آخـــر الــمــواضــيــع

صفحة 1 من 2 12 الأخيرةالأخيرة
النتائج 1 إلى 15 من 24

الموضوع: شنو اشتري!!

  1. #1
    عضو جديد الصورة الرمزية فرح ناز
    تاريخ التسجيل
    Mar 2008
    المشاركات
    49
    قوة التمثيل
    198

    شنو اشتري!!

    السلام عليكم
    انا صديقكتم الجديدة فالواحات
    اول موضوع اكتبه عن السيارات ابا اشتري سيارة بس ما اعرف شنو اشتري

    طبعا كل حد يقولي شي .. انا رحت معرض واحد بس معرض قرقاش
    كل السيارات حلوة بس انا ابا سيارة اروح فيها الكلية واروح فيها الدوام ( اشتغل وادرس)

    اخوي يبي يشتريلي سيارة مستعملة (كامري مادري كيمري) واختي تقول اخذي مرسيدس E280

    انا سرت مع ولد خالتي المعرض من فترة جان اشوف سيارة صغيرة على قدي C280 مادري كم سعرها ولى شو مواصفاتها بس انا حبيت حجمها الصغير ولونها ولد خالتي عاجبته بعد بس اختي تقول E280 احسن

    بس انا شوي محتارة شنو احسن E280 ولى C280?
    انا اعرف انه السي اصغر وشوي ارخص بس هل فئة السي معناها كحيانه؟ يعني ال E احسن ولى شنو الله يخليكم فهموني شو الفرق بين الفئات هذي

    ابي سيارة حلوه

    طبعا انا اقدر اشتري اي وحدة فيهم بس ابيكم تساعدوني الله يخليكم يعني مافي خوف من ناحية الفلوس وشكرا جزيلا

  2. #2
    عضو جيد جداً الصورة الرمزية عيون الليل
    تاريخ التسجيل
    Jul 2002
    المشاركات
    960
    قوة التمثيل
    313

    رد: شنو اشتري!!

    أولا يا هلا ومرحبا فيج اختيه معانا. . .
    امنوره .. ..

    عزيزتي، ، من ناحية شو الفرق في القوة. . الاخوان موجودين بيفيدونج أكثر
    لكن من ناحية الشكل طبعاً الـ C أحلى لانها الشكل اليديد. . يعني ما بتتغير إلين 5 سنين جدام او أكثر . . وهي سياره عمليه وايد وبالذات انتي ماشالله عليج تدرسين وتشتغلين . . واقتصادية طبعاً
    وفي سيارات ثانيه بعد غير المرسدس . . بس عاد ما دريبج. . لازم اتحطين لج مبلغ معين عشان تقدرين اتحددين السياره . . ونصيحه مادام انج تدرسين وتشتغلين. . لا تآخذين سياره غاليه. . خذي لج سياره حق الكراف. . والـ C حلوه وايد . . .

    بالتوفيج. . . والاخوان بيساعدونج أكثر . .

    السموحه

  3. #3
    مشرف واحات
    مشرف واحات الإبداع التقني
    الصورة الرمزية الاسطوري
    تاريخ التسجيل
    Oct 2003
    المشاركات
    2,414
    مزاجي
    Cool
    قوة التمثيل
    200
    وعليكم السلام ..

    "فرح ناز"

    بكل صراحه أنا مب من المؤيدين لسيارات مرسيدس لأن مستواهم في الفترة الأخيرة نزل للأرض من
    المشاكل والعيوب والخرابات اللي تطلع في السيارة غير أسعار الصيانة الغالية
    والمبالغ فيها يعني على أشياء بسيطه عقب الضمان
    الواحد يدفع له عادي 15 الف
    جيه ونفس الشغـلات في السيارات الثانيه ماتوقع تعدي 3000 المهـم ماعلينا من هالامور لو تبين
    نصايح لسيارات ثانيه شوفي لج اللكزس IS300 أو الانفنتي G35 ثنتينهم فيهم
    مواصفات أكثر من المرسيدس وأقوى وأرخص بوايد
    ويعيشون وحتى الشكل الخارجي
    أنا أشوفه أحلى بوايد ومن داخل بعد شي مرتب والانتشار خير برهان، أما إذا كنتي مصممـه وإلا
    تبين تسوقين سيارة شعارها مرسيدس (يعني تشترين الإسم بس) فإن شاء الله
    تكون سيارتج مافيها وايد خرابات وماتعبج مثل
    ماتعبت وايد ناس

    الاســـطـــوري
    أخوكم
    .
    ما طار طير وإرتفع إلا كما طار وقع
    .

