~ــ^ــ~ لــمــاذا يـهــاجـمــونك ! ~ــ^ــ~

[مايهزك ريح]

سألني ذات يوم : لماذا يهاجمونك ....!

فقلت لــه : فــقــط ..لأنــي أمــشــي عــكــس الــتــيــار ..

ولأني اغــرد خــارج ســربـــي ..

ولا أريد ان أكون إمــعــه ....

وتــكون لــي شـخصــيــة مــتــفــرده ....

فــرد علي : إذا أنــت.. تــخــتــار ..

ما بــيــن الــجــنــة والــنــار ..

فأجــبــتــه : إذا فـــهــي الــنــار ..

فــقــال : ســيرمونــك بالــتــخــلــف .. !

فــقــلــت لــه : لا بــأس .. فــأنــا صــاحــب مــبــدأ ..

ولا أســتــطــيــع الــتــخــلــي عــن مــبــادئــي ..

فــلــيــذهــبــوا بــعــيــدا عــنــي ..!

[صريح]

بختصرها عليك يا ماييد



لا يرمى إلا الشجر المثمر


اذا كثرو من يهاجمونك بدون سبب
فعلم انك تسير فالطريق الصحيح و استمر عليه

[مايهزك ريح]

مرحبا .. حياالله صريح .. نورت البقعه ..

ياخي يرفعون الضغط ..
يبون الواحد يمشي وراهم في كل شي .. يعني يمسح شخصيته ..
طيب ليش يمكن اللي انته اتشوفه صح ..انا ما اييوز لي.. والعكس صحيح ..
مب لازم اطيع شورهم في كل شي .. كل واحد منا الله عاطنه عقل يفكر به .. ليش هم يفكرون عني ..

ويوم ما تمشي على اللي هم يبونه .. على طول انته متخلف ..
برايني متخلف .. يا خي عندي مبدأ .. وما احب اغيره .. عايبنكم اهلاوسهلا ..
مب عايبنكم .. في وداعة الله


والسموحة منك .. خليتني اظهر اللي في خاطري

[الاسطوري]

السلام عليكم ..

"مايهزك ريح"

ياخوي انا لي وجهـة نظر مختلفه نوعا ما والسالفـه اشوفها بسيطه من منظـوري يعني مثل ماقـال
خنفروش قبل عن المقاسات بأن انت لك مقاس وغيرك له مقاس وشي
طبيعي ان المقاسات تختلف بين الناس واللي
يناسبك مب شرط يناسب
غيرك والعكس هي مب سالفة صح وغلط وهالشي يتطلب ان الواحد يكون مرن نوعا ما في التعامل
وماياخذ الامور بحساسيه وايد خاصه في الامور العاديه الروتينيه يعني مثلا
فلان من الناس مايشيش ولا يحب يلسة
الشيش بس عشان ربعه
يتنازل احيانا ويروح وياهم عشانهم وهم بعد مثلا مايحبون الكوفي شوبات بس عشانه مرات يروحون
وياه وجيه عشان الحياة تمشي لأن إذا الواحد بيوقف عند كل نقطة وبيسويها
سالفه بيتعب ومابيلقى حد صوبه لأن مافي اثنين
على وجه الكره الارضيه يتفقون
في كل شي لابد من وجود الاختـلاف اما اذا كانت طريقة تعاملهم فيها شي مب صحيح او تصرفاتهم
مب اوكيه او يسوون شي غلط فهني من حق الشخص انه يبتعد عنهم ويحاول
انه مايختلط فيهم لأن المثل يقول "قولي منو تخالل
(تصاحب) اقول لك من انت"


الاســـطـــوري
أخوكم

[الا انا]

مايهزك ريح ..**

حلوه حروفك ..^^


وللحين فبالي هالحروف ..


( إذا الكــــــــــــلب لا يؤذيك إلا نبــــــــــــــــــاحه فدعه إلا يــــــــــــــــوم القيامة ينبــــح )*

كلمات اسمعهااا دوم وبكل يوووم ..

معقده & مريضه نفسيا & مينونه & اسلوبج مب شي & *
^
وبكل حماس تنقال وبالويه وبدون اي تردد ..
وانا هني استاااااااااانس والله اني استااانس ما اتضااايج ابد ...^^
لأني متاكده إنه محد بيقولي هالكلام .. إلا اذا هالشخص عجز انه يتحداني ...** ولا مل من انه يواجهني ويهاجمني ...
وفعلا صارت وبتصير .... بيهاجمونك وبيحاولون يكسرون مياديفك . وبيتكلمون عنك يدامك ومن وراك .. بس لشي واحد بس .. لأنهم ( متغايضين منك ) ..
مستحيل اي شخص يتكلم عن الثاني ولا دووم يحطه فباله .. إلا لانه هالشخص فيه ميزه .. وهو مستغاض من هالشي ...،،

يعني كووووول .. وع طووول ...

وماعلينا ...

وما يهزك رييح ... ^^

والحقران يقطع المصراااان ..


واي حد يقولك شي .. لا تسوي شي ابد .. بس روح .. واسمت عمرك .. وغن لهم بصوت عالي وبإبتسامه ..

( قــول عني ما تقول صوبي كم صعب الوصول ...) *< بس جي غياض .. بيموتون قهر .. ودوووم اضحك ... دووم

.....^_^

[مايهزك ريح]

وعليكم السلام والرحمة .. حيالله الأسطوري ..

