شنو اشتري!!

[إسهر معي ليله]

تبين شوري

بلا مرسدس ولا لكزس.. انتي ويا هالنك "فرح ناز".. ما تركب عليج غير البيجو << امزح
:
:

انزين.. انتي شكلج عندج فلوس.. ومب هامتنج التجييكات والخرابات
اهم شي عندج السياره.. فـ اذا ناويه عالمرسدس.. خذي الـ C احسن

لأنه الـE كملت مدتها.. وخلاص عقب سنه بتتغير..
والشي الثاني انتي بتاخذين 280.. يعني هالمكينه عالـC احسن
:
:

واذا ناويه ع لكزس بعد زينه تراها.. واذا خلاص بتاخذين "كيمري" ع قولتج
باقي الفلوس دزيها صوبي.. سيارتي تكنسلت وابا آخذ غيرها.. بس ما عندي فلوس

والسمووحه

[المزوحي]

شكلج تبين موتر أوربي وبس

[فرح ناز]

إسهر معي ليله

البيجو سيارة مصاروة هههه مادري ليش احس ريحتها كشري

منو قال ما يهمني الخرابات باجر يمكن توقف علي السيارة فنص الشارع .. عاد انا بعد بروحي ما اعرف اسوق اذا وقفت علي ماادري شو بسوي لا لا ابا سيارة اوكي لين الحين اللكزس .. فالفري تام بستوي تاكسييييي لوول

المزوحي

انا ابا سيارة حلوة وبس مصارين السيارة ما تهمني هم شي الشكل الخارجي لول

[المزوحي]

في موتر يديد نازل من جاكوار، قبل مايمدحون هالموتر، لكن أظن الفترة الأخيرة تحسنت المكينة

بس لو الاخوان يفيدونا أكثر بالنسبة للجاكوار .. بس اللي اعرفه 5 سنوات ضمان على الموتر

( وكالة الطاير ) معروضه عندهم ولازم بالحجز .. شكلها يديد وأول مره تنزل ...

jaguar xf








مثل ماقلت لج، ماعرف عن خراباتها، وماسمعت حد يشتكي منها

[عيون الليل]

الله شكلها هالجاكوار غاويه . .

نتريا معلومات عنها أكثر

اختيه فرح ناز . . خذي لكزس الـ IS300 والله حلوه . . ^___^

[فرح ناز]

السلام عليكم ورحمه الله وبركاته


المزوحي شنو هذا يبا كل يوم تطلعلي سيارة تبيني انطق الحين اخويه مستانس علشان قلت باي باي حق المرسيدس وقلت ابا اشوف اللكزس هههه

بنسير ان شاء الله قريبا نشوفها

عيون الليل من غير ما تحلفين هههه بنسير نشوفها اقول حق اخويه عبد الرحمن لازم النظرة الشرعية من حقي

[المزوحي]

القصد، عسب تفكرين عدل قبل ما تشترين الموتر، يعني عادي تنطقين لوووووول، بس نصيحه ..

والعيله من الشيطان

[إسهر معي ليله]

لو سمحتي عن الغلط،،

كله ولا البيجو.. على قولتهم my Ex خخخخ

[فرح ناز]

المزوحي

شو اسوي اخويه "حمش" يت على الطق .. عادي يشق حلجي لول لازم انحاش فالوقت المناسب واطرح الموضوع فالوقت المناسب .. ما اقول غير الله يرحم الوالد ماكنا جذي

إسهر معي ليله

ماشاء الله عليك دمك خفيف