.:. ]|[ شو طبختـوا اليــومـ ]|[ .:.

[طير الغرام]

الموضوع امبين من عنــوانــه

:

أبـــاكم اتشـــاركونـيه بـ طبيخــكم
كــل يوم ،، أو متى ما تفضون وتطبخون

وحبـــذا لو الـرد يكون مرفــق بالـــصور

:

*الفكره جفتهـا فـ كذا منتدى وعيبتني فـ حبيت أنقلهـا لكم*

[مــهــابه]

حيالله أم الأفكـــار . . .

أنــزين أنـا اليوم طبخت ( الطباخه مروحه ماخذه اجازه10 أيام )

طبعـاً انا سويت العشـا


اللي كان هـو ~كشري == > عندي عرج مصاروه لوول


الأدوات :

عيش مصري

عدس أخضر

معكرونه

بصل + ثوم + طماط + بهارات + مكعبات ماجي ( للشـطه ) . .


طريقـة التحضير :


انثـور كل شي على حده( المعكرونه +العدس الأخضر + العيش )


يوم نخلص نخلطهم مع بعض . .

وبعدين حسب الرغبه والاختيار جان تبون تشيطون بصل وتخلطونه وياه أو لا

انا حطيت:)


طريقة تحضير الشطه :

أول شي نحط الثوم عسب يسوي النكهه وعقب البصل والطماط ، ومكعبات ماجي ( يعطي نكهه ) و أكيد تحطون صلصل ممم والبهارات حسب الرغبه، أنا حطيت ( فلفل أسود ، بزار، كركم ، كاري ) وتحطون ماي بس مب وايد
عسب ماتكون خفيـفه وااايـد . .

وبس!


اتمنى انكم فهمتوا عليه

[طير الغرام]

مـهــابه

ياحافـظ ع الناس الطبيــخه

:

أشكرج من صميم قلبي ع تفاعلـج وردج الرائــع
يسد انج حطيتي المقادير والطريقه ،، كنت متردده احط هـ النقطه فـ الموضوع
* اللي يبا يحط المقادير حياه الله واللي ما يبى بعد حياه الله*

ويعلــه بالعــافيـه عليكــم ^_^

[طير الغرام]

أنا اليوم ولا أمس الصراحه الاثنين لني امخلصه التعديل وكل شي من ساعه ونص
سويت بيتي فووور من سنه تسعميه واحطبه ما سويته



واتعرفوون فلسفتيه زااايده فـ كل شي
واكتشفت اني فاااااااضيه ع الآخر

فـ سويت تعديلات بسيطه >> الصراحه هب بسيطه

المهم النتيجه كانت تستاهل









لعوزونيه وانا اصفهم ما عرفت أحط وحده واحط ثانيه عدالها واترد اتطيح القبليه
وهالتعب كله أظن بيطيح فـ بطون اليهال باجر بالعافيه عليهم


:

هذيلا سويت منهم 2 مادري ليش



:

[تحفه]

الف مره اقول لج يا طير الغرام ماشاء الله علييييييييييييييييييييييي ييييج

صدق صدق احس اكلاتج لذيذه


هنى وعافيه جميعا :>

[مــهــابه]

تـدرين يـا طير . . .

انا احس اني فاشله فالسويتات ، يعني ماأضبطهم عدل ، مادري ليش . .

كذا مره أحاول أسوي بسكويت وجيه ، ما احس اني اضبط

بس فـالأكل العادي قوم صالونه وعيش وشوربه وهالأشيا عـادي

~ والكيك بعد أسويه ، يعني عادي أضبطه

إلا البيتيفور والبسكويـتات بشكل عـام


أكلج شكله لـذيييييييذ . . .

طرشي صوبي لوول


اليوم كنت ناويه أسوي كيكة الرمان ، بس مادري لين عقب جان سويتها ، بصور وبحط الصور لكم :)

[طير الغرام]

تحفه

تسلمين والله ،، كلـج ذوق
اتعرفين مع انيه اليوم مافضيت وتوني راده من المول بس إلا وأسوي كيكـه
وأبا أعدلها >> صايبني هوس تعديل السويتات

والله يعافيــج =)

:

مهــابـه

أنا يوم أسوي شي يديد ويفشل أنحبـــــــــــــــــــــ ـط من الخاطر
خصه اذا شي اكون امسويتنه قبل ويستويبه شي >> اشك انه حد حاسدني ع شو مادري
وأحب أسوي أكثر شي سويتات وإذا اتطورت اشوي أنواع معكرونـات وسلطات وشوربات
بس عيش سويته مره فـ حياتي ،، لنه فـ البيت أوريدي البشكاره اتسوي احسن عني فـ مايحتاي
أحب اتفلسف عليها بأشيا هيه ما تعرفها أوني أعلمهــا هههه
وفـ السكن اممم مافكرنــا بس شكلنـا انا واربيعتيه بنسويه اذا تمينـا ويكـ ايند مع بعض

والبيتيفور اللي أنا امسويتنه ترااه سهل مايباله شي
وأنا جد عرضت الطريقه من زمااااااااان فـ الواحات ،، وإذا تبين توضيح أكثر انا حاضره ^_^

[مــهــابه]

^
ماعليه بنتخبرج فـ وقت الحايه

والصيف قـرب ، حلاااتها الطبخات ع ويه الفير لوول

[طير الغرام]

حيـــــــاج ختيــه فـ أي وقــت ^_^

[طير الغرام]

اليــوم سويت كيكه عاديه
وعقــب عدلتهــا

أول شي حطيت عليها الكريمه



عقب حطيت ع الأطراف شرايح اللوز



وبعدين صفيت عليهــا الكيوي والفراوله
واشوية تخبيصات عن خاطريه بالكريمه

وهاي كانت النتيجه






:

وع العشا سويت باستــا بس ما صورتهــا

[تحفه]

ماشاءالله عليج ..
صدق يوم يقولون الشي يوم يطلع من الخاطر غير من يوم يطلع من ورا الخاطر XP

يبالج تحضرين وياي يوم ادش المطبخ ايلس الف ساعه اقطع والف ساعه اتنقى الفستق او الفراوله لووول

بالعافيه مجددا :>

على فكره بطرش لج شي عل خاص XD

[طير الغرام]

تسلمين والله
وكـل شي خطوه بـ خطوه بيظهـر بيرفكت
سويتهـا واتعايزت آكل منهــا

am waitniG ^_^

[تحفه]

هيهي D= اعتقد انها صدمة العمر لوول

[طير الغرام]

خبر بايت هههه
وصدق دنيــاا صغيــره ^_^

[تحفه]

لووول :>