  4. #4
    عضو جيد جداً الصورة الرمزية عيون الليل
    تاريخ التسجيل
    Jul 2002
    المشاركات
    960
    قوة التمثيل
    313

    رد: شنو اشتري!!

    انا بصراحه مع الاسطوري. .
    اللكزس الي قال عنها وايد حلوه وعمليه وقويه واقتصاديه وسعرها بالنسبه لباقي السيارات الي بنفس مواصفاتها وايد مناسب. .

  5. #5
    عضو جديد الصورة الرمزية فرح ناز
    تاريخ التسجيل
    Mar 2008
    المشاركات
    49
    قوة التمثيل
    198

    رد: شنو اشتري!!

    3 ردود ماشاء الله تباااااااااااارك الله !!!!

    عيون الليل تسلمين حبوبتي على الرد .. انا حطيت ميزانية 200 الف اكثر او اقل مو مشكله انا اتكلم عن الكاش من غير القرض الي اقدر اخذه بس ان شاء الله ما اخذ قرض ابي ادفع واخلص نفسي

    ولد خالتي قال نفس الكلام علشان جذي انا ابي السيارة هذي

    الأسطوري انا قريت ردك كمن مرة والله خفت هذا كلام اخويه بس اهو زاد عليك شوي يقولي خذي كامري قلت حق ليش انا ما البس جلابيات يقولي اسم سيارة يا .... *معصب* هااهاهااا

    انا بفكر فكلامك الي قلته بخصوص الخرابات الي فالمرسيدس بس انا ما اقدر اقاوم الشعار والشكل .. والله كل اهلنا سيارات غالية والوان عجيبه (بورش احمر ومرسيدس فيروزي) اقل شي لاند كروزر حق البيت يعني انا الحين لازم اركب سيارة ماركة معروفه علشان المظاهر فالعايلة .. انا اتكلم بصراحه علشان اوصل لحل يرضي جميع الاطراف ويرضيني ..

    الاسطوري انت فاهم الموضوع ماشاء الله ما احتاج استرسل

    اللكزس شفتها عند صديقتي فيها شاشه حلوه ومكيفها بارد بعد بس شكلها الخارجي مثل تاكسي ( اسمحولي على الكلام هذا) بس الحين الناس عليها بالظاهر وانا ما اقدر اركب سيارة خسفه او مستعمله او عاديه ... المرسيدس اذا بشتريها بغض النظر عن الخرابات الي تكلم عنها الاسطوري بتكون حلوة فعيون الناس

    منو ما يهمه كلام الناس .. غلطان .. انا اشوف الناس الحين كيف يعاملون الواحد الي عنده سيارة يكشخ فيها .. ابا اكون ضمن الفئة الحلوه

  6. #6
    مـراقــب
    مـراقــب الواحة الـمـفـتــوحـة
    الصورة الرمزية الهيثــم
    تاريخ التسجيل
    Jul 2002
    المشاركات
    7,445
    مزاجي
    Cool
    قوة التمثيل
    638

    رد: شنو اشتري!!

    لحيـن اللكزس تكسي !!

    حراام عليج أختي

    بالعكس أنا اشووف هالسيارة واايد حلوة والـ IS منااسبة واايد حق البنات وعندج الانفنتي بعد غااوية فخمـة
    ما اعتقد إنه الانفنتي واللكزس تكااسي ، تعتبر من السيارات الفخمــة ... وإذا خذتييهــم بتكــونين مااركة ف العايلة لا اتحااتين ..

    أنا عن نفسي لو عندي ميزانيـة تسمح .. ما بفكر ف المرسيدس ... على طول اللكزس L460LS بلاا منااازع ..
    هالسيارة مخبلتني ... وإذا فورويل كاديلاك إسكاليد بدون نقااش ..
    ( ولسوف يعطيك ربك فترضى )

    ~

    الهيثـــم

  7. #7
    مـراقــب
    مـراقــب واحة أخبار الدار
    الصورة الرمزية المزوحي
    تاريخ التسجيل
    Mar 2002
    المشاركات
    13,001
    قوة التمثيل
    919

    رد: شنو اشتري!!

