنزلهـن

بالعافيــه عليــكم
والله أستانس يوم أعرف انه حد يسوي من الأكلات اللي أحطهن
وانا فـ انتظار الصور =)