شلون تقضي/ن الويك اند؟

[رمــش الغـــلا]

الويك اند كل مرة يختلف,,

يعني نادر ما يطوف ويك اند ويكون شرات اللي قبلهـ >>

أغلب الاوقات الخميس ما نظهر اونهـ بريك عقب الدوام لولز

واذا طلعنا طلعة خفيفة ههههه >> يعني مكان جريب مب بعيد

والجمعهـ

أغلب الاوقات يمعة عائلية يعني نسير بيت قوم يدي والا حد من خوالي والا عمامي والا حد من الاهل

يعني لازم شي عزيمة كل ويك اند الا نادر

وساعات عزيمة الغدا وعزيمة العشا

والسبتـ

يانظهر طلعة مع أختي

والا نيلس فالبيت نكمل أشغال الكلية

يعني حسب

ساعات ايينا ويك اند نظهر الخميس والجمعه والسبت

وساعات بس الجمعهـ

ع حسب كل ويك اند

يختلف عن الثاني

وهيكـ ^^

[مزن هتان]

إجازة نهاية الأسبوع

غالبا كل نهاية أسبوع بالعين (ما نخلي بقعه
فيها ما نخطف عليها)
أحيان نغير و نروح الفجيره و خورفكان
بس أوقات نخطف على كذا إماره بـ ويكند
يعني نروح الخور و عقبها الفجيره نرد
الراك عيمان شارجه ندخل دبي نكمل
دربنا للعين تعب من الخاطر بس و ناسه صج
(الله يخلي لنا أبوي يتعب صج)

و اذا قاعدين بـ دبي الخميس راحه بعد الدوامات
و اليمعه بعد الغدا بيت يبه (أهل أمي)
كل 6 شهور و الا 3 نروح الراك عند (عمي و عمتي)
و السبت نخلص الالتزامات اللي علينا

و أحلى شي يوم أقعد بالبيت و ما أطلع
طول الويكند( ما تصير إلا إذا بابا مسافر)

أحاول ما أكلم رفيجاتي بالويكند
طول الاسبوع معاهم

[فرح ناز]

قصايد غلا

لول الناس كلها تسير دبي فالاجازة وانتوا تسيرون عيمان

العجيبة

الله يعينج كلها فترة وتعدي ان شاء الله

قرموشة

شغلة وايد حلوة انج تزورين اهلج ماشاءالله انتي سويت حييل
هيه والله الاجازة تمر بسرعه يبالنا يوم زياده



ملاك الروووح
أول شي ببتزج بعدين يمكن اقول!!! ههه

شو بتعطيني !!!


1234
ليش حبيبتي ماتطلعين بتملين اذا على الحاله لازم تغييرن جو .. يلست البيت تخلي الواحد كسوول ديري بالج لا يحوشج

مجموعة إنسان
انا احب الالعاب الالكترونيه عاد مب جذي الله يهديك


رمش الغلا87

انتوا شراتنا تقريبا نفس ترتيب الاجازة .. اعتقد هذا هو الشايع بين الناس

مزن هتان

ماشاء الله عليكم حلو الويك اند مالج والله يعطي الوالد العافيه
مرات احس اني ابا اقعد بالبيت وماسوي اي شي هذا يوم اكون مشغوله طول الاسبوع بس


ان شاء الله ما اكون نسيت حد لول

[طير الغرام]

الويكـ اينـد وماأدراكـم ما الويكـ اينـد ،، نتريــــــــــــااااه من خاطر خاطرنــا كل اسبوع
لنه صدق اتكون راحه نفسيه من عقب اسبـــــــــــوع اطويــــــــــل

:

