شاركوني فن الرسم بأفكاركم الجزء الثاني

[المحاق المشتعل]

السلام عليكم ورحمة الله وبركاته

اخواني واخواتي الاعزاء

اقدم لكم اغلى تحية طيبه ونفحات زكية عطرة على تواصلكم الجميل بهذه الواحه
أشكر جميع من قاموا على إعلاء شأن هذه الواحة الجميله من فنانين ومبدعين ومتأملين.

أبدأ وياكم اليوم باسم الله الرحمن الرحيم الجزء الثاني من موضوعي إلي طرحته في السابق
وكان في بداية انضمامي للواحات تقريباً.

وكانت غاية طرحي للموضوع في السابق هو تقوية مستواي اكثر في مجال الرسم
وبالأخص رسم أفكار الآخرين .

يعني موضوعنا هذا بيكون عباره عن

(حط فكرتك وانا ان شالله ارسم الفكرة هاذي)

لكن بشروطي المعتاده

1- من غير ملامح البشر مثل العيون الخشم والبوز والاذن أو ما شابه .
2- ما تكون الفكرة مخله للأدب العام للدين أو للعادات والتقاليد .
3- اذا في اشياء ثانيه بخبركم عقب


وان شالله بحط كم عمل من افكار بعض الاعضاء في الموضوع القديم
وان شالله اشوف افكاركم عن قريب

في انتظار افكاركم الجميله

[أنامل قلب]

.......

:

وعليكم السلام ورحمة الله وبركاته ..

.. !

أخيرا لحقت أحجز المقعد الأول .. !!

اممم ..
بما إني للأسف ماكنت حاضره الموسم الأول للطرح ..
إن شاء الله بيكون لي زيارة دائمه للجزء الثاني منه

جدا متحمسه أشوف أفكار أعضاءنا الطيبين ونتاج الرسم بريشتك تالي .. !

والأكيد إن بما إني حاجزه الكرسي الاول بيكون لي فكره بسيطه ..
بس خلني أفكر وأتخيل وأعيش الجو شوي ^__^ ..

صدق وناسه .. وايد عاجبتني الفكره ..
والرسمات اللي طرحتهم لفتو انتباهي بشكل كبير ..

طلعو الاعضاء مب هينين ما شاء الله بأفكارهم .. !
وأداءك كعادته مميز وطيب ..

لي عوده باذن الرحمن لطرح فكرتي ..

وجدا متحمسه أشوف نتاج الطرح ..
وبشده .. !

:

احترامي الدائم لشخصك كما تقديري لما تبذل من جهود ..
والمعـــــــذره .. !

اختك أنامل قلب ..

:

.......

[وحي القلم]

السلام عليكم

أول شي أحب أشكر اخونا المحاق المشتعل على هالموضوع الجميل

و أنا عندي فكره

ممكن ترسم لنا ورد اللوتس "اللى ينبت على الماي" ^_^

..

[المحاق المشتعل]

انامل قلب

من الاعماق اختي الكريمه اشكرج على هذا الحضور الرائع

وعلى تلك الكلمات الطيبه من شخصكم الطيب

وانا ان شاء الله متفائل بوجودك معنا هذه المرة

اتمنى انه ينجح هالطرح وما انشغل عن اداء واجبي بالشكل المطلوب

ربي يوفقني في اتقان افكارج ان شالله وافكاركم

سأكون بانتظار افكارج بإذن الله تعالى

مع جزيل الشكر والتقدير

محاق

[المحاق المشتعل]

وحي القلم

أشكر لج وجودج الطيب أختي الكريمه وان شالله ينال الموضوع بالفعل اعجابج

بس ابا اعرف انا ماعرف اذا هي هاي الروده إلي في بالي ولا لا اخاف مب هي واتوهق

مب هاي إلي لونها ابيض وتطفوا عالماي ( وردة الضفادع ) ؟

في انتظار ردج

محاق

[المحاق المشتعل]

كتبت في السيرج طلعت نفس الورده إلي توقعتها

اختي وحي القلم اتمنى تنال رسمة فكرتج الجميله رضى قلبج

وشكراً جزيلاً عالمشاركه



محاق

[خيال الحب]

ياهلاااا والله بالناس الطيبه^___^


حاليــــا مافي شي في بالــي بس لــي رجعـــه

[المحاق المشتعل]

هلا فيك اخويه خيال وحياك الله في كل وقت

وفي انتظار فكرتك ان شالله

[الاسطوري]

السلام عليكم ..

"المحاق المشتعل"

أحيد قبل كم سنه طلبت منك ترسم شي ويلسنا نعدل على الفكرة ويه بعض بس الظاهر انشغلت
وماقدرت ترسمها بس بعدني أتريا هالرسمه مافقدت الأمل وبذكرك فيها عن قرصان
المافيا اللي يسحب سيارة شخص متروع لسفينته عند المينا
وراعي السيارة يحاول بكل قوتها انه يشرد
بس طبعا ما في أي فايده من كل
المحاولات لأن القرصان
مسيطر

الاســـطـــوري
أخوكم

[الا انا]

...

السلام عليكم ..

..


طرح مميز كالعاده ^^

..

ااممم ...

ابغي الفصول الاربعه بشكل غريب *
...

نار بوسط البحر وبجو ممطر *
..**

عالم تحت الارض ..^^
ــــــــــــــــــ

أفكار غبيه صح .. بس ماعليه ^_^
إحترامي وبالتوفيج ..**

[وحي القلم]

المحاق المشتعل

مشكور اخويه

حلوه الرسمه ما شا الله

أول مره أعرف أنه يسمونها وردة الضفادع

[عمة العيم]

محاقنا

فخاطري اشوف رسمه

تعبر عن

"لوعة الإنتظار و الصبر"




لأني لين الحين ماقدرت ارسم هالفكره !!!

...

[المحاق المشتعل]

الاسطوري حبيبي انته وتاج راسي

ماعاش إلي ينساك بن عمي

انا والله ما نسيتك

ورسمت أول رسمه من فترة

بس انا ابا اسويها شي حلو من جي اتأخرت عليك بن عمي

وعدي ما نسيته وانته انسان طيب وانا ادين لهاي الطيبه بشي جميل ان شالله

بس بقن رسمتين وبنجز إلي اتكلمنا فيه كنت ابغي اسويلك مفاجئه والله

وفي موضوع غير هذا بس ان شالله بتوصلك الرسمات بن عمي

واذا تبغي تتأكد إني ما نسيت موضوعك ومخلص رسمه من قبل

برويك اول رسمه في موضوع من الموضوعات دش ودوره

واسمحلي وايد عالتأخير والله وانته تامرني حبيب الشعب

محاق

[المحاق المشتعل]

إلا انا

شكراً جزيلاً للمرور الرائع

وان شالله بنشتغل على طلبج بإذن الله تعالى



لج اغلى تحية

[المحاق المشتعل]

هلا عمووووووووتنا

هلا بالفن والابداع

وهو كذلك عمو وطلبج في قائمة الانتظار بعد

انجاز طلبات إلي سبقوج ان شالله

شكراً جزيلاً عالمشاركة يا مبدعه

محاق