[شو اللـي يـابنـي فـبــالــك]
الســــــــــلام عليكم والرحمه ...
عيبتني هالمسجات وان شاء الله تعيبكم,,,
كلها تقطيييع في تقطيييييييع احب هالنوعيه لووووول
[شو اللـي يـابنـي فـبــالــك]
"."."."."."."."."."."."."."
يا كم تمنيت السعاده بدنياي
وشفت السعادة تبتعد ماتبيني
اشكي لربي خالق الخلق شكواي
عساه يسعد ما بقى من سنيني
اخفي عن الجلاس همي وبلواي
واضحك واجامل والشقا مبتليني
"."."."."."."."."."."."."."
من عادتي مادوس درب الهوى دس
اللعب على المكشوف واكشف سواده
من مدلي يمناه مديت له خــمــس
ومن صد عني عفت شوفت بلاده
لأني عزيز وعزتي تحكم النفس
والنفس ماترضى بهون المكاده
"."."."."."."."."."."."."."
أبي الصراحه حبيبي .. أيه صارحنـي
وش صار مني وش اللي صار بغيابي ؟
ماني بخاسرك وأنته ماأنـت رابحنـي
ذاك أول اللـي ليامـن جيـت تلقابـي
أموت لك من وفايـه وأنـت تذبحنـي
والله مصيبـه أذا قـصـدك تلهـابـي
"."."."."."."."."."."."."."
مري شمال أن كان ودك تمرين
مري على قبري وشوفي محله
وأن كان ودك فوق قبري تصلين
إليا سجدتي فلي الراس كله
أشم ريح مثل ورد البساتين
جسم كلاه الدود وصلك يبله
وعند الوداع خطي على القبر حرفين
مرحوم يا اللي صاحبه ما حصله
"."."."."."."."."."."."."."
لاتشتكي حالك لكل من جاك
بعض البشر يفرح إذا أنت مهموم
أحذر ناقل الهرج لعداك
يظهر لك الطيبه ويدس لك سموم
لاتذكر أفعالك وماتجود يمناك
ربك يدري والخير مقسوم
وصايا تسعدك دوم بدنياك
أحفظ معانيها تحفظك من اللووم
"."."."."."."."."."."."."."
بين العرب جالس وبالقلب سجات
جسمي يشوفونه وقلبي خلاوي
عزاه عزاه ياقلبٍ تعذّب ولا مات
بين الأمل واليأس دايم شقاوي
ولولا الرجا في شوفكم بعض الأوقات
لموت من الفرقاء ولا لي مداوي
"."."."."."."."."."."."."."
لاصار هذي سواتك راح تخسرني
ماعمر أحد راح من كيفه وناديته
عند الكرامه أبيعك وأنت خابرني
الله وكيلك ترى كل شيء مريته
كانه هجر بسلامه روح وأهجرني
أخوي لاصد عني ماترجيته
"."."."."."."."."."."."."."
ياللي تقول أنس الذي راح ترتاح
تراك كنك بالمقابر تنادي
اللي وطى الجمرة ومن حرها صاح
يضحك عليه اللي بظل وبرادي
الليل كله ماتهنيت بمراح
يسري بي الهاجس في كل وادي
أستعرض الماضي بحلوه والأملاح
فلمه على شاشة خيالي يعادي
"."."."."."."."."."."."."."
راسك علامك رافعه يوم
أحاكيك
الظاهر أني فوق حجمك
عطيتك
لحظة نبي نرجع دقيقه
لماضيك
بذكرك في أي حاله
لقيتك
كان الضياع ودمعتينك
تخاويك
منهار وفي عز أنهيارك خذيتك
"."."."."."."."."."."."."."
الضحك ماهو علامة مستريح
والبكاء أحيان مايوحي بحزن
خذ مثل مني
أنا قلبي جريح
وأبتسملك
من غرابيل وشجن
وإن بكيت
يجوز أبكي من صحيح
من جرح من ظلم
من صدمة زمن
أو يجوز أبكي
علشان أستريح
أو نتيجة شوق
أو حزن وندم
"."."."."."."."."."."."."."
