.:. ]|[ شو طبختـوا اليــومـ ]|[ .:.

**مزن هتان** · 29-11-11 ||, 07:59 AM

و الا طالبته من برى ؟

**ام ميره** · 29-11-11 ||, 08:52 AM

يعطييج العافيه ع هالكب كيكس صدقدشن خااطري ..
بس بسألج طريقه الكب كيك الي سويتيهن ابا طريقته
وانتي يوم اتسوين الكبكيك ع اي درجه حراره الفرن ؟؟
واشغل الفرن من تحت ولا بس فوق ؟
السموحه اسألتي واايده بس حبيت اجرب السويتات اشوي لانه مالي خبره
والسموحه ع مغثه الغاليه ..

**طير الغرام** · 29-11-11 ||, 05:05 PM

-{ مزن هتان }-

مسـا الخيــر

الـ Color Mist طالبتنــه من بــرع من موقــع أمريكــي عندهــم وايـد سوالـف حلــوه
والحلو إني اخترت خدمـة التوصيل السريـع والأغراض وصلتني فـ خلال خمسـة أيام لنه كان فترة ويكـ إيند
هـذا الموقــع

http://www.shopbakersnook.com/

وأنا قبل لا أطلبه دورت اهنيـه ع أساس بحصلـه فـ محل تافولا فـ دبي اللي فـ مردف أو امرتس مول
بس لـ الأسـف ماحصلـت ! يمكـن كان امخلص !

=)

**طير الغرام** · 29-11-11 ||, 05:23 PM

-{ ام ميره }-

ربي يعافيـــج
وبخصوص طريقــة الكب كيك أنا أستخدم طريقـة أي كيكـ ومرات إذا بسوي كميـه أستخدم الخليط الجاهز اللي مرسوم عليه الريال الأبيض
>> مع إنيـه أحاول أبتعد عن الأشيا الجاهزه قد ما أقدر أحب أسوي كل شي روحي

بس عندي طريقـة ماخذتنـها من كتاب أجنبي حق ٢٤ حبه ميني أو ١٢ حبه الحجم العادي

المقادير :

- ١ كوب طحين رقم (١)
- ٩٠ جرام زبده ناعمــه
- ١ م ص فانيلا سائله
- ١/٢ كوب سكر ناعم الحبيبات >> هب مطحون
- بيضتين
- ٣ م ك حليب سائل
- ١ م ك باكينج باودر

ومقاديـر لـ طريقـه ثانيــه :

- كوب وثلث طحين رقم (١)
- اصبـع زبده يعني نص كوب زبده
- ١ كوب سكر
- ١/٢ كوب حليب
- ٣ بيضات
- ١ م ك باكينج باودر

تخلطين المقادير مع بعض عادي أنا دايمـا أفضل أخلط البيض مع الشكر لين يتكثف اشوي وعقب اضيف باقي المقادير وآخر شي الباكينج باودر

واتحطين الخليط فـ ٣ أرباع حجم القوالب
وأشغل الفرن بس من تحت والصراحه ما أعرف كم بالضبط فـ فرنا عقب رقم ١٢٠ فيه نقاط وأزيده نقطتين تقريباً ما أعرف أوضح كيف لني اتعودت عليه جيه

وعــآدي مسموحـــه

**طير الغرام** · 28-12-11 ||, 02:23 AM

أمــس سويـــت
بسبوســـه بـ القشطــه

واهنيـــه طبقــة القشطــه واضحـه

أذكــر إنـه مايهزك ريح من كمن سنه اممم أتوقع فوق الخمس اسنين حط هـ الوصفــه ،،
يزاكـ الله كل خيــر ياخويــه ،، لني لين اليــوم وأنا بين فتره وفتــره أسويهـــآ

**الا انا** · 28-12-11 ||, 03:10 AM

تسلم هالايادي ~

احب هالسويت .. بس يوم يسوونه بيتنا ..

ربيعة اختي مره يابت لنا .. وايد لذيذه بس ثجييله .. يعني احس اني اكل حبه واشبع !
ما تنفع لين بعد الاكل ك سويت ولا شي .. احسها ثجيله يمكن عشان القشطه .. بس وايد يمييي

بس يلي اختي تسويها غير خفيفه وحلوه .. عالعصر يكون غايته هالسويت ~

يعطيج العافيه :)
شكلها يمي وخفيفه

وايد احب موضوعج ^_^ صج صج فنانه ماشاء الله عليج

واليوم صباحي ع موضوعج < يالسه اجوفه من اول صفحه لول

وناسه ^^

موفقه حبيبتي ..