يوم الخميس

أحسبه ضايع ضايع
لنه دوامي يخلص 4 ونص وفـ عيمـــان ولين ما أرد بوظبي طبعاً يعتمد متى أظهر من اهنــاك
أغلب الأوقات أوصل البيت ع الساعه 8 ،، وع حسب مرات احصل حد من اهليه فـ بيتنــا أقعد معاهم
أو إذا محد ايلس مع قوم امايه وخواتي ويمكن أروح بيت قوم يدتيه ،،وأكووووووووووون
امسطله من الخاطر >> لني ما أكون راقده العصر فـ هاليوم وغير الدوام اللي من الصبح لين العصر والدرب الممل
فـ أرقد من وقت بمعنى من وقت لين اليوم الثاني عادي أقوم 12 ،، 11 >> وااايد ارقد

يوم اليمعـه

ع ايام الدوامات يوم السبت ما كنت احب هاليوم استغفر الله

المهم ملخص هاليوم انه يمعة الأهل فـ بيت قوم يدتيه أو بيتنـا ع حسب >> بيتهم إلا فرة احصــاه عنــا
فـ أغلب الأوقات احب اطبخ وااايد فـ الويك ايند أظهر الطاقه اللي فيني من اسبوع
ومرات العصر نظهر ،، أو انسير صوب البحر اشوي قبل الغروب عن خاطريه
والقعده ع النت بين فتره وفتره ع حسب

يوم السبت

ماااااااااااا أحب هاليوم
احب ارقد وااااااايد وااااااايد ما ابا اقووم >> فـ هاليوم بالذات يومي يمر بسرعه
ولازم أخلص أشغالي ونادر ما أدرس لني فـ البيت الصراحه ما احس انه جو دراسه أو انا نفسياً
أبا احس اني بعيده عن جو الدراسه ،، مرات الظهر انروح المول أو الصبح إذا قمت من وقت ع حسب ومرات ما انروح ومرات أقعد اشوي ع النت

ع الظهر ولا العصر متى ما أكون فاضيه أزهب شنطتيه وع المغرب أويـّـه صــوب عيمــان
وبس خلص ويكـ ايندي

:

ومرات ما أرد البيت أتم فـ السكـن>> دراسه + تلفزيون + ارقـاد
فـ لاتنشدون ع ويكـ ايندي الكئيب اللي فـ السكن >> يوم اربيعتيه اتم معايه يكون وناسه صدق

[الشوق]

مـــــوضوعج حلو ...

يوم الخميس :- اكوووون في الدوااااااااام

الويكند عندي بس يوم الجمعه (( يعني اما يكون في بيتنا او اتكون خاصه بالطلعات ... ))
يعني بين (( الشـــوبينـــج ، الســــينما ، المــــــطعم))
واذا حصلت في ويكند بالسبت والجمعه او الخميس والجمعه طبعا اذا صادف الداي اوف مالي هاليومين ..
فاتكون ( رحله بريه - او نزهات مع الاهل ) .
.
.
وهذا هو الويكند مالنا
وسلامتج
اختج/ الشوق

[قصايد غلا]

قصايد غلا

لول الناس كلها تسير دبي فالاجازة وانتوا تسيرون عيمان

شو فيها ؟!

كلّن يرقد على الينب اللي يريحه الغاليه :)

و سيرة العزبة و اليلسة في البر أخير من زحمة دبي في الويك إند

دبي نسيرها حق المشاري من المولات والخياييط مب حق الراحة في الويك اند

[مجموعة إنسان]

عندي إجااااااااااازه

باجر بسير البحرييييين

[فرح ناز]

طير الغرام

الله يعطيج العافية الويك اند مالج حافل ماشاء الله عليج وانا كنت اشتكي من الويك اند مالي!!!

الشوق
شاكرة لج مرورج الكريم على مواضيعي .. وان شاء الله كل ويك اند تقضينه احلى من الثاني

قصايد غلافي هذة صدقتي اتبنوني علشان اروح معاكم هههههه راس الخيمة مكنسلينها من خارطة البيت حدي لين صحارى سنتر بس

مجموعة إنسان

تسير وترد بالسلامه لاتنسى الهدايا حقنا كلنا