شاركوني فن الرسم بأفكاركم الجزء الثاني

[بنت الدلع]

حمست الكل على هالالوان ماشالله
صدق فخاطري استخدمهم
لان مره كنت عند ربيعتي وربيعتها كانت تراوينا رسوماتها
صدق غيييييير في الطبيعه
استخدامهم يعطي طابع ثاني للصوره

بخصوص المكتبه
انا اسير مكتبة الحرمين ، دار الهجره في الشارجه
ان شاء الله احصل هناك
واذا ماحصلت شي تقريبا 3 مكاتب قراب منهم

كان المفروض اسير اليوم بس رقدت >.<

[بنت الدلع]

المحاق كم تدفع ؟

[أنامل قلب]

أمبييــــــه بنت الدلع يا خطيره انتي ..
تصويرج غــــــــاوييي لول ..,، !

:

اقــــــووول في حال مالقيتهم ..
طرشي صوبنا بعد ..

والدفع طبعا عالمحاق .. !
ههه

....

عقبال مالاقيهم بالمكاتب اللي طريتهم ..
بالويك اند ان شاء الله ..

ومثل ما قلت تحسبا في حال ما لقيتهم
جهزي سوقج ابـ كرنفال الجامعه باخذلي منهم .. .,، !

ويالله خل نشوف ابداعاتج بعد دام رزقج ياج ..

^_^ .,،

:.

[بنت الدلع]

نياهاهاها بنت الدلع هااااي مب اي وحده

خلاص تم بس الدفع مقدم وتربل السعر =p >>> استغلاليه نمبر وننننن
خذي بعد زياده حق خواتج وبنات عمج وبنات خالج وربيعاتج ومحاق بيتولى الدفع p=
(نربح من ورا الكومشن)

[خنفروش]

.. الله يسامحك بس ..

[أنامل قلب]

^

ان شــــــــــــاء الله ..

:.

[المحاق المشتعل]

ياااااااااااااااااااااااا سلاااااااااااااام كيف حصلتيها



ماشالله عليج بنت الدلع

انا مستعد ادفع خمس اضعاف سعر الالوان بس توصلني في ايدي

كيف سويتي بس من اي مكتبه خذيتيها ؟؟

انا حرقت المكتبات ما حصلتها وبعض المكتبات قالولي ما انيب شرات هاي الالوان

وحاضرين والله

من حلات هاي الالوان

ودي الكل يجربها والي يبا يقول وانا بتولى شراء هاي المواد له بدون اي تردد

صدق والله إلي يبا منها انا بتولى تكاليف هاي الالوان للجادين فقط

تعالي بنت الدلع بسألج

في نوع ثاني نفس النوعيه بالضبط بس فيه تدرجات لونيه اكثر هل كان موجود ولا لا ؟

وانامل قلب يوزي عن سوالفج والي تبينه اعتبري ثمنه مدفوع خاص واسبشل من المحاق

هاي الالوان انا بدفعلج بس عشان اتجربينها روعه

....

.
.
.
.
.
في واحد داش عرض ماعرف شو سالفته

هلا خنفروش هلا والله ... ... الله يسامح الجميع بن عمي شو صار شو سويت انا

حبيب الشعب نبغي اضافتك ما نبغي زعلك وعدم رضاك

[بنت الدلع]

الله كشخه بستنذل عليكم الحين هههه

يالله اعضااااء كلكم اشتروا المحاق موجود



يالله يالله كل هذااا اتسوي فيك الباااستيييل

الله يسلمك اليوم العصر سكرت الليتات وكل شي على اساس اني برقد
جاااان اتذكر المكتبه
وقلت خله يولي الرقاد بسير ادور في المكتبه يمكن احصل
سرت مكتبه 1 ويلست ادور وادور وماحصلت

سرت مكتبه 2 سئلت الريال وهو بروحه مغفي ويدوّر وياي اخر شي قال مافي
قوووم عني لااااااه
جان ادور بروحي وحصصصصلت