حرام تحرمني من الصوت والشوف
وحرام تذبحني بزهرة شبابي
وحرام تقطف وردة الحب بسيوف
وحرام تهجرني وتخلف صوابي
لا تبتعد عني ترى القلب مخطوف
ما باقي إلا الجسم داخل ثيابي
"."."."."."."."."."."."."."
عهد مضى وياك لاشك له شان
ذكراك تبقى في خيالي تفوحي
أشكي غيابك كم أنا صرت ولهان
لو أكتم الخافي عيوني تبوحي
مالي على حكم القدر أي سلطان
غصب علي أقضي الليالي بروحي
"."."."."."."."."."."."."."
نبتدي باحترام وننتهي باحترام
ونتوادع وداع الليل ويام الفجر؟؟
يوم علمتك على ايدي اصول الغرام
جيت بعدي تعلمني اصول الهجر؟
"."."."."."."."."."."."."."
ابكى ترى كثر البكا يغسل الهم
//
ابكى على مافرطت به يمينك
"."."."."."."."."."."."."."
يا صاحبي ما عاد لي فيك حاجه
ماني على خبرك سواليف ومــزوح
جــرحٍ مـع الأيــام يلقى علاجه
وبعض الجروح علاجها نزعة الروح
"."."."."."."."."."."."."."
يا زمان رد لي ولا تترك الدمعة بروحي تطوفي .. قد غديت بحاضري اشلاء وجدٍ مفجعه
هذا انا في حاضري كسير منكشف خوفي .. متلويٍ بين الهموم وآهات صدري الموجعة
"."."."."."."."."."."."."."
يامبعدٍ عني مثل باقي الناس
//
شف خافقي ماهزته ذكرياتك
"."."."."."."."."."."."."."
زعلت وما لقيت أقرب من الدمعة تفك الهم
غضبت وما لقيت أبعد من عيونك أبكيها
حبيبي والوجع يسمع من جروحي حديث الدم
تخيلت الغلا نبضة تحاكيني وأحاكيها
"."."."."."."."."."."."."."
وش ذكرك يا للي هجرتي مصافيك
ياللي غديتي بين ذولا وذولاك
وش ذكرك في قلبٍ اليوم ناسيك
ما هقوتي في يوم يرجع ويهواك
"."."."."."."."."."."."."."
الله اكبر ياهوى البال وش فيك
وش غيرك وش جاك طبعك غريبي
لاوحسايف عبرتي يوم اناديك
تسمع ولكن للاسف ماتجيبيي
عبرة جريح الصوت باسمك تسميك
يانجمة خايف ضواها يغيبي
"."."."."."."."."."."."."."
وش القمرا سوا غلطة ظلاام ولاني مغالي
وش الظلما سوا غلطة ســما بتقلد اهدابك
يساورني يقين ان المطر غلطة هوا عالي
حسب نفسه يصالح غيمتين وبلل ثيابك
"."."."."."."."."."."."."."
حافي قدم والشوك باربع جهاتي
عقب الورود اللي كفوفي تشمه
هنا
هنيا
هناك
باقي شتاتي
وشلون تقدر ياصديقي تلمّه
"."."."."."."."."."."."."."
لالايغرك زين مظهر فتونك
وينسيك انك بالهوى من تكونين
انتي الزهر والارض شينه بدونك
وانا المطر وانتي بدوني تموتين
"."."."."."."."."."."."."."
هان الوفى واليوم بالفعل هونت
//
لااطيق لك شوفه ولا اريد وصلك
"."."."."."."."."."."."."."
ليــــــت الليالي عن غرامي نهتني
ولا بدا زرع الامـــــــل منــك هيفه
والا انهـــا في غااايتي خيرتني
واختااار انا مرباع قلبي وصيفه
"."."."."."."."."."."."."."
