آخـــر الــمــواضــيــع

صفحة 1 من 5 12345 الأخيرةالأخيرة
النتائج 1 إلى 15 من 75

الموضوع: يدا بيد .... نحو الأمل :)

  1. #1
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    يدا بيد .... نحو الأمل :)

    عذرا أيتها الحياة .... فلغزك حيرني وصفعاتك أخرستني

    فعلى دروبك قابلت الكثير .... وكم صادفتني العراقيل

    فسقطت على أشواك جرحتني ووقعت بعد أن خارت قواي فلم تعد رجلاي تحملني

    ماذا حدث !!! ماذا جرى ؟؟؟ ما أقساك ِ يا حياتي

    وضعت يدي على أذني هربا من ضجيج أفكاري فكان الخيار الأغبى

    توسدت أحزاني فكان الاختيار الأقسى

    فما أراه ....وما أسمعه ... ليس حلما في منامي ...

    ما ألمسه على خدي .... ليس دمعا

    ما تحشرج في صدري ...صار هما

    أصوات تزداد .... وأشكال تتغير ...وزمان مرعب ذاك الذي أعيشه

    كابوس !!! وكيف يتجسد في أشخاص أحببتهم وخيل إلي أنهم بادلوني حبي

    كانوا حولي ....معي .... شاركتهم كل اللحظات

    لماذا أراهم كالأشباح !!! والخوف من قربهم يدفعني للصراخ

    تغيروا !!!

    لا لا لا ....يستحيل أن يتغير من أحببتهم ....ألفتهم ... كنت أعرفهم ...أفهمهم ...


    كنت !!! نعم كنت !!! اعتقدت

    وهم .... وهم .... وهم

    صاروا أوهاما مخيفه .... وذكريات مؤلمة ...

    لماذا يا حياتي ؟ من السبب ؟ أنا ....أم هذا الزمان ... أم علة أصابت جنس الانسان



    هذه المقدمة .... قد تحمل نوعا من الحزن والخوف وجانب كبير جدا جدا من التشاؤم !!!

    ففي لحظات الغضب ( نطفر) وفي لحظات الحزن ( نصل لليأس) وفي لحظات الحنين ( انصيح)

    قد يختلف احساس الشخص منا في الحياه ولكن لا يمنعنا من مشاركة لحظاتنا أحيانا مع أقرب الناس لنا

    خصوصا ...أولئك الذين يفتحون لنا بوابات الأمل بأسلوبهم وخبراتهم في الحياة

    فكرة الموضوع ... كيف نقدر نحول الصعب للسهل والتشاؤم للأمل ....

    كيف نقدر نحقق مسمى .... الحياة حلوه بس نفهمها

    كيف نقدر (انطنش ) المواقف إلي تستفزنا ونسويلها أكبر (طاااااااااااااااف )

    وكيف نقدر نكون ايجابيين بحياتنا و( انودر ) الضيج والكسل و( قحفية) التفكير الدائم إلي لابسينها ( عروسنا ) على رؤوسنا يعني


    بنحاول نفتح مواضيع من حياتنا الواقعيه ونختار من خلال آراء كل واحد فيكم الشيء إلي يفتح لنا باب الأمل بالحياة !!

    الموضوع الأول : من وجهة رايك الشخصية ..... كيف يقدر الانسان يستثمر أوقات الفراغ ؟

    مع مراعاة الحديث عن المجتمع الإماراتي بالنسبه للفتاه والشاب وحتى لصغار ولكبار

    خلونا نتناقش بعقول منطقيه وبردود واقعية وبنظره مستقبليه

    التعديل الأخير تم بواسطة حلم الطفوله ; 03-03-08 || الساعة 07:39 PM سبب آخر: غلطه
    لو كثرت عيوبي بعينك تباهيت .... أبقى الوحيد إلي عفس لك مزاجك

  2. #2
    عضوية الدكتوراه الصورة الرمزية الشوق
    تاريخ التسجيل
    Dec 2001
    المشاركات
    3,296
    قوة التمثيل
    435

    رد: يدا بيد .... نحو الأمل :)

    حلــــــــــوم ..
    ففي لحظات الغضب ( نطفر) وفي لحظات الحزن ( نصل لليأس) وفي لحظات الحنين ( انصيح)