    من وجهة نظري الصراحة المرسيدس مب شي ونحن عندنا ومجربين كيف تهلك في الصيانه، وربيعي عنده الـE

    كل يوم توقف عليه، لدرجة إنه قال لي ببيعها وباخذ كورولا ...

    بس إذا تهمج المظاهر والميزانيه في حدود 200 لو حتى اقل خذي البي ام الفئة الخامسة مع ضمان 5 سنوات

    أفضل عن المرسيدس اللي غلت بدون معنى ...

    واللكزس مثل ماقالوا الاخوان ماعليها كلام .. بس إذا مب مقتنعه وتقولين شكلها مب شي، ماتقدرين تاخذين

    شي مب داخل خاطرج، يعني انت الحينه تاخذين راي الجميع وعقب قرري ..

    إذا ماتبين لكزس IS خذي GS

  8. #8
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: شنو اشتري!!

    مرحبا

    مانصحج بالمرسيدس.. من سنين ونحن نشري مرسدس والسياره الوحيده الى ماتخترب هي الG كلاس .. ف ماينفعلج لانج تبين سياره صغيـره
    وباقي السياير عندهم تخترب.. ووكالة قرقاش أخس عنها ماشي

    انا كنت مثلج من قبل واقول انه لكزس كجره.. بس تبين الصراحه.. سياير اللكز عملـيه ومايختربن & في نظري وكالتهم أحسن وكاله في دبي!!! غير انهم منزلين سياره يديده صغيـره.. وربيعتي من كم من شهر شاريه سياره عندهم وهيي بتييت والسياره وايد تناسبها
    .She can only make it, if she dreams

  9. #9
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: شنو اشتري!!

    واذا تبين مرسدس لازم يكون عندج سياره سبير لانه بتظطرين تودين السياره الوكاله وايد
    .She can only make it, if she dreams

  10. #10
    عضو جديد الصورة الرمزية فرح ناز
    تاريخ التسجيل
    Mar 2008
    المشاركات
    49
    قوة التمثيل
    198

    رد: شنو اشتري!!

    السلام عليكم ورحمه الله وبركاته

    خــّطاب
    انا مااعرف وايد فالسيارات بس اعرف البراند انا شفتها من داخل وايد حلوة ومقتنعه انه 100% برتاح معاها بس شكلها ما احبه احسن اني انيييي انيي ما حبيتها بس بسويلي زيارة للمعرض وبشوف مرة ثانيه يمكن احبها ونستوي اصدقاء

    المزوحي
    البي ام الفئة الخامسه بسوي سيرج وبشوف محد فالعايلة عنده بي ام للاسف .. اكيد احب اسمع راي الاعضاء .. لانه انا ما عندي ربع واخواني يسمعون بس الي يبونه يمكن ولد خالتي يسمعني بس طبعا علاقتنا محدوده ..

    شمعة أمل
    اهلين حبيبتي ردين مب رد واحد.. يا سلامممم ... على عيني وراسي كلامج
    السواق يوصلني يوم بتكون سيارتي فالكراج عادي مب مشكلة

    يمكن سوء الاستعمال والجو اهو الي يخرب المرسيدس .. يمكن السيارة تكون حساسه


    انا من كلامكم حسيت انه اللكزس هي الافضل .. والمرسيدس هي الاحلى وباقي السيارات تحت الفحص والتدقيق ههه ... بس اللكزس مثل شنطة اللاب التوب العملية والي ما تكون حلوه من برع بس كل شي فيها من داخل والمرسيدس مثل لوي فيتووو ماركة بس يمكن ما تكون الشنطة المثالية ( مثال من وحي الدراسة) هههه


    انا لحد الحين ما قررت لازم افكر عدل مدل ... اشكر كل شخص دخل وقرا الموضوع ورد علي والله قاعدة افكر بشكل جدي فالموضوع .. بس شكلي باخذ اللكزس

  11. #11
    بروفيسور متميز الصورة الرمزية شمعة أمل
    تاريخ التسجيل
    Aug 2003
    المشاركات
    4,873
    قوة التمثيل
    495

    رد: شنو اشتري!!