لغير ربي ما استلذ بركوعـــــــــــي
ما أذل أنا عيني لأجل بعض الآمال
وان سال دمعي يوم أوبان طوعي
باقولها للكل .. ماني برجال
"."."."."."."."."."."."."."
اذا انتي واثقه بانك تخليني انا ما ارتاح
حقيقه قلتها والله ترى انتي ما عرفتيني
انا يابنت مهما كنت لو كلي اسى واجراح
عنيد ودوم ذا طبعي وذا اللي اعشقه فيني
"."."."."."."."."."."."."."
تعطيني الود والا تاخذه مني
//
يبلغك قلبي المقفي تحياته
"."."."."."."."."."."."."."
شكوى ونجوى وهذا كل ما اعطيتي
ولا فاد راعي الهوى شكواه واعتابه
ابحرق اوراقك اللي لي خطيتي
وارمي رماد الورق في وجه كتابه
"."."."."."."."."."."."."."
أعظم ذنوبي أحبك وأنت سامحنـي
عن كل ذنبٍ تحملته مـن أسبابـي
يلعن أبو الحب لو الحـب مالكنـي
يلعن أبو الصدق لوهو ساكن أهدابي
وأسألك بالله وش ناوي وريحني ؟
ياأول وآخر وأصدق وأكذب أحبابي
"."."."."."."."."."."."."."
تكذّبني ..؟
وانا من بعت هالدنيا على شانك؟
وجيتك صادق أتكلّم
وبالآخر تكذّبني !!
شقول ..
وكل شي حولي
يسولف لي على لسانك ؟!
شـ يقولوا الناس
لا شافوك ياعمري تعذّبني !؟
"."."."."."."."."."."."."."
رح
سامحك ربي
عسى فالك الخير
أنا جروحي كلّها مْن الحبايب
ويعني
إذا زوّدت بي جرح
شيصير ؟
أنا مْتعوّد من زمن عـ المصايب
"."."."."."."."."."."."."."
حبيبي
من هو يستاهل يكون إسمه :
حبيبي ؟
أنا مااكذب وأقول : كْثير حبّوني
ولكن صدق !!
(( أنا ملّيت هالتكرار ))
"."."."."."."."."."."."."."
توّك تقول : إحتجت لك ..لا تخليني
وانا الذي من قبل يومين ناديتك !!
صديت يوم اني عطيتك دفا إيديني
والحين نادم حضرتك يوم خليتك
"."."."."."."."."."."."."."
لا تهيّضني دخيل الله ودخيلك
ماني ناقص فوق جرحي جرح ثاني
يعلم الله لو بسولف وأشتكي لك
ينتهي عمري وأنا للحين أعاني
"."."."."."."."."."."."."."
يا بنيّة القلب شوفيني
منهار من كثرة أحزاني
//
ليتك تغيبين عن عيني
أنا الحزن ساكن اجفاني
//
أدري بك أنك تحبيني
و.. ودّك تنامين بأحضاني
//
بس العمر يسحب سنيني
ألقاه .. وأحيان يلقاني
//
زحمة ولا آظن يمديني
أحسن تشوفين لك ثاني
//
فيني من الشيب ما فيني
فاني ومن حبّني فاني
"."."."."."."."."."."."."."
خَلْنا نِتْفاهم بالأول وبَعْدَها سَوْ ما تبي
كان ودّك تِجْرَح , إجرح, بس إسمعني ثواني
//
لا تحاول تقلب الدنيا وإسمع مطلبي
بس أبي منّك تقاسمني وتحس شلون أعاني
"."."."."."."."."."."."."."
والله وبرافو عليك
فعلاً أتقنتيه دورك
خذتي قلبي فـ بين إيديك
ورحتي مغترة بحضورك
"."."."."."."."."."."."."."
تجيني وإلاّ ما تجيني .... ما عاد تفرق صدقيني
كل شي صار اليوم عادي
وإتساوَت الدنيا في عيني
كل اللي حولي وادعوني .... ما ريّحوني وطمّنوني
وظلّيت مع دمعة عيوني
أشكي وتبكي لي سنيني
الله يا وقتٍ مضالي .... كنت أحسِب العالم صفالي
والحين بس قاعد لحالي
وهموم قلبي تحتريني
"."."."."."."."."."."."."."