فيه نوع ثاني
جيه لون العلبه خضرا وفيها الوان اكثر
بس مب من ماركة فيبر كاستيل (فيه علبه وحده بس في الكتبه وشي لونين مكسورين لول شو الاحظ)

اما هذا فهو الوحيد الموجود
يعني اقصد هالالوان الموجوده مافي حجم اكبر

انته من دبي شكلك صح ؟

هالمكتبه في الشارجه
في منطقة حلوان
مجابل مستشفى القاسمي

متى ما ناوي تسير خبرني عسب ادليك وين بالضبط مكانها

وحاضرين للمحاق
نحن في الخدمه ^_^

[المحاق المشتعل]

خفي علينا بنت الدلع عاده

قلنا نذاله مب جي عاده

والله جد اشكرج من الاعماق ( سارت اشترت وماعزمتنا ) مذهب قراشيه هههههههههه

اسوي سوالف مب تزعلين

هيه انا من دبي وماحصلت في مكتبات دبي نفس هاي الالوان

لكن زين انه في الشارجه شي

شو اسم المكتبه ؟

وين بالضبط دليني اياها عشان اسير آخذلي كم علبه حق اليوم الاسود

وشي ثاني

يا جماعة الخير الي يبغي نفس هاي الالوان يخبرني باخذله وبطرشله اياها

لا تترددون والي يقدر ياخذها يسير ياخذها ترا سعرها رخيص مقارنةً بروعة اداءها

على فكرة بنت الدلع

هاي الالوان لازم اشوف ادائج عليها

فبسألج هل خذتي كراسه ملونه ولا لا ؟؟

اذا ما خذتي لا تفكرين تلونين بهاي الالوان على ورقه بيضا

نصيحه بتفيدج وايد :

h_ttmasha:

[بنت الدلع]

ههههههههههههههه
يعني قبل لا اركب السياره احدر الواحات واقولكم تراني سايره اشتري ؟

ويا مذهب السروال المخطط الي علييك ههههههه


اسم المكتبة : مكتبة حلوان عدال مكتبة آوال

تعرف كافتيريا رجب (جاي كرك) المشهوووور في الشاارجه ؟
المكتبه على نفس السيد

عدال المكتبه مركز حلوان مال العبي وعدالها محل روز مال ورود

كيف توصل للمكتبه
اول شي انته من وين بتي ؟
من شارع الامارت ؟
خبرني من وين بتي عسب ادليك على طريجك

وعن الكراسه لا ماخذت
شفت كراسات جدامي جان اقول مابا اقص على عمري واسوي عمري فنانه >.<
يوم وصلت البيت خبرت اختي
وقالت بتسجلني في كورس painting (حسيت اني ياهل يوم جيه قالت) لول
بس ان شاء الله اذا حصلت وقت وسجلت براويك ادائي


{ الله ياخذ الجامعه ان شاء الله } ... تصبحون على خير

انا آسفه جدا لاني خرجت عن الموضوع

[المحاق المشتعل]

بنت الدلع عقبال الدكتوراه ان شالله

اقول بنت الدلع هيه لو ييت من صوب شارع الامارات كيف ؟

وزين يوم انه المكتبه عند رجب ( كرك ) ابا اجرب الشاي ماله من زمان يمدحونه

بعد بلاه صروالي المخطط

عموووووووو

وينج يا عمووووووووو

أوووووووووه يمااااااااااااال

عمووووووووو أوووووه يمال ( حد شاف هاي الدعايه في السينما )



تغلط عالصروال عمو الحقي

احينه الدم لين الركب

بنت الدلع

الكورس وايد بيفيدج بس قبل لا اتدشين هالكورس استعملي ألوانج هاي في كراسه ملونه

واستفيدي ترى الكورس محتاجله ممارسه لو كنتي ماتعرفين شي حتى عن الالوان

بس عشان تاخذين عنها فكرة

سمعي كلامي ان شالله وخذيلج كراسه عوده ملونه

وخذيلج نوعيه زينه وعلبة الوان ثانيه ( بس لا تخلصين العلب لاني ابا اشتري منها )