في اشياء مثل ما قلت عادي الواحد يطوفها ..
اني انا احب مكان هم ما ايحبونه او العكس .. هالسالفه عاديه .. لين اهنيه ما اختلفنا
بس اللي ييلس يفتيلك في شي انته متأكد انه غلط .. او مثلا حرام ..
وييلس ايعاييك ويبرر لك الشي اللي يبا ايسويه !
انا على طول اقوله انه غلط ..
وما له داعي يبرر لي اياه عشان هو واحد شخصيا مب مقتنع انه غلط .. هو كيفه ..
بس لا يقنعني انه صح >_<

ومشكور على الرد ^_^

[مايهزك ريح]

مرحبا إلا أنا .. اتذكر اني كنت كاتب هالشي في مكان ما اتذكر وين ..
" إذا الكــلب لا يؤذيك إلا نبـــاحه فدعه إلا يــــوم القيامة ينبــــح "..

وبعد فيه قاعده انا دايما احاول امشي عليها ..
" دع مـــا يــريــبــك ... إلا مـــــــا لا يــريــبك "
مجرد انه الواحد يحس ولو مجرد احساس انه هالشي غلط فالأفضل انه يتركه ^_^ ..
ومشكورة على الرد ^_^

[المزوحي]

مرحبا مايهزك ريح، ذكرتني بواحد من الربع، خلني أقول سوالفه شيقه وعنده مواضيع، لكن مرات يوم ادخل وياه

في نقاش اتعب، مب لأني ضعيف شخصيه، لكن هو يصر على كلامه إنه هو صح .. ليش ؟؟؟

لأنه وقتها هو يحس بعمره هو صح فيتم يقول لالا .. السالفة كذا وكذا أو يبانا نكون مثله ..

يهاجموني كونهم مايحترمون وجهة نظري مايحترمون مبدأ، إذا أنا على خطأ ..

[مايهزك ريح]

المزوحي .. المشكله انه هالنوعيه من الناس اتعب نفسيا منهم >_<
وما احب ادخل وياهم في نقاش .. لأنه عقييييم

[المزوحي]

أمش مثل ماتبغي، مش تمرد منك .. خل يكون لنا راينا المستقل، نمشي على هوانا .. ذوقنا ..

كم نجامل ونوافقهم الراي، مجرد مجامله ..

أحيانا نسكت ونمشي على حسب رغبتهم، وبعدها يتعودون على الاسلوب، ويوم مره وحده تقول لا ..

يبتدون يهاجمونك .. لأنهم يفتكرون بتمشي على حسب رغبتهم ...

[مــهــابه]

يـهاجمونك فـقط لأنـك تتميز بـشي . .
عـجزوا عن أن يصلوا لـه

[مايهزك ريح]

المزوحي .. مهابه ..اشكركم على الرد اخواني .. ^_^

[تحفه]

اول ما قريت العنوان قلت فخاطري ..

لا يرمى إلا الشجر المثمر

;>

ما عليك من حد .. تعرف ان اغلب العلماء و الرؤساء الناس سموهم في مرحله من مراحل في حياتهم "ميانين او فاشلين" ؟

[خنفروش]

القمزي .. هدي اعصابك و خليييك كوول على طوول ..
تسلم اياديك حبوب عالموضوع الشيق .. و حبيت اعرض التساؤلات الي تبادرت لذهني و انا اقرا الموضوع ..
إن شاء الله اتكون واضحه .. و إذا ما كانت واضحه أنا ما ايخصني ... هيهيهيهي

لماذا يهاجمونك .. ؟؟ و لماذا تمشي عكس التيار ؟؟ هل مهاجمتهم لك دليل على أنهم ظالمين ؟؟ (( الشرطة تهاجم تجار المخدرات - جهاز المناعه في الجسم يهاجم الامراض )) هل مشيك عكس التيار دليل على أنك تشذ عن القاعدة ؟؟ أم علامة على فساد التيار ؟؟ و أنك لا تريد أن تكون امعه ؟؟ هل الشاذ يؤكد القاعدة أو يكسر القاعدة ؟؟ لماذا نصر على أن نسميه شاذا عن القاعده بدل أن نسميه وحيد عصره أو الحر الذي يفعل ما يريد ؟؟ هل كل من يفعل ما يحلو له يكون حر الرأي متجرد المبدأ ؟؟ أم أنه في حريته ينطلق من خفايا و مكنونات صدره ؟؟ هل هناك قواعد كثيرة علينا مراجعتها .. مع أنفسنا و مع الثوابت حتى ننطلق في حكمنا على الأشياء من منطلق تأكيد المسلّمات .. ثم محاولة تقريب وجهات النظر في المتشابهات .. ثم تأكيد أننا نحترم الرأي الآخر ليس لأننا نعتقد بصحته أو قوته بل لأن احترامنا له نابع من احترامنا لصاحبه .. ثم فالختام هل يعي الطرف الآخر ذاك المحترم .. أني أحمل عقلا يحتوينا نحن الاثنين و اني اطبق رأيي .. فأين هو من كل هذا .. لماذا يكتفي بالهجوم .. ولا يلتفت للمبدأ ..

[مايهزك ريح]

مشكورة تحفه على الرد ^_^