كل يوم تقول بكره نرتوي // وإنت ما تدري وش الحاصل معاي
يعلم الله كـن بي ذيب يعوي // إنت توعدني وهو ينهش حشاي
"."."."."."."."."."."."."."
غمّضت عيني وشفت الدنيا شي ثاني
أحلام وآمال كانت لي وبيديني
.
.
فتّحت عيني وشفت إش كثر حرماني
ورجعت أردد : عسى ما فتّحت عيني
"."."."."."."."."."."."."."
تبي تتركني ... أتركني ... ولا تساومني بوصالك
أنا ملّيت أترجى الوصال وإنت جافيني
//
تعبت أركض ورا حلمٍ أبيه يلامس ظلالك
ولمّا لامس ظلالك .. بَعَدت وغبت عن عيني
"."."."."."."."."."."."."."
للأســف إني توقـّـعتك تخون
ورغــم هذا كنت أبي أبقى معاك
//
كان يكفيني بحياتي لو أكون
نجمة من بين النجوم اللي بسماك
"."."."."."."."."."."."."."
تدري وش اللي يحـــزن القلب والروح
//
اني أفارق ( ناس ) كانوا معي ( ناس )
"."."."."."."."."."."."."."
لو ســــــألت الشمـــس عن سرّ الغياب
ما ســـألتـــك وش وراهـــا غيبتك.!
كان بحثك يجهدك تلقى جواب
ليه انـا أســألْــك واتعب هيبتــك.؟
"."."."."."."."."."."."."."
عن إذنك .. ماقويت أبقى مدينٍ لك وأنا الديّان
//
رحـــلـــــت أول على شــــــــانك وهالمره على شـــاني
ابـي مــنــك الــرضــــــا .. مــابـي هـــدايــا
تعبت عيني ترقب الدرب وينك
يالي على موعد هل الحب ماجيت
ياليتني ارض تقبل جبينك
من شان احبك كل ما كان صليت
"."."."."."."."."."."."."."
يفوح قلب المطار وكل صالاته
من يوم جَتْه العنود وسافرت منّه
نامت محلاته وصِحيَت ممراته
والدمع يوم الوداع أمخيّبٍ ظنّه
الطفلة اللي تشب القلب بسكاته
خلّتني مْن المطار ولا أبتعد عنه
"."."."."."."."."."."."."."
خذني على قد تفكيري وجاملني
يكفيني اللي مضى من وقتي القاسي
أبيك لا خانت الأيام تسندني
وأبيك ذخر الليالي لا ضعف باسي
أمنتك الله تكفى لاتضيعني
وأنت وضميرك تصرف يابعد راسي
"."."."."."."."."."."."."."
من علّمك , تاخذ من العمر الاوقات ؟؟
من علّمك , تعطي البحر للمواني ؟؟
العمر هو : رحلة من الذات , للذات
والشاطر اللي يقضي العمر هاني
ناديت لك والقلب ما به منادات
واهملتني وأمهلتني بس ثواني
لو كان لي قدر ماأخليك لحظات
وشلون أخلّي دنيتي والأماني !!
"."."."."."."."."."."."."."
تصدّق كل شبابيك الغلا متفتّحه فيني
وتنده لك : تعال ولا تخلينا بهالوحشة
أمانة .. يا بعد ضحكة هواي ودمعة سنيني
شف أشجار الحنين بداخلي وشلون مرتبشه
"."."."."."."."."."."."."."
مابي شيٍ عند غيرك يصبح أحلى
ودّي كل شيٍ أبيه ألقاه فيك
دامك إنتي بالغلا ما غيرك أغلى
قرّبيني الله يرضالي عليك..
رد مع اقتباس
المشاركة الأصلية كتبت بواسطة بحر الموده
مواقع النشر (المفضلة)