    .
    .
    وكيف انقضي ونقضي وقت الفراغ
    بعد كل هالمشاعر والاحاسيس اللي احسها
    ((اتمر علي أوقات احس اني بايخه وااايد - اوقات وايده برغم من الضغط اللي اعاني فيه في وقت شغلي - احس نفسي ان مزاجي اتغلب علي وعلى اللي حوالي )
    بمعنى يوم اشووف اني عاطيه كل وقت فراغي لشغلي ... بمعني اني احاول استغل فراغي في شي واحد الا وهو لجوئي للشغل اللي بين ايده ( هالشغله الروتينيه - اسويها كل يووووم .. احس اني مضغووطه بمعنى ارهق نفسي - واضغط على اعصابي - واحيانا اصل لدرجه اني اعصب على العميل اللي حوالي ؟ طبعا لاسباب بمعنى انهم يوصلوني لدرجة اني انقهر من تصرفاتهم ..
    .
    .
    .
    احيانا التغيـــر والاوف داي والراحه النفسيه يلعب دوور في حياتي
    يعني بتقولين شو اسوي في وقت فراغي بقولج
    - أنـــــــــــــاااااااااا م
    - اتسوق
    - اتعشى في مطعم ويا اربيعتي
    - اقرى روايات رومانسيه او قصص إجراميه
    - ارسم
    - اجابل النت
    - اسير السينما مع الاهل
    .
    .
    .
    وبس
    لكن بعد اتمر علي اياااااااااام احس اني على الرغم من اشغال وقت فراغي الا انني
    ابكـــــــي بصمــــــــت على يومي اللي احس انه ما منه فايده
    .
    .

    حلم الطفوله
    وحشتيـــــــــــــني يالغلا وينج عن المسنجر

  3. #3
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    329

    رد: يدا بيد .... نحو الأمل :)

    حلووووووم .. انا ييــــــــــــت (وخير ان شاء الله )

    شدتني الايجابية اللي بين سطورج .. خليني اقولج عن شكل ايجابيتي وقولي عفانا الله مقدما ..

    الحالة الوحيدة اللي اتصرف فيها تصرف ينسجم مع الحالة هي الغضب .. اذا عصبت ما اطفر .. اطلع اللي في خاطري وماقصر .. اما كل الحالات الباجية اجابلها بالضحك .. مثلا البارحة (مشفر) .. واذا حزنت دورت لي كم نكته اضحكني ..او شخص يضحكني .. واذا حنيت اضحك على نفسي ..

    قريت في مكان مرة .. عشان تحافظين على ايجابيتج اوهمي نفسج .. رددي عبارات كلها تفاؤل مثل انا سعيدة .. انا جميلة اي شي .. واهم شي الصبح اول شي تقولينه انا اليوم متفائلة و تعيشين الشعور .. لا تسوين مثلي من اصبح الصبح قلت يااالله صبااح خير وماشوف المديرة بويهي يوم بدش المدرسة متأخرة

    اسمحيلي ع الخربطاان و الله دقت ساعة الصفر و المفرووض ارقد ..

    الحين بجاوب كيف ممكن نشغل أوقات فراغنا .. بسوي مثل الشوق و بقولج عني ....

    ما عندي وقت فراغ للأسف .. واذا حصلت استغليته في الرقاد .. مافي احلى عن هالاستغلال .. حاليا وقتي متوزع بين دوامي و تدريب لسواقة و البزنس اللي بادتنه وطبعا حياتي الخاصة لها نصيب الأسد من وقتي .. يوم احصل وقت في الدوام مثلا ايلس ع النت او اقرا او اكمل مجموعتي القصصية ..و امووت على اختراع اسمه تيلفزيوون احب اتاابعه واايد

    و اعتقد ان المثل حاصل مع شبابنا و بناتنا .. المعظم متوزع وقته بين دوامه او دراسته .. صداقاته و علاقاته .. او الطلعات مع العايلة و الاصدقاء .. او اشغال و مشاريع ..

    ماظن نحصل وقت فراااغ قااتل هالزمن .. الا اللي عالمه صغير و الايجابية عنده معدووومة ..