    فكري في سياير ثانيه.. نفس البيي ام ولا شي
    ترا المرسدس عندهم electrical problems ف اتحملي منهم
    .She can only make it, if she dreams

  12. #12
    عضو ممتاز الصورة الرمزية راعي الزعـامه
    تاريخ التسجيل
    Dec 2005
    المشاركات
    1,231
    قوة التمثيل
    284

    رد: شنو اشتري!!

    انصحج في الانفنتي G35
    سياره سعرها مناسب في حدود 135 الف ،، و الاوبشن اللي فيها احسن عن المرسيدس

    سياره قوية و مريحه و مافيها خرابات ابدا ،، يعني ان شاء الله ما بتشوفين الوكاله الا وقت التجييك ،،

  13. #13
    بروفيسور متميز الصورة الرمزية بحر الموده
    تاريخ التسجيل
    Dec 2002
    المشاركات
    6,247
    قوة التمثيل
    572

    رد: شنو اشتري!!

    وعليكم السلام

    انا افضل وبكل قوه بين هالسيارات انفنيتى G35

    صاروخ شكلها حلوو تكدها كد ماتعول سبورت ثبات على الشارع ممتاز

    والسموحه

  14. #14
    عضوية الماجستير الصورة الرمزية شرجاوي
    تاريخ التسجيل
    Jan 2002
    المشاركات
    2,322
    قوة التمثيل
    387

    رد: شنو اشتري!!

    خذي كاديلاك سي تي اس اليديده .. والله عجيييييييييييييييييييبه و فخمه و مواصفاتها ما تحصلينها ف اي من السيارات المذكوره .. و سعر الرقم 1 اممممممممم 165 الف

    http://www.cadillac.com/cadillacjsp/...=cts&year=2008

  15. #15
    عضو جديد الصورة الرمزية فرح ناز
    تاريخ التسجيل
    Mar 2008
    المشاركات
    49
    قوة التمثيل
    198

    رد: شنو اشتري!!

    السلام عليكم ورحمه الله وبركاته

    شمعة أمل

    شكلي باخذ لكزس حبيتها بس احتاج اقتنع اكثر بشكلها الخارجي لازم اسير اشوف على عيني

    راعي الزعـامه

    الانفنتي G35 همممممممممم
    احس انها شوي كبيرة علي .. بس بعد حلوة ما شفت حجمها من قريب بس شفتها على الطبيعة
    انا اصلا ما اعرف اسوق هههههههههه علشان جذي ابا سيارة صغيرة

    بحر الموده

    شرجاوي
    انت عاد انا حفظت الي كتبته ورحت اخبر اخواني هههه انصدموا وسألوني اذا كنت استعبط عليهم فالفترة الي طافت !!! لاني صدق مااعرف فالسيارات

    انا لين الحين ابا اشوف اللكزس مرة ثانية والانفنتي وايد حبيتهم

    ماشاء الله عليكم الكل عطاني معلومات مفيدة ... بس باقي اقتنع فشغلة 100% واقنع اخواني الكبار



    جزاكم الله كل خير

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ((عشقتها ولا عمري شفتها))...
    بواسطة الصياحه في المنتدى واحة القصص و الحكايات
    مشاركات: 11
    آخر مشاركة: 03-09-11 ||, 11:38 PM
  2. جدييييد emaraaaaty صفحة ألم
    بواسطة شمس دبي في المنتدى واحة القصص و الحكايات
    مشاركات: 247
    آخر مشاركة: 03-02-06 ||, 07:31 PM
  3. ( محمد & ساره ? مريم ) قصة حب
    بواسطة بن دبي في المنتدى واحة القصص و الحكايات
    مشاركات: 8
    آخر مشاركة: 01-11-03 ||, 12:54 AM
  4. انا ودبدوبي (قصة حب حزينه)
    بواسطة بن دبي في المنتدى واحة القصص و الحكايات
    مشاركات: 0
    آخر مشاركة: 10-10-03 ||, 05:28 PM
  5. خالد ومريم ( قصه خياليه)
    بواسطة العنونه في المنتدى واحة القصص و الحكايات
    مشاركات: 3
    آخر مشاركة: 10-08-03 ||, 01:13 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •