افكر بهالموتر .. شو رايكم ؟

[كـلـكـلـووش]

السلام عليكم

افكر بهالموتر بشكل جدي ..

اللي هو انفيتي 37 .. الكوبي ..

ما اعرف .. بشو تنصحوني ؟ و شو رايكم ؟

المشكلة اني مب حاط شي محدد في بالي .. بس ابى موتر يديد .. و هالموتر عايبني



اتريه رايكم

ســلام

[المزوحي]

الانفنتي موتر فنان، وإذا تحب شركة نيسان توكل، أما إذا بتحس بعمرك بتمل من الكوبيه، ما انصحك تاخذه ..

لأنه في حد يعيبه الشكل، وخلاف يمل من الشكل، رد فكر مره ثانيه، أو شوف كذا موتر وقرر ..

بالتوفيج

[مايهزك ريح]

حط في بالك سالفه انه الموتر باب واحد.. >> انا اعاني من هالسالفه >_<
خصوصا اذا كنت مثلي اول ما ادق سلف الموتر... الجماعه تغاولوا عليك اتقول عزيمه !
سواء الموتر ايسد ولا ما ايسد .. لازم يركبون ويداعسون .. مع انه الموتر ما يتحمل اكثر من اربعه مع السايق ..^_^
لكن منو يقول .. اقل شي سته في الموتر .. كيف لا تسألني ..
ومره الوالده اتقولي .. ما شي مكان حق البشاكير انشلهم ويانا ..
قلتلها ليكون انا اسوق كروزر وانا مادري .. وين احطهم على القبه مثلا !

بس عموما سواقه الكوبي وايد حلوه وموتر خفيف لطول الأسبوع بس ما ينفع في الويكند

والنيسان ما عليه غبار ..

وفي شي ثاني اتذكرته انه هالمواتر .. التأمين بصعوبه تلقاه ..
يعني انا الشيبه ( فوق الـ 25 ) وبعد ادفع 2000 تأمين ضد الغير عند العين الأهليه ( الوحيده اللي تأمن موتري )

وبالتوفيق

[الهيثــم]

صح ف سالفة التأمين بتتلعوز يا بو شهااب ... وانت ما شاء الله عليك سواقتك حلوة

بس حلوة هالسياارة وإذا ف خاطرك صل الاستخارة وشوف عقبها ...

بس عااد لو خلووك ف البييت تااخذ هالفعلووصة .. بيقولون لك ما تروم تشلنا لول نفس سالفة ما يهزك ريح

[ألم ترى]

بسم الله الرحمن الرحيم ..

هلا بو شهاب ..

الصراحه الموتر ماعليه كلام وثنين من ربعي عدهم نفس الموتر ! ..

كـ شكل ماعليه كلام ومشيء هم ماعليه كلام ولكن كوبي هاي يبالها تفكير شوي ..

صل الاستخاره وربي يوفقك ..

[بحر الموده]

وعليكم السلام ورحمة الله وبركاته

ماشاء الله عليك بوشهاب عرفت تختار موتر كوبى حلو وقوى وكله ذوق

الموتر تسارعه قوى..وبالتوفيق ان شاء الله

اخوك/ بحر الموده

[الهيثــم]

واناا أررشح لك الـ fx حلووة وشباابية وتطييح عليك بععد

[إسهر معي ليله]

الشكل اليديد حلو.. من كم يوم شفت وحده بيضه.. فنااانه والله

اذا تباها توكّل.. خاصه انها يديده..

وبالنسبة للتأمين.. ترى الشركات يوم بيلعوزونك.. يلعوزونك حتى لو عندك التيما

[كـلـكـلـووش]

اذا عن الموتر انا كنت مقتنع فيه و عايبني من شكله الجديم .. و يوم غيرو شكله و شفت الشكل اليديد عيبني اكثر ..

مممم يمكن التأمين يكون مشكلة .. لكن اكيد لها حل .. و مثل ما قال اسهر معي ليله .. حتى الالتيما صعب تأمينها الحين ..

بس سالفة الكوبي هذي خلتني اتردد و افكر شويه ..

مشكلة يوم الواحد يبى موتر يديد بس ما يعرف شو اللي بالضبط هو يباه ! لوول

و تسلمون كلكم

[الاسطوري]

وانت ما شاء الله عليك سواقتك حلوة

أضم صوتي لخطابكو


شوف إن السياره حلوه هذا شي مانختلف عليه بس إذا تناسبك ولا لأ هالشي انت تحدده واذا كنت
متردد أو تحس إنها مابتخدمك وايد خذ الصالون G35 ترا فرق السعر بين 30-40 الف
وفرق المكينه بسيط وتقريبا يتشابهون وبتحصل نفس الاداء
وبتكون مرتاح من التأمين ، ب ذ و
سلامات صوتك البارحه
كان يزيغ

السموحه

[فرح ناز]

ماشاء الله ماشاء الله شنو هذا شنو هالزين (اقصد الموتر)

الحين انا لو اقول ابي كوبيه .. يسوون ويهي كوبيه فالبيت

انا اشجعك بقوة الموتر هذا شكله وايد حلووووو

كـلـكـلـووش انت ليش ما دشيت موضوعي ورشحت الموتر هذا انت بعد واحد

خلاص خلاص سماح بس لازم نصادر الموتر اعتبره هدية ترضيه


موفق اخوي

[الشيـــن]

هييه هيييه خذه انا احب هالموتر / انزين انتي شلـج ! S=

لا صدق فنــااان وحتى من داااخل حلـو وسواقته حلوة وهاديه لول !

[الهيثــم]

^^ جربتييه يالشييين !! ... انزين خبرينا عن التسارع وعن صرفية البترول ون مستوى الضجيج ف الخط

بغيينا التفااصيل يطولي بعمررج .. !

[الزرعوني]

يا هلا بو شهاب

و انا اقووووول

خذ الـ G37 Sedan

[الاسطوري]

يا هلا بو شهاب

و انا اقووووول

خذ الـ G37 Sedan

ماحيد الصالون نزلوا منها 37!