وعقب ايلسي ارسمي بتحسين بوناسه روعه في الرسم

ويوم بترسمين ( هاي الالون اتخيس الدنيا )

لكن فيها متعه لا توصف

[تنينه]

يا مسااا الإبداع والفن والذووق كله وبيكون كله مساا منوو غير فنانا الطيب المحاق ؛

اشتقت جداً لواحة الفن التشكيلي ولقراءة ذوقكم الراقي بين السطور والألـوان ؛

موضوع جمييل جداً وفكره رائـعـه كـ عادتك استاذنـا ؛ وما بقول فكرتي ألـحين دام لازم أوقف في الطابور ؛محد سووي زحممه غير بنت الدلـع ويا ألوانها يالسه اتغايضنا باااجر الألوان اتيبينهم الجامعه فاهمه ولاا ؛

سلمت الأنامل المبدعه وعسانا ما ننحرم من إبداعاتها وصاحبها والف مبروووك الترقي ادري تو الناس ؛

[شوق القلوب]

بنت الدلع... انا داار راسي..!

..

المحاق.. انا بقولك..

ادخل شارع حلوان.. وبيتييك مكتبه اوال و حلوان على ايدك اليمين.. و احيد بعد مكتبه " هنادي " سابقاً.. نسيت شو اسمها الحين .. عندهم بعد سوالف حلوه.. هالمكتبه اتييك اذا كملت الشارع سيده و خذت الدوار سيده.. اول دخله على ايدك اليمين..

..


تبون الصدق.. شوقتوني للرسم.. خصوصاً انه عندي هالالوان اللي ادورونها
احيدني ماخذتنها من المجرودي.. من زماااااااااااااان

[المحاق المشتعل]

السلام عليكم ورحمة الله وبركاته

اعزائي اعضائي الكرام

اعتذر كثيراً عالتأخير الي بدر مني

والسبب اني مريت في ظروف كثيره شغلتني عن الموضوع

فأطلب العذر منكم اصدقائي على كل ما بدر مني من تقصير

واشكر جميع الردود السابقه كلها واعتذر مجدداً عن كل تقصير

نرجع لإحدى الردود وإلي اشكرها على توجدها الجميل معانا

تنينه

لج احترامي الشديد اختي الكريمه

واتمنى وجودج دايماً زينه ونور للوحاتي ان شالله

والله يبارج فيج وعقابلج الارتقاء في الدنيا والآخره ونحن وياج ان شالله في نفس الدرب

بإذن الله تعالى

.....

ونرجع حق بعض الناس الي قطعوني عسب واحد داش عرض ( بو خنفش )

كل هاي العفسه آخر شي طلع الريال يقول

ليش ما خبرتني جان انا بدبرلك الالوان ( انا من كثر ما قال الله يسامحك قلت يمكن

غلطت على ربيعه راع الكفتيريا إلي في الشارجه إلي مكتوب على لافتت دكانه .... عصــــائر طـــازج )

هاهاهاهاي

...

بنت الدلع شوفيج عليه انا مسكين وما أأذي خنفروش هو إلي يطلع عيوني محد غيره

....

وفي وحده داشه عرض تبا اتدليني الدرب

انا اعرف وين الشارجه عشان اعرف وين شارع حلوان ههههههههه



تسلمين شوق على مرورج وان شالله انشوف ابداعاتج الجميله إلي غابت عنا من زمان

[المحاق المشتعل]

ما يهزك ريح

أعتذرلك يا اخويه عالتأخير

هاي فكرتك وان شالله تنال اعجابك يا اخويه وامسحها فيني عالتأخير

وفي حال ما نالت افكاري ذوقكم ان شالله احاول ارسم غيرها بإذن الله تعالى

مع جزيل الاعتذار

وجزيل الشكر عالمشاركه الطيبه

محاق
.
.
.
.
.
.
.
.
.