يدا بيد .... نحو الأمل :)

[أنامل قلب]

:
.

الله يكون بعونج اختي حلم ..
صدق ما اتوقع اني انحط بموقفج ..

أحيانا الاصغار يبدون كلام ما نتوقعه .. ودائما يكونون واعين على شغلات كثيره ..
يمكن نحن مو واخذين بالنا عليها .. ولا مفتكرين بإن اليهال ممكن يلاحظونها ..
وللأسف .. فعادة ما تكون الآثار كبيره عليهم ,، !

:

بتكلم عن تجربة شخصية لي .. ولو اني ماكنت حابه اذكرها .. بس لمجرد الافاده ..
فـ عدنا بالبيت كان الوالد ـ الله يحفظه لنا ـ يدخن ..
قطعه مده عقب وما رجعلها الا لمن فكر بإن صلب واحد ما بيرجعه لادمانه .. والعكس اللي صار ..,، !
طبعا بعد ما رجع لها مدة طوييـــــــــله .. مادري بالضبط شوللي صار وجعله يتركه للمره الثانيه ..

تم مده عادي قاطعنها .. الحمدلله والشكر ما رجعلها للحين ولا أظني بيرجع .. لأن النتايج كانت وخيمه عليه ..
الحمدلله على سلامته حاليا .. لكنه أصاب بالمرض الكريه اللي ماظني كرهت مرض كثره ألا وهو السرطان ..
والله لا يراويكم شلون حالة المريض توصل لأسوأ الحالات .. ويظل آثار المرض معاه حتى بعد العلاج ..
والموضوع كله يبدأ بمجرد صلب واحد .. والتمادي يحصل تالي بغير حاسيه من المعني نفسه ..
فهل يستحق الوضوع هذي التضحية بسلامتنا وراحة بالنا ..,، !

أمراض مثل هذي اكثرت عندنا بالدنيا بشكل غير طبيعي عن الماضي ..
فالمفروض ان الواحد كثر ما يقدر يبتعد عن أي مسلك ممكن يوجهه بلا حاسية لهاوية هو في غنى عنها ..
ومهمن كانت الامراض قضاء وقدر من رب العالمين ..
لكن هل من العقل أن أرمي بنفسي من قمة الهاوية وأقول بأن وفاتي وما أصابني هنا قضاء وقدر .. ,، !

:

الحمدلله والشكر على نعمة العافية .. وحاليا الجقاير عدنا محضورة كليا بالبيت ..
أكان المدخن حبيبا أم أقل من مقدار الحبيب بقليل .. والشاطر يفهم ..

+ باباتي ماكره الجقاير وحسب .. استوى يمقت النظر لأي مدخن أكان من قريب أم بعيد ..

:

اسمحيلي عالقصور حبابه ..
ووو اسمحيلي كذلك فقد تكون لي عوده أخرى إن شاء الله ..

ولا هان الرحمن قدرج ,،

:.