    شكرا ع الموضوع حلوووم .. تفاعلت اخيرا
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

  4. #4
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: يدا بيد .... نحو الأمل :)

    الشوق راعية الذوق .... والله وحشتيني موووت

    نعود لمحور حديثنا

    الروتين هو السبب الرئيسي لعدم استغلال وقت الفراغ بشكل ايجابي ومفيد

    بتكلم عن نفسي .... أحس إني طفرانه طول السنه بسبب هالروتين

    1- طول الأسبوع من المدرسه للبيت ومن البيت للمدرسه
    2- تحضير وتصحيح
    3- أغلب مكالماتي ويا المعلمات
    4- كاديني كد بالمدرسه بالأنشطه إلي ما تخلص وما بتخلص
    5- ما أحب الطلعات أبدا أبدا ..... مع إنه هالشيء كان من عاشر المستحيلات عند إخواني

    من فتره حاولت أغير هالروتين كله ....

    1- شغل المدرسه صار بالمدرسه وعقبها أسوي دليت لكل شيء
    2- أغلب مكالماتي ألغي فيها شيء اسمه مدرسه
    3- رجعت أتابع التلفزيون
    4- رجعت أخطط ليومي أكثر وهالنقطه واااايد ايجابيه لحياتي
    5- رجعت لهواياتي إلي أهملتها من فتره طويله
    6- وبعد أحاول أغير روتيني وحياتي من فتره لفتره ..... واستويت كووووووووووول

    تدرين يالشوق .... أحس إنج تقدرين تستمتعين بكل دقيقه بحياتج لأنج خارج حدود التدريس

    وبعد فيه صفه مشتركه بيني وبينج .... وايد نحاتي شغلنا حتى عقب الدواااام وهالشيء غلط

    يعني لازم نعيش اليوم بيومه ونحاول نغير بأيامنا عشان نرتاح أكثر ونحس باليوم ونستانس فيه أكثر

    وأهم شيء نستثمر وقتنا صح
    لو كثرت عيوبي بعينك تباهيت .... أبقى الوحيد إلي عفس لك مزاجك

  5. #5
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: يدا بيد .... نحو الأمل :)

    أويييييييييييييييييه !!!! طفله حيه ترزق!!!

    مرحبا ملايييين ولا يسدن ....

    واااااااااااايد استانست على أخبارج اليديده والحلوه بنفس الوقت

    وأخيراااا بتسوقين .......( أول وآخر مره سقت فيها كانت بالبر والله ستر وما دشيت بالعراقيب ولندود)

    الايجابيه وااااااااايد مهمه بحياة الانسان .... والأهم التفاؤل والأمل بأنه نظرتنا لباجر تكون أحلى وأحلى

    ما شاء الله عليج وحواليج .... عندج أسلوب واااايد حلو بالتعامل مع الأيام

    - فشة الخلق ( العصبيه ) أحس اطلعين فيها حرتج وهالشيء يولد الراحه بس بعد تضحكين على عمرجوهالشيء مب زين دووووووووووم .... الله يستر وما أستفز فيج عرج العصبيه بردي!!

    - وبعد كلمة انا متفائله .................. واااايد مهمه بس لازم تقترن بالعمل إلي يؤدي للتفاؤل ، بحاول أرددها وإن شاء الله بيكون لها أثر حلو بحياتي

    - حمستيني لسوالف البزنس واااااااااااااايد ....جان تبين شريكه من الحين قولي

    بس فيه نقطه ما أوافقج عليها .... وهي نقطتج الأخيره ....

    ماظن نحصل وقت فراااغ قااتل هالزمن .. الا اللي عالمه صغير و الايجابية عنده معدووومة ..

    صدقيني فيه ( بنات) الروتين بحياتهم يذبح هالزمن ...والسبب كلمة منقود بكل صغيره وكبيره

    يعني كيف بيغيرون بحياتهم و ( السواقه - الشغل بالمكان المختلط - النادي الرياضي - الطلعه ويا الصديقه إلي تسوق)كلها من قائمة المنقود

    لا تستغربين .....في هالزمن هالشيء موجود ومهما حاولوا يكبرون عالمهم بايجابيتهم يصكه باب المنقود ويقفله كف السلبيه ببرود

    بس بعد بالأمل كل شيء يتحقق وبالتفاؤل المستحيل يتلاشى وبالإراده الصعب يسهل والمنقود بيتراجع إذا كان نسبة الصح والعقل والثقة فيه ممكنه