**طير الغرام** · 28-12-11 ||, 11:33 PM

^

ربي يسلمـــج

يمكــن الشيـره اللي اتحطهـا ثجيلـه لنـه طبقـة القشطـه هب ثجيله وما أحسهــآ دسمـه
حلاتها الشيـره اتكـون خفيفــه اللهم تعطي نكهة حــلاوه بسيطـــه

أخجلتــي تواضعيــه الصراحــه ،، تسلميــن
وزيـن اتونستـي بـ موضوعيـه

**مايهزك ريح** · 29-12-11 ||, 08:47 AM

أه من زمان ما سوولي بسبوسه بالقشطه .. ذكرتيني بها

**قصايد غلا** · 05-01-12 ||, 12:05 PM

اللــــــــه أحب هالبسبوســــة وايد
في بيت خالي يسوونها لكنها دسمـــــة إلا جعدة و ثجيلة .. وايد يحطون قشطة و شيرة

بس بسبوستج شكلها رقيقة

ماشااااء اللــــه عليييج و على طبخج تبارك الرحمن

و شكراً ما يهزك ريح بما انك صاحب الطريقة =)

**ام ميره** · 05-01-12 ||, 11:10 PM

ماشالله عليج دومج مبدعه ربي يحفظج
قمت اسوي بعض الشغلات الي كنتي اتحطين وصفاتهن واحلى شي انهاا بالصور والطريقه وهالشي يسهل ع واايدين واولهم انااا اعرف امشي بالصور والطريقه
وماشالله عليج واايد اتوضحين ربي يعطيج العافيه ..
وفي بعض الشغلات اسويهااا من الي اتحطينه صرااحه اهليه وريلي يعيبهم ..
سوري اتفلسفت اشوي بس ماشالله عليج
ونتريااا ابدااعج ..

**ام ميره** · 07-01-12 ||, 04:41 PM

اشحالكم كلن ابحاله ..
طير الغرام جان ما عليج امر ابا طريقه البسبوسه بدون القشطه .. وطريقه الشيره الخفيفه ,,
واسمحيلي زادن طلباتي . بس شو اسوي واثقه في مقاديرج واحب اساألج .. والسموحه ع مغثه ’’
وربي يعطيج العافيه ..

**طير الغرام** · 16-01-12 ||, 06:09 PM

-{ مايهزك ريح }-

أنا وايــد أسويهــآ الصراحــه
والفضـل يرجــع لكـ =)

:

-{ قصايد غلا }-

تسلميـــن والله

:

-{ ام ميره }-

أشكرج والله ع هـ المديح

امممم هاي بالقشطـه وما أعرف إذا بيكـون طعمهـا غير بدون قشطـه
وهـاي الطريقـه اللي خذتهـا من مايهزك ريح

المقادير :

- كوب سميد
- كوب سكر
- كوب روب
- نص كوب زيت
- بيضتين
- م ص BP
- م ص فانيلا سائلـه

الحشوه : قشطــه

الطريقـة :

- تخلط المقادير كلها مع بعض ثم يصب نصف المقدار في صينيـة بايركس وتدخل في الفون
وتكون النار من تحت حتى تستوي
- تخرج من الفرن وتمسح عليها القشطـه ثم يصب فوقهـا النصف المتبقي من الخلطـة
ثم نعيدها في الفـرن ويشغل من فوق فقط حتى تستوي وتحمر
- تصب الشيره فوقهـا بعد اخراجهـا [ يفضل البسبوسه اتكون حاره والشيره بارده أو العكس ]

والشيـره والله تعتمـد ع الكميـه بس أنا عن نفسي لني أبا أباها تعطي طعم خفيف هب دسم أحط كوب ماي + فنيان شكـر + هيل اشوي + زعفران وآخر شي عصرة ليمونه اشوي

^_^

**طير الحب** · 16-01-12 ||, 11:23 PM

يمي يمي عندي طريقة بسبوسه بس مب بالسميد بالشعيريه وايد احبها وحده قالت لي انه هالخلطه يسمونها كيكة زايد

**طير الغرام** · 17-01-12 ||, 01:41 AM

^

بالشعيريــه أحــس طعمهــا بيكـون غيـر عن البسبوســـه ! والإسـم يديـد عليــه الصراحـــه

^_^

:

اليـــوم سويـــت كيكــة وشربتهــآ بـ خلطـة نسكافيـــه ،،
الصـراحــه خفيفــه وحلـــوه
ويمدحونهـآ مع الجاهي ولا أي شي حـآر

**ام ميره** · 19-01-12 ||, 12:42 PM

اليوم سويت مجبوس ديااي
احااول انزل الصوره هب طاايعه واذا ظهرت تظهر اصغيرونه

ليش ؟؟؟؟

آخـــر الــمــواضــيــع

الموضوع: .:. ]|[ شو طبختـوا اليــومـ ]|[ .:.

أدوات الموضوع

عرض

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

رد: .:. ]|[ شو طبختـوا اليــومـ ]|[ .:.

معلومات الموضوع

الأعضاء الذين يشاهدون هذا الموضوع

المواضيع المتشابهه

.:. ]|[ بــراتــــــا ]|[ .:.

.:. ]|[ حلقــ ـ ــات البصـ ـ ــل ]|[ .:.

.:. ]|[ كيكـة السينابــون ]|[ .:.

.:. ]|[ رمضانيــات ]|[ للتصاميـــم ]|[ .:.

.:. ]|[ دجــ ـاج بالمايونيـ ـ ــز ]|[ .:.

مواقع النشر (المفضلة)

مواقع النشر (المفضلة)

ضوابط المشاركة