    طفله .... كل يوم تعالي
    لو كثرت عيوبي بعينك تباهيت .... أبقى الوحيد إلي عفس لك مزاجك

  6. #6
    بروفيسور متميز الصورة الرمزية تحفه
    تاريخ التسجيل
    Oct 2002
    المشاركات
    8,951
    قوة التمثيل
    708

    رد: يدا بيد .... نحو الأمل :)

    تعرفين مره يتلي مرحله خايسه واثرت في نفسيتي عدللللللللللللللللللللل والسبه اني فكورس من الكورسات ختذ 20 كردتس اوارز ( في جامعه زايد)!! لول

    لازم اعترف كانت اشبه بعملية انتحااريه صدق ولله ماتمصخر !

    كنت من اي شي اطفر وكله احس اني مهمومه واني خلاص مكتابه واقول انا ليش جي وايد مشاكل في حياتي ومب مستانسه الحين يوم اتذكر اقول صدق اني كنت ذكيه

    الموهيم

    تعرفين يوم توصلين لمرحله وخلاص تشبعتي من شي؟ تبين شي "يفرج عنج" ولوكان في حاجز في حياتج وانتي تناضلين تبين تشلينه وتبين توصلين لهدفج وخلاص خلاص من "خاطر خاطرج" الا توصلين له؟

    سيده اقنعي نفسج ان الي الله كاتبنه هو الي بيصير وانتي سويتي الي عليج واذا ماصار خلاص اكيد فيه خير لج وصدقيني ان احسن من ايمانا بالله مافي! واذا صدق صدق حسيتي بايمانج بالله وانج واثقه في ان الله مابيضيع رزقج بترتـــــــاحيــــــــن!

    انا الحين اراكض ورا شي وصدق يعني اباه بالقو وبالعرض وبالطول واقدر ادخل واسطه واحصله بس الي صار هو اني فجاه تذكرت ان اذا تميت اراكض ورا شي وماصار من اول مره ولا من ثاني مره .. اذا صار من ثالث مره بالغصب يمكن يصير لي شي مب زين او اني ممكن اخذ حق حد غيري فيه ...

    مختصر كلامي هو ان الحل هو انج تحكمين ضميرج و تؤمنين بالله علشان ماتمرين مرحله الضيج والياس والصياح

    وعلى فكره بقولج موقف صار وياي ...

    في كورس من الكورسات كان لازم نحفظ كيف نطلع الناتج .. وال30 ستبس كانو فضييعييييييييييين يطلعون الروح ومعظم البنات مش قادرين يحفضونهم

    تخيلي كنت احاول احفظهم ساعتين اليوم الي قبله ومادشو راسييي .. وقبل الامتحان بساعتين كنت اراجع انا وربيعتي .. جان اقولها اني مب رايمه احفظهم واني شكلي بغش

    قالت لي فلانه مستحيل تغشين في هالقوانين لانهم وايد سهلاااااااااااااات ونا جي اطالعها
    جان تقولي انا حفظتهم امس في ربع ساعه ونا وتمت ترمس وحسستني انهم صدق سهلات ومايبالهم وحفظتني اياهم في عشرين دقيقه! .. واخر شي قبل لا اندش الامتحان قالت لي فلانه انا وايد فخوره فيج لان هالقوانين بصراحه يلست احفظهم في اربع ساعات ( )

    الموهيم

    كانت خدعه نفسيه على مستوى سويتها انا هالتيرم وي ثلاث بنات لين الحين لول
    كانو يواجهون صعوبات سواء في الزقت ولا البروجكت ولا الامتحان
    التعديل الأخير تم بواسطة تحفه ; 07-03-08 || الساعة 02:06 PM

  7. #7
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: يدا بيد .... نحو الأمل :)

    تحفه .... نورتي الموضوع

    تدرين .... حلو الواحد فينا يفكر هالتفكير .... وخصوصا من شباب في بداية حياتهم

    أغلب الجيل اليديد متسرعين وييئسون من أول عثره بطريج حياتهم .... موووول ما لهم بارض

    أنا قلت الأغلب يعني الربع زينين :)

    وقت الفراغ ووقت الدراسه لازم نشغله بأشياء تنفعنا ....وكل ما كان إيمانا بالله قوي وثقتنا بنفسنا عالية بتتسهل كل الأمور جدامنا وبنثبت إنه الإراده بتتغلب على المستحيل

    ومهما راكضنا ورا شيء نعتقد إنه مهم وما حصلناه لازم انحط ببالنا إنه إذا الله رايد لنا هالشيء بيستوي

    ومهما حصلنا الأشياء بسهوله ما بنحس بحلاتها و لا بندرك أهميتها ....لأنها سهله وحلاتها بصعوبتها ( غاوين شقى ترانا)

    هالخدعه النفسيه ..... جربتها مع بنت أخوي ونجحت وعطت نتايج إيجابيه جدا جدا

    لخصت لها منهج القواعد بقصه كانت وليدة اللحظه ... ولدرجة إني رسمت وياها القصه حزتها ( وانا رسمي زيروووووووووو على عشره )

    المهم خلال ساعه قدرت أفهم القاعده وألخصها بالقصه لين ما تعجبت من نفسها وحبت القواعد وايد

    وبيني وبينج حتى أنا تعجبت من عمري !!!! ساعات أطلع بفناتك

    تدرين يا تحفه ....كل ما كانت نفسيتنا تعبانه ما بننجز شيء مهم بحياتنا

    والاهم من كل هذا لازم نغير روتينا ....حتى هواياتنا لازم نجددها بن فتره وفتره

    عشان نحس بجيمة اليوم لازم نفكر بباجر ..... نفكر إنه إذا الله عطانا عمر يديد لازم نشكره ونسعى بالخير ونستفيد ونتعلم أكثر

    بس ما كلمتيني عن وقت فراغج وبشو تقضينه ؟؟؟؟؟
    لو كثرت عيوبي بعينك تباهيت .... أبقى الوحيد إلي عفس لك مزاجك

  8. #8
    بروفيسور متميز الصورة الرمزية تحفه
    تاريخ التسجيل
    Oct 2002
    المشاركات
    8,951
    قوة التمثيل
    708

    رد: يدا بيد .... نحو الأمل :)

    اممم هالسمستر احس ماعندي وقت فراغ علشان اخطط له :S وكل شي اسويه عشوائي

    هالسمستر دوامي من 8 لين وارجع معظم الايام 5 (لاتسالين ليش هاجدول الجامعه الارف =/ ) يعني انش ست وبعد الساعه 9 نادرا مابتشوفيني واعيه لول

    وفي هالاوقات ( ارجع اغير واصلي وانزل تحت اشرب جاي كرك واطالع تلفزيون وبعدين اقرا جرايد ومجلات وبعدين ياذن المغرب واصلي وبعدين اشوف اختي وماما واسولف وياهم نص ساعه وبعدين ايلس علنت واروح فوق اذا عندي شي اسويه اذا لا اشوف اذا عندي شي اذاكره اذا لا اصلي المغرب و افرك كريماتي وبعدين ايلس علنت بعدين ارررقد لول ) D=

    الويكند يكون عشوائي بعد .. بس يوم السبت يومي وي كزنتي او ربيعاتي 3> او اني اروح بوظبي واكون عند كزناتي

    وبس D=
    آحـــب أجــنــــنـهـم تــفــاكـــيـر و صـــدور و احـــب أكــــون "الـــصــعـب" ، مـــحــــدن يــــطـولـــه !

  9. #9
    عضوية الماجستير الصورة الرمزية وحي القلم
    تاريخ التسجيل
    May 2004
    المشاركات
    2,316
    قوة التمثيل
    359

    رد: يدا بيد .... نحو الأمل :)

    حلم الطفوله

    أنا ما أستانس وايد في الاجازة الطويله ؟ لا تفلعيني بالماوس

    هالنقطه اكتشفتها في بداية هالكورس

    في الاجازة كنت أتوتر على أقل شي

    بس عقب ما داومت تغيرت يمكن لاني حصلت شي يشغلني

    و بس.. مرتاحه و راضيه بدراستي الحمدلله

    أول ما تخرجت من المدرسه كنت أسمعهم يقولون أنه الدراسه في الجامعه ولا الكلية صعبه

    و جانج تبين الصدق كنت امصدقه و زايغه من هالكلام

    بس عقب اكتشفت اني كنت غلطانه يوم اني صدقت كلامهم قبل ما أجرب

    لانه اللى يركز فدراسته ما بيشوفها صعبه

    صح اني صادفت مدرسين ما يعيبني أسلوبهم بس قدرت أمشي وياهم

    لاني أدرس عشان أبني مستقبلي

    و هالمدرسين بيكونون ويايه فتره قصيرة بس

    فـ ليش أنكد على عمري عشانهم
    No matter what they tell us
    No matter what they do
    No matter what they teach us
    what we believe is
    [TRUE]


  10. #10
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    رد: يدا بيد .... نحو الأمل :)

    مساء الورد لأحلى ناس

    تحفه

    يعني ما عندج روتين معين .... وهذا هو المطلوب

    كل ما غيرنا الروتين كل ما حسينا بحلاة اليوم ....وعسى أوقاتج كلها سعاده وفرح

    وحيوتي ....صديقتي ... أعز الناس

    أفا عليج ما بفلعج لا بماوس ولا بوردة جوري ....بس بستخدم وياج طريقتي المعتاده

    حلوه هالثقة إلي أقراها بسطورج ... والأحلى روح التفاؤل فيج ...ربي يسعدج بالدارين

    تعلمت منج إنه نحن نقدر نحول الصعب للسهل والسلبي للإيجابي إذا حبينا إلي نسويه

    ندرس بحب ونذاكر باقتناع ونشتغل بحرص عشان يكون شغلنا متقن ونحصد النتيجه إلي تريحنا بالنهاية

    ما فيه شيء صعب وما فيه شيء مستحيل ....

    بس تعالي !!!! ما خبرتيني شو تسوين بأوقات فراغج أيام الاجازات الطويله نوعا ما والأسوعية بشكل خاص
    لو كثرت عيوبي بعينك تباهيت .... أبقى الوحيد إلي عفس لك مزاجك

  11. #11
    عضوية الماجستير الصورة الرمزية وحي القلم
    تاريخ التسجيل
    May 2004
    المشاركات
    2,316
    قوة التمثيل
    359

    رد: يدا بيد .... نحو الأمل :)

    بس بستخدم وياج طريقتي المعتاده
    لا الله يخليج.. مشكوره

    .
    .

    الله يسلمج ما عندي روتين معين فالاجازات

    أظهر يوم أحصل حد يسير ويايه

    و إذا يلست فالبيت أدخل الواحات

    أشوف أفلام.. ولا مسلسلات آسيويه

    ولا أتصل بصديقاتي

    صح أنه شي منهم ما يسئلون لين ما أتصل بهم

    .
    .

    و في إجازة الجمعه و السبت

    يوم الجمعه أسوي أي شي من اللى كتبته توني

    و السبت أكمل فيه الشغل اللى لازم أسويه حق يوم الاحد

    و بس.. هذا اللى في بالي أحينه
    No matter what they tell us
    No matter what they do
    No matter what they teach us
    what we believe is
    [TRUE]


  12. #12
    بروفيسور متميز الصورة الرمزية أنامل قلب
    تاريخ التسجيل
    Oct 2006
    المشاركات
    4,759
    قوة التمثيل
    449

    رد: يدا بيد .... نحو الأمل :)

    :

    السلام عليكم ..

    موضوع طيب وتفاعل جميل ^_^ ..
    ان شاء الله يكون لي عوده ..

    ان شاء الله ..

    واسمحيلنا عالقصور حلم الواحات ..

    :

    ودي ..

    :.
    [ وما تقدموا لأنفسكم من خير تجدوه عند الله } ..






  13. #13
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    329

    رد: يدا بيد .... نحو الأمل :)

    خااااااااااااااااطري ارد .. لكن انا مغمضه عين و فاتحه عين الحين .. و برووحه النظر زيييروو على عشره ع قولتج .. فما يحتاااي اعبر عن شعوري الحين ..

    بس شدتني جمله .. او جملتين ..

    منووو قاااااااال اني مت !! تراهااا اشاعه في البلد

    التعليق الثاااني .. احلــــــــــى شي انج تقطعين علاقتج في كل شي يخص الدوام من تطلعين من باب المدرسة ... هذي ثقافه انا نشرتها في غرفة المدرسات .. ما يحضرن في البيت و لا يصححن شي الحينه مني صدق ..البيت حق حياتنا الخااصة عااد .. مب معقوله الشغل بيلحقني البيت بعد

    و بعد لي عودة باجر الصبح اذا الله راد ....

    تحياتي لج حلووم ..
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

  14. #14
    عضو ممتاز الصورة الرمزية طفلة من هذا الزمان
    تاريخ التسجيل
    Dec 2001
    المشاركات
    1,150
    مزاجي
    Tired
    قوة التمثيل
    329

    رد: يدا بيد .... نحو الأمل :)

    أنا ييـــــــــــــــت ،،

    حلوووم انا شكلي انحس مواضيعج .. من ارد على موضوع ماشوف حد عقبي يرد الا عقب يووومين عالأقل ..

    الحين اقدر اطلع اللي في خاطري ،،

    صحيح ان في نسبة معينة من البنات وقت الفراغ عندهم مشكلــة .. و انا اعرف من اللي حواليني وايدات من هالنوعية .. ولنفس الأسباب اللي ذكرتيها ..

    لكن بعد ماشوف ان الموضوع مشكلـته في الأهل و المنقود .. مشكلته في البنات نفسهن و طريقتهن في التعامل مع الموضوع .. لأنه في الدنيا ألف شغله و شغله ممكن نشغل أنفسنا فيها بداية من هوايات صغيرة لين مشاريع محدودة نطاقها البيت مب أكثر ..

    نحتاج عقل يفكر و يحوّر الموضوع لصالحه وبالإيجابيـــــة كل شي يتغير ..(تصدقين انا وحده اكره الصالات الرياضية وماشوف لها داعي .. عيل حوي البيت حق شو مخترعينه .. مشي نص ساعه يكفي عن مليون ساعه في الجيم )

    قضاء وقت الفراغ مايكون في الطلعات و بس .. حتى يلسة البيت لها متعتهـــا اذا فكرنا كيف ..

    انتو ليش ما تحبون التلفزيوون مثلي ... مووووووووول مافي ملل .. هالاختراع مخرب حياتي الصراحة ..

    المهم .....

    انا حية أرزق ...........
    طفلــــــة ،،
    I was FINE before LIFE happened to me


    كـــــــــل شيء صار مـــرا في فمي .. بعدمـــا أصبحت في الدنيا عليمـا
    أين من يأخذ عمــري كلــــــــــــــه .. و يعيـد الطفلـــة و الجهـل القديما

    (أحدهم)

  15. #15
    عضوية الماجستير الصورة الرمزية وحي القلم
    تاريخ التسجيل
    May 2004
    المشاركات
    2,316
    قوة التمثيل
    359

    رد: يدا بيد .... نحو الأمل :)

    أنا ويا طفله

    الملل نحنى اللى نتحكم به

    بس ساعات اليلسه فالبيت فتره طويـــــــــــــله تيب المرض بعد

    أحس ضروري أنه الوحده تظهر.. ما أقصد أنها لازم تهيت 24 ساعه

    يعني بين فتره و فتره

    .
    .

    و على طاري التلفزيون

    أنا يرتفع ضغطي يوم أشوفه .. طفلة لا تحرجين

    مب دوم أحصل برامج أتشجع أني أتابعهن في هالاختراع
    No matter what they tell us
    No matter what they do
    No matter what they teach us
    what we believe is
    [TRUE]


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نظـــرة حــــب
    بواسطة الشوق في المنتدى واحة القصص و الحكايات
    مشاركات: 34
    آخر مشاركة: 19-08-06 ||, 09:28 PM
  2. جدييييد emaraaaaty صفحة ألم
    بواسطة شمس دبي في المنتدى واحة القصص و الحكايات
    مشاركات: 247
    آخر مشاركة: 03-02-06 ||, 07:31 PM
  3. قمر خالد
    بواسطة الأميره عناده في المنتدى واحة القصص و الحكايات
    مشاركات: 193
    آخر مشاركة: 27-09-04 ||, 07:19 PM
  4. اااااه يا قلبي
    بواسطة بن دبي في المنتدى واحة القصص و الحكايات
    مشاركات: 11
    آخر مشاركة: 22-09-03 ||, 09:28 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •